د بشري حقونو څار بنسټ د ټلویزیونونو ښځینه ویندویانو لپاره د ماسک کارولو اجباري کېدو په تړاو د اسلامي امارت د امر په غبرګون کې ویلي چې دا محدویتونه د بیان ازادۍ لپاره د ښځو د حقونو او د شخصي خپلواکۍ او مذهبي باورونو نقض دی.
په غزني کې یوشمېر صنعتکاران وایي، په دغه ولایت کې د صنعتي پارکونو نشتوالي د تولیدي کارخونو د ودې مخه نیولې او د دغه وضعیت په دوام سره به ډېری تولیدي کارخونې وتړل شي.
د مالیې وزارت مسوولان وايي چې د روان مالي کال په بودیجه کې یې متقاعدینو ته پیسې ځانګړې کړي او ډېر ژر به د متقاعدینو او دولتي کارکوونکو حقوق او معاشونه ورکړي.
د اسلامي امارت سرپرست حکومت د عربي متحده اماراتو له «ګاک» شرکت سره د هېواد د درېوو هوايي ډګرونو د تنظیم او مدیریت تړون لاسلیک کړ. دغه تړون نن کابل کې د یوې ناستې پرمهال د ټرانسپورټ او ملکي هوايي چلند وزارت د مرستیال غلام جیلاني وفا او د عربي متحده اماراتو د «ګاک» شرکت د مدیر ترمنځ لاسلیک شو.
د لوګر ولایت محلي مسوولان وايي چې بېګاه شپه د محمداغې ولسوالي په مغلخېلو کلي کې د تیږو په یوه کان کې د چاودنې له امله یو کس وژل شوی او درې نور ټپیان دي.
د بېپولې ډاکټرانو سازمان په افغانستان کې پر شري ناروغۍ د اخته ماشومانو د شمېر له ډېروالي څخه اندېښنه څرګنده کړې ده.
د افغانستان کرېکټ بورډ له زمبابوې سره د راتلونکو یو ورځنیو او شل اووره سياليو لپاره د حشمت الله شهيدي او محمدنبي په لوبډلمشري دوه لوبډلې اعلان کړې.
باختر خبري اژانس د کندوز ګمرک د مسوولانو له قوله خبر ورکړی چې شېرخان بندر د سوداګریزو او ټرانزیټي توکو د لېږد رالېږد پرمخ پرانستل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
