له پاکستان څخه د افغان کډوالو په زور د اېستلو په لړ کې تر دې مهاله د کندهار د سپینبولدک له لاري دغه ولایت ته ۸۰ زره افغانان بېرته راستانه شوې دي.
د کندهار د کډوالو او بېرته راستنېدونکو چارو ریاست د بیا ځای پرځای کولو امر نعمتالله الفت سلاوطندار ته وویل چې راستنې شوې هرې کورنۍ سره لس زره افغانۍ مرستې هم شوې دي.
د قطر لومړي وزیر او د بهرنیو چارو وزیر شیخ محمد بن عبدالرحمان الثاني په کندهار کې د اسلامي امارت له مشر سره له لیدنې شاوخوا درېنیمې میاشتې وروسته د دې ناستې ځینې برخې ډاګیزه کړې.
نوموړي له سياِناِن خبري شبکې سره په خبرو کې ویلي چې د افغانستان د سرپرست حکومت له مشر سره په خبرو کې یې ټینګار کړی، که غواړي چې افغانستان د نړیوالې ټولنې یوه برخه واوسي، باید له نړۍ سره همکاري وکړي او په دغه هېواد کې دې ښځینهوو ته د کار اجازه ورکړي.
د کندهار محلي مسوولان وايي چې د دغه ولایت په لسو ولسوالیو کې د اوبو ۵۰ ژورې څاګانې کیندل کېږي او ترڅنګ به یې د اوبو رسولو شبکې هم جوړې شي.
کندهار کې د کرنې، اوبو لګولو او مالدارۍ ریاست مسوولان وايي چې سږکال دغه ولایت کې د انګورو حاصلات د پام وړ زیات شوي دي.
د یاد ولایت د کرنې، اوبولګونې او مالدارۍ ریاست د کرنيزو چارو امر شمسالرحمان موسی وايي، د دغه ولایت شاوخوا ۲۰زره او ۵سوه هکټاره ځمکه د انګورو باغونو پوښلې او سږکال يې حاصلات هم زیات شوي دي.
کندهار کې د نورو کلونو په پرتله سږکال د غنمو په حاصلاتو کې د پام وړ زیاتوالی راغلی چې کروندګر یې راتلونکو کلونو کې د غنمو کښت ته هیلهمند کړي دي.
د یاد ولایت دامان ولسوالي چې د غنمو کښت له پلوه نوم لري، تېره اوونۍ پهکې د غنمو لو پیل شوی او لاهم دوام لري.
کندهار کې د هېواد په کچه د درملو جوړولو تر ټولو لویه کارخونه چې د ۷۱ سوداګرو له لوري په ګډه د ۵۰ میلیونه ډالرو په پانګونه جوړه شوې او ۶۰۰ کسان به پهکې کار کوي. مسوولان وايي چې اوس د دې کارخونې یو فاز فعال شوی او پاتې دوه نور به یې هم فعال کړي.
وچکالۍ په کندهار کې د نورو زیانونو تر څنګ، د کبانو روزنې صنعت هم زیانمن کړی او په تېرو څو کلونو کې د ۵۴۸ فارمونو په تړل کېدو سره د کبانو د روزنې فارمونو شمېر له ۱۷۰۰ څخه ۱۱۵۲ ته را ښکته شوی دی.
خو اوس د «DI – AVCI» په نوم يوې موسسې په کندهار کې د کبانو د روزنې فارمونو زیاتولو هڅې پیل کړې دي.
د کندهار محلي مسوولان وايي چې د دغه ولایت د سپینبولدک له لارې له پاکستان څخه په تېرو درېوو ورځو کې ۱۴۲ کورنۍ بېرته هېواد ته راستنې شوې دي.
د کندهار د والي ویاند حاجي عزیز سلاموطندار ته ویلي چې د روانې غويي میاشتې په ۲۳مه، ۲۴وه او ۲۵مه ۱۴۲ کورنۍ چې ټول ۸۶۰ کسان کېږي، بېرته هېواد ته راستانه شوي دي.
په کندهار کې د غنمو د ترېشل ماشينونو جوړولو دوه کارخونې فعاليت کوي چې په دې سره هېواد ته د ترېشل ماشینونو د واردېدو مخه نیول شوې ده.
د کندهار د صنعتي پارک امر مفتي عليمحمد وايي، په دغه ولایت کې د ترېشل ماشينونو د دوو کارخونو په فعالیت سره د دغو ماشینونو پېرلو لپاره بهر ته د لسګونه ميليونه افغانیو د تلو مخه نیول شوې ده.
د سیاسي چارو شنونکي کندهار ته د قطر د لوړپوړي پلاوي سفر او هلته د اسلامي امارت له لوړپوړو چارواکو سره یې د لیدنې په اړه وايي، دغه سفر د نړیوالې ټولنې د هغه پیغام رسولو په موخه و چې په دوحه کې د ملګرو ملتونو په وروستۍ غونډه کې یاد شوی و. دغه پلاوي په کندهار کې له رییسالوزرا محمدحسن اخوند په ګډون، له یوشمېر چارواکو خبرې کړې دي.
د کندهار یوشمېر اوسېدونکي شکایت کوي چې ډېری سیمو کې ژورې او نیمه ژورې څاهګانې مخ په وچېدو دي او خلک د څښاک اوبو لپاره ساعتونه ساعتونه د اوبو زېرمو ته په نوبت ولاړ وي یا یې هم له ډېرو لرو سیمو راوړي.
د کندهار امنیتي مسوولان وايي چې بېګاه شپه دغه ولایت کې یوه روږدي کس خپله مېرمن په مرموز ډول وژلې او له سیمې تښتېدلی دی.
پېښه بېګاه شپه د کندهار ښار د لومړۍ حوزې اړوند سیمه کې رامنځته شوې ده.
کندهار کې یوشمېر مېرمنې وايي چې موټرچلوونکي ښار کې د تګراتګ پر مهال دوی د موټر په ډاله کې سپروي.
د کندهار یوه ۲۸ کلنه اوسېدونکې بيبي نوریه چې په قابلګي څانګه کې یې لوړې زدهکړې کړي وايي، له کلونو راهیسې اړ اېستل کېږي چې ښار کې د تګراتګ پر مهال د موټر په ډاله کې کېني.
په کندهار کې ځایي سرچینې وايي، وسلهوالو غلو نن ماسپښین دوه بجې د کندهار ښار د لومړۍ حوزې په اړوند سیمه کې یو سوداګر وژلی او پیسې یې ترې وړې دي.
کندهار کې وچکالي د نورو زیانونو ترڅنګ د کبانو روزنې صنعت هم زیانمن کړی او فارمونه یې د پخوا په پرتله څو برابره کم شوي دي.
د کبانو د روزنې فارمونو مسوولان وايي، له تېرو درېوو کلونو راهیسې دغه ولایت کې د ۵۴۸ فارمونو په تړلکېدو سره د کبانو د روزنې فارمونو شمېر له ۱۷۰۰ څخه ۱۱۵۲ ته راټيټ شوي دي.
په کندهار کي د یوه خیریه بنسټ له لوري د لسګونه بېوزله جوړو «نجونو او هلکانو» د ډلهییز واده مراسم ترسره شول.
د دې بنسټ د مسوولانو په وینا، دغه ډلهییز واده چې د پنځوس «۵۰» بېوزله جوړو «ناوې او زوم» لپاره نیول شوی وو، نن سهشنبه د کب نهمه کندهار کې ترسره شو.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
