د افغانستان د خصوصي سکټور په پرمختیا کې د ننګونو په ګوته کولو او د سوداګرۍ د پرمختګ لپاره بازارونو ته د لاسرسي د غوره تګلارو ارزولو په موخه د خصوصي سکټور او مرستندویه ډونرانو یوهورځنۍ اقتصادي غونډه په کابل کې جوړه شوه.
د سوداګرۍ او صنایعو وزارت سرپرست نورالدین عزیزي په دې غونډه کې له نړیوالې ټولنې وغوښتل چې د بشري مرستو پر ځای، د افغانستان پر بنسټیزو زېرمو پانګونه وکړي.
کابل کې د چین سفیر جاوشینګ د ریاستالوزرا سیاسي مرستیال محمدعبدالکبیر سره لیدنه کې له هغه غوښتي چې د ترانس همالیا غونډه کې ګډون وکړي. محمدعبدالکبیر سره له دې چې ترانس همالیا غونډه کې د ګډون او نهګډون په اړه څه نه دي ویلي، خو د سیمې پرمختګ او ثبات اړوند مسایلو کې یې د سرپرست حکومت پر فعاله ګډون ټینګار کړی دی.
کابل کې د پرتو کتابتون له لوري نن چهارشنبه د چنګاښ ۲۸مه «وادونو کې د لوړ لګښت د پایلو او عواملو ارزونې او د اسانه واده د حللارو وړاندې کولو» تر نوم لاندې علمي او تخصصي ناسته وکړه. د پوهنتون استاد محمدباقر حسیني دې ناسته کې له کورنیو غوښتنه وکړه چې وادونو کې د لوړ لګښت مخه ونیسي.
د خوړو او درملو ملي ادارې مسوولان وايي چې افغانان د خپلو ناروغیو د درملنې او درملو پېر لپاره هر کال یو میلیارډ ډالر مصرفوي.
د خوړو او درملو ملي ادارې مسوولانو دغه څرګندونې نن سهشنبه د غبرګولي ۲۳مه کابل کې د کورنیو درملو د تولیداتو نندارتون د پرانېستلو پر مهال کړي دي.
د ترکمنستان پلازمېنې عشقاباد کې د اروپايي ټولنې او مرکزي اسیا د ځانګړیو استازیو له ناستې وروسته په یوې خپره شوې خبرپاڼه کې د افغانانو پر ملاتړ او د افغانستان د اقتصادي زېربناوو پر بیارغونه ټينګار شوی دی. د خبرپاڼې په یوې برخه کې افغانستان کې د ټولګډونه حکومت پر جوړېدو او د ښځو او نجونو د کار او زدهکړو محدودیت پر لرېکېدو ټينګار شوی.
د ا.ا یوشمېر مخالفې سیاسي څېرې د دویم ځل لپاره نن د اتریش ویانا کې ټول شوي او ټاکل شوې د افغانستان کورنیو مسایلو او د غونډې ګډونوالو ترمنځ د باور پیاوړي کولو پر سر بحث او خبرې وکړي.
دې غونډه کې چې د اتریش د یوه څېړنیز انستیتیوت له لوري جوړېږي، د مخکیني حکومت تر ۳۰ پورې مشران، سیاسي فعالان او دیپلوماتان ګډون کوي.
ا.ا د افغانستان د ګاونډیو هېوادونو د بهرنیو چارو وزیرانو ګډې خبرپاڼې ته په غبرګون کې ویلي، اوسنی حکومت ټولګډونه دی او ولسي ملاتړ له ځان سره لري.
د ازبکستان په کوربهتوب د افغانستان د ګاونډیو هېوادونو د بهرنیو چارو وزیرانو له ناستې وروسته په خپره شوې ګډه خبرپاڼه کې افغانستان کې د ټولګډونه حکومت پر جوړېدو ټينګار شوی دی.
ټاکل شوې چې سبا سهشنبه د ډسمبر میاشتې ۲۰مه د ملګرو ملتونو امنیت شورا د افغانستان وضعیت په اړه د امریکا په نیویارک ښار کې غونډه وکړي.
د ملګروملتونو سرمنشي انټونیو ګوټرېش به د یوناما له لوري افغانستان کې د جنګي جرمونو مستند شوي راپورونه هم دې غونډه کې وړاندې کړي.
د «ټایمزاف انډيا» په نوم یوې هندي رسنۍ راپور ورکړی چې د دغه هېواد لوړپوړو امنیتي چارواکي نن د ازبکستان، قزاقستان، تاجکستان، او قرغزستان هېوادونو له امنیتي چارواکو سره د هند په پلازمېنه نوي ډیلي کې د افغانستان د وضیعت په اړه غونډه کړې. د راپور له مخې، د ناستې ګډونوالو افغانستان کې د روان امنیتي وضعیت په اړه اندېښنه ښودلې.
د افغانستان په اړه د روسیې ځانګړي استازي ضمیر کابلوف د پنجشنبې په ورځ له ټاس خبري اژانس سره مرکه کې ویلي چې د اسلامي امارت استازي به د افغانستان په اړه د مسکو مشورتي ناسته کې ګډون ونه کړي. کابلوف ویلي: «د اسلامي امارت پلاوی به [په غونډه کې] ګډون ونه کړي. دا یوازې د مسکو فارمټ د غړیو لپاره ده.»
د ازبکستان سمرقند ښار نن د شانګهای همکاریو سازمان د غونډې کوربه دی. ټاکل شوې چې نن او سبا به د دغه سازمان د غړي هېوادونو مشران د سیمې او نړۍ په اړه بحث وکړي. افغانستان له دې وړاندې د دغه سازمان د ناظر هېواد په توګه یاد سازمان کې ګډون کړی، خو د شانګهای همکاریو سازمان دې پړاو ناسته کې بلنه نه ده ورکړل شوې.
کندهار کې یوه سرچینه وايي چې د حکومت د سرپرستې کابینې یوشمېر غړي د ا.ا د مشر هبتالله اخندزاده سره پر ځینو ملي او مهمو مسایلو د خبرو لپاره دغه ولایت ته تللي دي. سرچینې د نوم نه ښودلو په شرط سلاموطندار ته ویلي، له تېرو درېوو ورځو راهیسې د سرپرستې کابینې ۱۶ چارسمبالي وزیران دغه ولایت کې دي.
افغانستان کې د ډموکراسۍ تشې او بشر حقونو څخه د سرغړونې له کبله ځینې سیاستوال روانه اوونۍ د اتریش پلازمېنې ویانا کې غونډه جوړوي.
هېواد له شپږم ټولګي پورته د نجونو زدهکوونکو د ښوونځیو تړلي پاتېکېدو پر دوام، نن کابل کې د نور د زدهکړو او ظرفیتونو پراختیا موسسې له اسلامي امارت د نجونو ښوونځیو د پرانستلو غوښتنه وکړه.
نن په کابل کې یوشمېر دیني عالمانو او مدني فعالانو د یوې کډې خبري ناستې پرمهال له اسلامي امارت غوښتنه وکړه چې ښځو ته باید د علماو په جوړېدونکې ناسته کې د ګډون اجازه ورکړي.
د بشري او مدني حقونو شاوخوا ۲۵ نړیوالو سازمانو په یوه لیک کې د ملګرو ملتونو د بشرحقونو شورا څخه غوښتنه کړې چې د دغې شورا په پنځوسمه ناسته کې د افغان ښځو د حقونو په اړه بحث وکړي. په ورته مهال دوی ویلي، اسلامي امارت د ښځو او نجونو پر ازادۍ، راټولېدنې او اعتراض پراخ محدودیتونه لګولي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
