کابل کې یوشمېر اړمن چې د ډبرو سکرو لپاره را ټول شوي وايي، بېوزلي یې لامل شوې چې یوشمېر ورځې په لوږه او سړه هوا کې بېګاه کړي.
رخسار چې د ۱۰ کسیزې کورنۍ مسوولیت یې ور له غاړې دی، وايي چې د خلکو کورونه پاکوي، څو خپلې کورنۍ ته یوه مړۍ دودۍ پیدا کړي.
د امریکا د بهرنیو چارو وزیر انټوني بلېنکن سیمې ته د افغانستان لپاره د دغه هېواد د ځانګړي استازي ټوماس وېسټ له سفر سره هممهاله ویلي، که ا.ا پر افغان ښځو لګېدلي محدودیتونه لرې نه کړي، نور فشار به هم پرې راوړي. خو د ا.ا د ویاند مرستیال بلال کریمي وايي، د ملي ګټو او اسلامي ارزښتونو پر بنسټ به خپلې تګلارې ته دوام ورکړي.
د جوزجان مرکز شبرغان ښار کې د ترکستان په نوم د اوړو د تولید فابریکې مسوول بازمحمد وايي، یوه شپه او ورځ کې ۳۵ ټنه اوړه تولیدوي.
هغه وویل، د فابریکې بېلابېلو برخو کې ورسره ۳۰ کسان کار کوي او زیاتره تولید شوي اوړه هم فاریاب، سرپُل او کابل ولایتونو ته صادروي.
هلمند کې کلونو جګړې، وچکالۍ او وزګارتیا لامل شوي چې د دغه ولایت د اوسېدونکو پر ژوند او اقتصاد منفي اغېزې وکړي.
هلمند کې یوشمېر کورنۍ وايي چې د وزګارتیا، بېوزلۍ او امکاناتو نشتون له کبله په زړو او نیمه ورانو هټیو کې ژوند کوي. سمېعالله چې د درېوو اولادونو پلار دی، په یوې زړه هټۍ کې د ژمي سړې شپې او ورځې تېروي.
د دفاع وزارت پر خپله ټوېټرپاڼه لیکلي چې د یاد وزارت سرپرست محمدیعقوب مجاهد او لوی درستیز فصیحالدین فطرت چهارشنبه د سلواغې ۱۲مه د مخکیني حکومت له یوشمېر جنرالانو او چارواکو سره لیدلي دي.
د کابل ښار یوشمېر اوسېدونکي د پلازمېنې په بازارونو کې د اوبلن ګازو د بیې له لوړوالی شکایت کوي.
د پلازمېنې یوشمېر اوسېدونکي سلاموطندار ته وايي چې کابل کې د هوا سړېدو او د برښنا نشتون سربېره د ګازو د بیې لوړېدو دوی له ګڼو ستونزو سره مخ کړي دي. دوی له حکومت غواړي چې بیې کنټرول کړي.
پاکستاني رسنیو نن پنجشنبه د سلواغې ۱۳مه راپور ورکړی چې د دغه هېواد د خېبرپښتونخوا ایالت پولیسو لاریون کړی دی.
د رسنیو د راپورونو له مخې، لګسونه پولیسو پرون چهارشنبه د سلواغې ۱۲مه/ جنورۍ لومړۍ په پېښور کې د شوي ځانمرګي برید په غبرګون کې لاریون کړی او له حکومت یې غوښتنه کړې چې د برید په اړه څېړنې وکړي.
د هند کرېکټ ملي لوبډلې په خپل کوربهتوب د یو ورځنیو سیالیو د لوبلړۍ له ګټلو وروسته یې له نیوزیلنډ څخه د شل اووره سیالیو لوبلړۍ هم وګټله.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
