یمن کې د حوثیانو د پوځ ویاند یحیی سریع وايي، دوی به هره هغه کښتۍ چې د اسراییلو بندرونو پر لور روانې وي او لاسرسی ورته ولري، په نښه به یې کړي.
سریع په یوه ټلوېزیوني وینا کې وویل: «موږ به هر هغه کښتۍ په نښه کړو چې د مدیترانې سمندر کې د اسراییلو بندرونو ته روانې وي. که زموږ لاس ورته ورسېږي، په نښه به یې کړو.»
د سلاموطندار پښتو فېسبوکپاڼه وڅارئ
سریع د وینا پرمهال د دغې پرېکړې یو لامل د غزې لوېدیځ رفح ښار کې د اسراییلو د پراخ پوځي عملیات هم بللی چې اوس دغه ښار کې شاوخوا ۱.۵ میلیونه وګړي مېشت دي.
ایران پلوه حوثي ډلې له نومبر میاشتې راهیسې د سور سمندرګي، باب المندب تنګي او د عدن په خلیج کې پر بېړیو د بېپیلوټه الوتکو او توغندیو بریدونه کړي دي.
دوی وايي، دغه بریدونه یې له فلسطینیانو سره د پیوستون د کمپاین یوه برخه ده.