د سرپرست حکومت د دفاع وزارت وايي چې د پاکستان د هوايي بریدونو په غبرګون کې یې، ډیورنډ کرښه ته څرمه د پاکستان د پوځ پر مرکزونو د درنو وسلو بریدونه کړي دي.
د دفاع وزارت نن دوشنبه، کب ۲۹مه پر اېکسپاڼه لیکلي چې دغه بریدونه یې پر پکتیکا او خوست د پاکستان د هوايي بریدونو په غبرګون کې کړې دي.
د ملي دفاع وزارت سرپرست محمد.یعقوب م.جاهد د چین، ایران او پاکستان له استازیو سره په لیدنه کې ویلي چې په افغانستان کې د هېوادونو د پرمختیايي پروژو د امنیت ټينګښت ته تیار دي.
د ملي دفاع وزارت مسوولان وايي چې بامیانو کې یې د ۲۷ میلیونه ډالرو په ارزښت ګڼشمېر تاریخي او عتیقه اثار کشف او ضبط کړي دي.
دغه وزارت نن شنبه د وږي ۱۸مه پر اېکس شبکه «ټوېټرپاڼه» لیکلي چې د یادو تاریخي اثارو د قاچاق په تور یې درې قاچاقوړونکي هم نیولي دي.
د دفاع وزارت پر خپله ټوېټرپاڼه لیکلي چې د یاد وزارت سرپرست محمدیعقوب مجاهد او لوی درستیز فصیحالدین فطرت چهارشنبه د سلواغې ۱۲مه د مخکیني حکومت له یوشمېر جنرالانو او چارواکو سره لیدلي دي.
د پاکستان د دفاع وزارت خواجه محمداصف ویلي چې له اسلامي امارت سره د شوې هوکړې خلاف د افغانستان خاوره د پاکستان پر ضد کارول کېږي.
د پاکستان د دفاع وزیر له جیونیوز سره په خبرو کې ویلي چې د اسلامي امارت حکومت پاکستان سره ژمنه کړې چې خاوره به یې د دغه هېواد پر وړاندې نه کارول کېږي.
د ملي دفاع وزارت د جلب او جذب قومنداني مسوولان پنجشېر کې د ا.ا د پوځ لیکو ته د ځوانانو د جذبولو بهیر له پیل څخه خبر ورکوي. د پنجشېر د اطلاعاتو او فرهنګ رییس نصرالله ملکزاده د دغه ولایت د جلب او جذب قومندان حسنالبنا حدید له قوله ویلي، د دغه بهیر له پیله تر دا مهاله د پنجشېر لسګونه ځوانان د ا.ا د پوځ لیکو ته جذب شوي.
د ملي دفاع وزارت وايي، یوه بلکهاک امریکايي چورلکه چې نظامیانو د تمرین لپاره الوځولې وه، د دغه وزارت اړوند نظامي پوهنتون په انګړ کې را لوېدلې ده. دفاع وزارت وايي، په دې پېښه کې دوه پیلوټان او یو د چورلکې خدمه وژل شوی او پنځه نور کسان ټپیان شوي، خو د ټپیانو په اړه یې نور جزیات نه دي ورکړي.
د دفاع وزات هوډ لري چې له ټول افغانستان څخه د دغه وزارت په چوکاټ کې حربي شوونځي ته شاوخوا ۴۰۰ زدهکوونکي جذب کړي. د یاد وزارت ویاند عنایتالله خوارزمي سلاموطندار ته ویلي چې دوی د خپلو قولاردوګانو له لارې دغه اعلان په ولایتونو کې هم خپور کړی دی.
د امریکا دفاع وزارت یا پنټاګون په یوه راپور کې ویلي، له افغانستان څخه د دغه هېواد له وتلو وروسته، د اووه میلیارده ډالرو په ارزښت پوځي تجهیزات چې له مخکي حکومت سره یې مرسته کړې وه، ترې پاتې دي. دغو پوځي تجهیزاتو کې الوتکې، پوځي وسایط، د مخابرې دستګاوې او بېلابېل ډوله وسلې او نور مهمات شامل دي.
د اسلامي امارت د دفاع وزارت د مخکیني حکومت د پوځ د قول اردو نومونه بدل کړي دي. د هغه حکم له مخې چې د دفاع وزارت د سرپرست محمدیعقوب مجاهد په لاسلیک سره خپور شوی، په کابل کې د ځانګړو عملیاتو قول اردو، د مرکزي قول اردو په نوم، د بلخ ۲۰۹ شاهین قول اردو، د الفتح په نوم نومول شوې دي.
په داسې حال کې چې د هېواد په بېلابېلو ولایتونو کې د افغان امنیتي ځواکونو او وسلهوالو طالبانو ترمنځ سختې جګړې روانې دي، د افغانستان د دفاع سرپرست له خپل امریکایي سیال سره په یوې ټیلیفوني اړیکه کې د سټراټیژیکو او پوځي همکاریو په اړه خبرې کړې دي.
هېواد کې د جګړې سختېدو او د طالبانو له لوري د ځینو ولسوالیو له نیول کېدو سره سم، د بېلابېلو ولایتونو اوسېدونکي د ولسوالیو بېرته نیولو او د طالب وسلهوالو ماتولو په موخه را پورته شوي او له خپلو امنیتي او دفاعي ځواکونو سره اوږه په اوږه مبارزه کوي.
که څه هم یوه سرچینه چې نه غواړي نوم یې یاد شي وايي، د ملي دفاع وزیر اسدالله خالد له څلورو میاشتو وروسته هېواد ته راستون شوی او ډېر ژر به خپلې چارې پیل کړي، خو د دفاع وزارت د رسنیو برخې مسوولان په دې اړه خبرو کولو ته نه حاضرېږي. دغه وزارت مخکې ویلي و چې خالد د درملنې لپاره له هېواده بهر تللی او په دې موده کې یاد وزارت د سرپرست له لوري اداره کېده.
یوه امنیتي سرچینه چې نه غواړي نوم یې خپور شي سلاموطندار ته وايي، شاوخوا ۱۱ سوه امنیتي ځواکونه، چې د پولیسو ځانګړې قطعه، کومانډو، د پوځ سرتیري او پولیس په کې دي، بامیانو کې د ولسي مقاومت قومندان عبدالغني عليپور ځپلو لپاره د چمتوالي په حال کې دي.
د امریکا دفاع وزیر لویډ اسټین د دغه هېواد متحدانو ته ډاډ ورکوي چې متحده ایالات به په بیړه او نامنظم ډول له افغانستانه را ونه وځي.
د امریکا دفاع وزارت په یوه خبرپاڼه کې لیکلي چې اسټین پرون د ناټو د دفاع وزیرانو په غونډه کې ویلي چې هېواد یې له طالب ډلې سره د امریکا په هوکړه کې د شرایطو پر بشپړې ارزونې کار کوي، څو دواړه لوري ورته ژمن وو، که نه.
د ملي دفاع وزارت وايي چې په نیمروز کې د هغه هوايي برید له کبله چې دوه شپې وړاندې شوی و، ۵ طالبان او ۹ پاکستاني ترهګر وژل شوي او ۶ نور ټپیان دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
