د افغان–جاپان روغتون مسوولان په هېواد کې پر کورونا ناروغي د اخته کسانو د شمېر زیاتوالي خبر ورکوي او وايي، د کورونا روانه اتمه څپه د تېرو هغو په پرتله ګواښوونکې ده او پرې د اخته کسانو روغتیايي وضعیت هم د اندېښنې وړ دی. د مسوولانو په خبره، په دې څپه کې له نیمايي ډېر هغه کسان هم پر کورونا اخته شوي چې مخکې پرې اخته وو.
د زابل د عامې روغتیا ریاست مسوولان وايي، له څه مودې راهیسې په دغه ولایت کې د کورونا ویروس پېښې ډېرې شوي او په وینا یې، هره ورځ یوازې په مرکز کلات ښار کې له ۱۷ تر ۲۵ مثبتې پېښې ثبتېږي.
د کورونا ویروس چې د ۲۰۱۹ کال په ډېسمبر میاشت کې د چین په ووهان ښارکې راپیدا شو، په ډېره لږ موده کې یې لمن د نړۍ بېلابېلو هېوادونو ته وغځېده چې له اقتصادي او نورو برخو سربېره یې، د خلکو پر ژوند هم ډېر اغېز وکړ.
د بادغیس یوشمېر اوسېدونکي د کورونا ویروس په درملنه کې له طبیعي بوټو کار اخیستل مهم بولي. دوی وايي چې د کورونا ناروغانو د درملنې لپاره له طبیعي بوټو د درملو جوړول اغېزمن ثابت شوي دي.
د افغان ـ جاپان روغتون مسوولان وايي، په وروستیو ورځو کې د کووېډ ۱۹ ناروغانو شمېر ډېر شوی دی.
د عامې روغتیا وزارت مسوولان وايي چې د روان میلادي کال د لومړیو دوو میاشتو په پرتله په تېره میاشت کې په ټول هېواد کې د کورونا «اومېکرون» بڼې پېښې راکمې شوې دي.
عامې روغتیا وزارت د ټول هېواد په کچه د کورونا واکسین د تطبیق کمپاین د پیلېدو خبر ورکړ. د دغه وزارت یاند جاوید هژیر سلام وطندار ته وویل؛ هېوادوال کولای شي د مارچ میاشتې له لومړۍ نېټې څخه له روغتیایي مرکزونو د کورونا واکسین ترلاسه کړی.
د روغتیا نړیوال سازمان رییس تدروس ادهانوم ګبریسوس ویلي چې د اسلامي امارت د عامې روغتیا له وزیر قنلدر عباد سره یې لیدلي دي. دواړو لوریو په دې لیدنه کې افغانستان کې د روغتیايي او انساني ناورین په اړه خبرې کړي دي.
د عامې روغتیا وزارت نن اعلان کړی چې په تېرو ۲۴ ساعتونو کې په هېواد کې درې کسان د کورونا ناروغۍ له امله مړه شوي او ۶۲۹ نور پرې اخته شوي دي. د هېواد په ۱۷ ولایتونو کې د کورونا له ټېست یا معایناتو وروسته ترلاسه شوي معلومات ښیي چې په دغو ولایتونو کې د کورونا ۱۷۰۲ شکمنې پېښې ثبت شوې دي.
په تېر ۲۰۲۱ کال کې د افغانستان ښوونیز او زدهکړهییز نظام له سیاسي او د کورونا ویروس د خپرېدو له امله له ګڼو ننګونو او لوړو او ژورو سره مخ و.
د ۲۰۲۱ کال په اپرېل میاشت کې ښوونځي او پوهنتونونه د دوو میاشتو لپاره پرانیستل شول او په نورمال ډول یې دوام درلود، خو د کورونا ویروس خپرېدو ښوونیز او زدهکړهییز بهیر ته زیان ورساوه.
د پلازمېنې اوسېدونکي په نړۍ کې د کورونا ویرووس د نوې خپرې شوې اومېکرون بڼې په اړه د اندېښنې په څرګندولو سره وايي، وېره شته چې دغه ویرووس به د کورونا د نورو خپرو شویو بڼو په څېر، له ګاونډیو هېوادونو افغانستان ته راولېږدول شي.
په فراه ولایت کې هره ورځ په سلګونه کسان د دغه ولایت مرکز او د لرو پرتو سیمو روغتیايي مرکزونو ته د کورونا ویرووس ضد واکسین ترلاسه کولو لپاره ورځي. د فراه اوسېدونکي له ټولو خلکو غواړي چې خپلې روغتیا ته پام وکړي او کورونا ویرووس ضد واکسین ترلاسه کړي.
په کابل کې د کورونا ویروس ناروغانو ته د ځانګړي شوي افغان ـ جاپان روغتون سرطبیب ډاکټر طارق اکبري وايي، د پخوا په پرتله د کورونا ناروغي د مراجعینو شمېر مخ په زیاتېدو دی. نوموړی وايي، څو ورځې وړاندې د غزني د جاغوري ولسوالي ۲۴ اوسېدونکي دغه روغتون ته ورغلي وو چې له ډلې یې اووه هغه پر کورونا اخته وو.
په هېواد کې د کورونا ویرووس د مثبتو پېښو د زیاتوالي سره هممهاله، حکومت د دولتي ادارو د کارکوونکو د کاري رژیم د بدلون طرحه وړاندې کړې وه چې له مخې یې، د دولتي ادارو هغه کارکوونکي چې له ۵۵کلونو څخه پورته عمر لري، پر تنفسي او د زړه پر ناروغۍ اخته وي، اړ دي چې له کور څخه کار وکړي.
د عامې روغتیا وزارت د لوی اختر په ورځو کې د خلکو له لوري د دغه وزارت سپارښتونو ته د نه پاملرنې او په ټولنه کې د کورونا ویرووس له خپراوي څخه اندېښنه ښايي.
د عامې روغتیا وزارت د لوی اختر له را رسېدو سره سم له خلکو غواړي چې د کورونا ویروس د خپرېدو مخنیوي لپاره دې د اختر په ورځو کې یو د بل کورونو ته تګراتګ نه کوي. د عامې روغتیا وزارت سرپرست وحید مجروح نن په کابل کې یوې خبري غونډې ته وویل، که څه هم په هېواد کې د کورونا ویروس د خپرېدو کچه، پر دغه ویروس د اخته کېدونکو کسانو او له کبله یې د مړینې کچه کمه شوې، خو د خلکو بېغوري به بیا وضعیت خراب کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
