د پاکستان لومړي وزیر شهباز شریف د جمعې په ورځ یوې اقتصادي غونډې ته ویلي، هېواد یې له افغانستان سره د «ترجیحي» سوداګري په اړه خبرو ته چمتو دی او په دې اړه خبرېاترې هم روانې دي.
له دې سره هممهاله د افغانستان او پاکستان د سوداګرۍ ګډې خونې مسوولان وايي، له خبرواترو او د څو دوهاړخیزو مواردو له حل وروسته به د دواړو هېوادونو ترمنځ ترجیحي سوداګري پیل شي.
د قطر لومړي وزیر او د بهرنیو چارو وزیر شیخ محمد بن عبدالرحمان الثاني په کندهار کې د اسلامي امارت له مشر سره له لیدنې شاوخوا درېنیمې میاشتې وروسته د دې ناستې ځینې برخې ډاګیزه کړې.
نوموړي له سياِناِن خبري شبکې سره په خبرو کې ویلي چې د افغانستان د سرپرست حکومت له مشر سره په خبرو کې یې ټینګار کړی، که غواړي چې افغانستان د نړیوالې ټولنې یوه برخه واوسي، باید له نړۍ سره همکاري وکړي او په دغه هېواد کې دې ښځینهوو ته د کار اجازه ورکړي.
د افغانستان د اوسپنې پټلۍ ادارې مسوولان وايي، د تېرې شنبې په ورځ یې کابل ته د اوزبکستان او متحده عربي اماراتو له راغلیو پلاویو سره د غونډې پر مهال په افغانستان کې د اوسپنې پټلۍ شبکې پر جوړېدو او پراختیا هوکړه کړې ده.
د اوزبکستان د سوداګریزو چارو یو پلاوی د تېرې شنبې په ورځ له ا.ا او خصوصي سکټور سره د دواړو هېواونو ترمنځ د دوهاړخیزو سوداګریزو اړیکو د پراختیا او پیاوړتیا په موخه کابل ته راغلی دی.
پاکستان کې د ترهګریزو بریدونو او افغانستان سره پر ډیورنډ کرښې کې د ترینګلتیا ډېروالي سره هممهاله د دغه هېواد یو لوړپوړی پلاوی د اسلامي امارت چارواکو سره د خبرو لپاره کابل ته راغلی دی. خو د اسلامي امارت ویاند ویلي، دغه لیدنه یوازې پر کرښه د ستونزو او امنیتي اندېښنو په اړه پر خبرو راټوله وه.
د کندهار د سپینبولدک-چمن لار چې له یوې اوونۍ راهیسې تړل شوې وه، نن بېرته پرانېستل شوه. تېره اوونۍ دغه لاره وروسته له هغې وتړل شوه چې پر ډیورنډ کرښه د سپینبولدک-چمن دروازه کې یوه ناپېژنده وسلهوال یو پاکستانی سرتېری وواژه او دوه نور یې ټپیان کړل. دغه دروازه د پاکستان له لوري تړل شوې وه. تراوسه په رسمي توګه د دغه برید لامل نه دی معلوم.
د پوهنې وزارت مسوولان وايي چې د ترکیې یو خیریه بنسټ د هېواد په پنځو ولایتونو کې دیني مدرسې جوړوي.
د پوهنې وزارت نن (شنبه، لړم اوومه) پر خپله ټوېټرپاڼه لیکلي چې دغه وزارت او د «ایدیف» په نوم د ترکیې یو خیریه بنسټ د هېواد په پنځو ولایتونو کې د پنځو دیني مدرسو د جوړېدو هوکړهلیک لاسلیک کړ.
وروسته له هغې چې څو ورځې وړاندې په هلمند کې د اسلامي امارت سرپرست حکومت د کجکي بند دویم فاز پرانیست، د ایران حکومت د هلمند سیند څخه د خپلې حقابې په اړه اندېښنه ښودلې ده.
د ټرانسپورټ او هوایي چلند وزارت د مطبوعاتو او عامه اړیکو مسوول امامالدین احمد سلاموطندار ته وايي چې د اسلامي امارت د یوشمېر ادارو ګډ پلاوي ازبکستان ته سفر کړی او له دغه هېواد سره یې د افغانستان، پاکستان او ازبکستان ترمنځ د ټرانزیټي لارې د پرانیستلو په اړه خبرې کړي دي.
د صنعت او سوداګرۍ وزارت ویاند مولانا زهیر سلام وطندار ته وویل، د افغانستان او پاکستان د تخنیکي کمیټو له څو اونیو راهیسې د ترانزیټي ستونزو د حل په موخه بحثونه وکړل او هوکړه وشوه چې د دواړو هیوادونو ترانسپورت کولای شي په دواړو هېوادونو کې د ترانزیټ په توګه سوداګریز مالونه انتقال کړي.
د ۲۰۲۰ میلادي کال د فبرورۍ په ۲۹ نېټه د امریکا او د اسلامي امارت ترمنځ د دوحې هوکړه لاسلیک شوه چې سبا یې دوه کاله پوره کېږي.
دغه هوکړه چې د دوحې هوکړې په نوم نومول شوې په قطر کې د اسلامي امارت د هغه وخت سیاسي مرستیال عبدالغني برادر او د افغان سولې لپاره د امریکا د ځانګړي استازي زلمي خلیلزاد ترمنځ لاسلیک شوه.
کابل ته د پاکستان د ملي امنیت سلاکار له سفر وروسته د دغه هېواد حکومت ویلي، له اسلامي امارت سره د کرښې په عبوري سیمو کې د اسانتیاوو د زیاتولو لپاره په ملي کچه د همغږۍ میکانیزم جوړوي. په خبرپاڼه کې راغلي چې دغه هوکړه کابل ته د پاکستان د ملي امنیت سلاکار په مشري د تللي پلاوي په وروستي سفر کې شوې ده.
د اسلامي امارت مسوولان وايي چې د کابل په ګډون د هېواد د پنځو هوايي ډګرونو د امنیت او تخنیکي چارو په تړاو له ترکیې او قطر هېوادونو سره یوې هوکړې ته نږدې شوي دي. ټاکل شوې چې د کابل، کندهار، هرات، مزار او خوست ډګرونو د امنیتي او تخنیکي چارو په اړه بله ناسته راتلونکې چهارشنبې په دوحه کې ترسره شي.
د اسلامي امارت د بهرنیو چارو وزارت چارسمبالي امیرخان متقي او ورسره مل پلاوي یې ترکمنستان ته د خپل سفر په ترڅ کې د دغه هېواد د لومړي وزیر له مرستیال او د بهرنیو چارو له وزیر رشید مرادوف او یوشمېر نورو لوړپوړو چارواکو سره لیدلي دي.
د پاکستان د کورنیو چارو وزیر شیخ رشید دوه ورځې وړاندې پاکستاني رسنیو ته ویلي چې افغانستان سره پر ډیورنډ فرضي کرښه د اغزن تار غځولو مسله حل شوې او د اسلامي امارت سره به په ګډه پر پوله اغزن تار لګوي. هغه ویلي، د اغزن تار په غځولو یې پوځ ډېرې قربانۍ ورکړي او پیسې یې هم پرې لګولي دي.
سيانان خبري شبکې رپوټ ورکړی چې د ولسمشر جوبایډن ادارې درېو سرچینو د دغه هېواد قانون جوړونکو ته ویلي، افغانستان کې د پوځي او اطلاعاتي عملیاتو ترسره کولو په موخه د پاکستان له هوايي حریم څخه د استفادې لپاره له دغه هېواد سره رسمي هوکړې ته د نږدې کېدو په حال کې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
