د دفاع وزارت پر خپله ټوېټرپاڼه لیکلي چې د یاد وزارت سرپرست محمدیعقوب مجاهد او لوی درستیز فصیحالدین فطرت چهارشنبه د سلواغې ۱۲مه د مخکیني حکومت له یوشمېر جنرالانو او چارواکو سره لیدلي دي.
د دفاع وزارت ویلي چې دغه لیدنه کې د مخکیني حکومت ډګر جنرال افضل امان، ډګر جنرال محمد زمان احمدزي، تورنجنرال شعورګل، تورنجنرال نبيالله، بریدجنرال فرید، ډګروال افندي او ځینو نورو جنرالانو او د قولاردو قومندانانو ګډون درلود.
د سلاموطندار پښتو فېسبوکپاڼه وڅارئ
د دفاع وزارت یاد کسانو سره د لیدنې پر مهال ویلي، د اسلامي امارت هدف هېواد کې د امنیت ټينګښت دی. نوموړي ویلي: «اوس د دې وخت دی چې تېرو زخمونو ته پټۍ ورکړو، موږ باید تعصب ختم کړو او دغه تعصب ختمول اخلاص او مینې ته ضرورت لري.»
سلاموطندار پر ټوېټرپاڼه هم وڅارئ
د دفاع وزارت زیاته کړه چې د یاد وزارت سرپرست د مخکیني حکومت د جنرالانو او قومندانانو وړاندیزونه او ستونزې واورېدې او د هواري ژمنه یې ورکړه.
