د افغانستان بانک وايي چې سبا د «افغانۍ» ارزښت ساتلو په موخه د یوې داوطلبۍ له لارې څوارلس میلیونه امریکايي ډالر لیلاموي.
د افغانستان بانک له نورو بانکونو، د صرافیو او پولي خدمتونو له شرکتونو غوښتي چې په دې داوطلبي کې ګډون وکړي.
د افغانستان بانک ویلي، ګټونکي بانکونه او شرکتونه باید د لیلام ورځې تر پایه خپل حسابونه پاک کړي او د ضمانت ټولې پیسې هم په یوه وار دغه بانک ته وسپاري.
دا لومړی ځل نه دی چې د افغانستان بانک د «افغانۍ» ارزښت ساتلو په موخه ډالر لیلاموي، بلکې تر دې وړاندې یې هم وختناوخت میلیونونه ډالر لیلام کړي دي.
