د افغانستان کرېکټ بورډ له زمبابوې سره د راتلونکو یو ورځنیو او شل اووره سياليو لپاره د حشمت الله شهيدي او محمدنبي په لوبډلمشري دوه لوبډلې اعلان کړې.
د کرېکټ بورډ د معلوماتو پربنسټ، ټاکل شوې افغان لوبډله د زمبابوې پر وړاندې راتلونکې جون مياشت کې درې یو ورځنۍ او درې شل اووره سیالۍ وکړي.
د سلاموطندار پښتو فېسبوکپاڼه وڅارئ
دغه سیالۍ به د جون پر څلورمه نېټه پیل او د همدې میاشتې تر څوارلسمې نېټې به دوام وکړي.
د کرېکټ بورډ مسوولانو ویلي، يادې يو ورځنۍ نړيوالې سيالۍ یې د ٢٠٢٣ کرېکټ نړيوال جام لوبو ته د لار موندنې او شل اوريزې سيالۍ به راتلونکي شل اوريز نړيوال جام ته د چمتووالي په موخه ترسره کړي.
دغه ټولې سیالۍ د زمبابوې په کوربهتوب په هرارې لوبغالي کې ترسره کېږي.
د کرېکټ بورډ د معلوماتو له مخې، ټاکل شوې چې افغان کرېکټ ملي لوبډله به په نږدې وخت کې زمبابوې ته سفر وکړي.
