د اسراییلو پوځ وايي چې ایران پر دغه هېواد ۲۰۰ کروز او بالسټیک توغندي ورتوغولي دي.
د یاد هېواد د پوځ ویاند ډانیل هاګاري ویلي چې اسراییلو او متحدینو یې د دفاعي سېسټم په مرسته د یادو توغندیو ډېره برخه شنډ کړي دي.
د سلاموطندار پښتو فېسبوکپاڼه وڅارئ
هاګاري زیاته کړې چې د توغندیو یوه برخه کې د اسراییلو سوېل کې یو پوځي مرکز په نښه کړی چې په وینا یې، زیان ورته نهدی اوښتی.
هغه په دې اړه نور جزییات ورنهکړل.
ایران بېګاه ناوخته پر اسراییلو د بېپېلوټه الوتکو په مرسته بریدونه کړي چې دغه هېواد غچاخیستونکي بللي دي.
ایران وايي چې دغه بریدونه یې د سوریې دمشق کې اسراییلو له لوري د یاد هېواد د کونسلګري د نښه کولو له امله کړي دي.
په هغه برید کې د ایران د سپاه پاسداران د یوه مهم قومندان په ګډون اووه کسان وژل شوي وو. یاد برید د روانې وري میاشتې پر ۱۴مه شوی و.