د ملګروملتونو د سرمنشي مرستیاله امنه محمد وايي، ټاکل شوې د دغه سازمان د سرمنشي انټونیو ګوټرېش په ګډون راتلونکو څو ورځو کې د افغانستان وضعیت په اړه نړیواله غونډه جوړه کړي.
نوموړې زیاته کړې چې دې غونډه کې به انټونیو ګوټرېش د ا.ا رسمیت پېژندنې په اړه د افغانستان لپاره د یوشمېر هېوادونو له استازیو سره بحث او خبرې وکړي.
له تېرو نږدې دوو اوونیو راهیسې افغانستان کې د ملګروملتونو په دفترونو کې د ښځو کار مخنیوي له امله د ا.ا او ملګروملتونو ترمنځ اختلافات لامل شوي چې هېواد کې د یاد سازمان د فعالیتونو ځنډېدو په اړه اندېښنې ډېرې شي. دا داسې مهال دی چې د عامې روغتیا وزارت یوازې ۳ سلنه روغتیايي خدمات هېوادوالو ته وړاندې کوي.
افغانستان کې د ملګروملتونو سازمان اړوند دفترونو کې له کار د ښځو ګرځولو ته د غبرګونونو پر دوام، د افغانستان لپاره د یاد سازمان د سرمنشي ځانګړې استازې روزا اوتونبایوا، د یاد سازمان د سرمنشي مرستیاله امنه محمد او د امریکا د بهرنیو چارو وزیر انټوني بلنکېن د اسلامي امارت دغه پرېکړه غندلې او هغه یې د افغانانو لپاره اندېښمنونکې بللې ده.
له هغه وروسته چې اسلامي امارت په ننګرهار کې د ملګرو ملتونو د ښځینه کارکوونکو د کار مخه ونیوله، دغه سازمان یې په غبرګون کې په افغانستان کې خپلو ټولو ښځینه کارکوونکو ته چې شمېر درېنیم زرو ته رسېږي، خبر ورکړی چې تر راتلونکو ۴۸ ساعتونو پورې دندو ته ور نهشي.
په افغانستان کې د ملګرو ملتونو ځانګړې استازولۍ یا یوناما پر ټویټر لیکلي چې په ننګرهار کې د ملګرو ملتونو د ښځینه کارکوونکو د کار مخه نیول شوې ده.
یوناما د دې پېښې په اړه د اندېښنې ښودلو تر څنګ، ټینګار کړی چې باید ښځینه کارکوونکو ته یې د کار اجازه ورکړل شي.
د ملګرو ملتونو د کډوالۍ عالي کمېشنري د وري په اوومه، د دوشنبې ورځ په یوه راپور کې ویلي چې واک ته د اسلامي امارت له رسېدو وروسته په افغانستان کې د ښځو کار له منځه تلو سره مخ دی. د دغه راپور پر بنسټ، پر ښځینهوو د محدودیتونو لګېدل او د ښځو د اقتصادي فعالیتونو کموالی لامل شوی چې په وروستیو دوو کلونو کې د افغانستان کورني ناخالص تولیدات له ۳۰ تر ۳۵ سلنې کم شي.
د مطیعالله ویسا ورور عطاالله ویسا پر ټویټر خپره کړې ویډیو کې ویلي چې د اسلامي امارت ځواکونه یې نن کور ته ورغلي او نه یوازې یې پلټلی او د مطیعالله ویسا کمپیوټر او ټیلیفونونه یې له ځان سره وړي، بلکې د ده دوه نور ورونه یې هم د لنډې مودې لپاره نیولي وو او د کورنۍ غړیو ته سپکې سپورې ویلې دي.
د مارچ دوهویشتمه د اوبو نړیواله ورځ ده. د ملګرو ملتونو او د دغه سازمان ښوونیزې، علمي او کلتوري څانګې یا یونسکو د یوه ګډ راپور په خپرولو سره په نړۍ کې د اوبو لا کمېدو په اړه خبرداری ورکړی دی.
د ملګرو ملتونو سرمنشي انټونیو ګوټرېش ویلي چې په تلپاتې توګه د اوبو نه کارېدو، د هوا ککړتیا او ناکنټرول شوې تودوخې له کبله د انسانانو ژوند په ورکېدو دی.
د ملګرو ملتونو امنیت شورا په افغانستان کې د دغه سازمان د ځانګړې استازولۍ یا یوناما ماموریت د یوه بل کال لپاره هم وغځوه.
د ملګرو ملتونو په پرېکړهلیک کې چې د کب په ۲۵مه، د پنجشنبې ورځ خپور شوی، لیکل شوي چې د یوناما ماموریت د ۲۰۲۴ کال تر مارچ میاشتې پورې څرنګه چې په ۲۶۲۶ پرېکړهلیک کې تعریف شوی، نوی شوی دی.
افغانستان کې روان اقتصادي او امنیتي وضعیت لامل شوی چې میلیونونه افغانان د یوې ښې راتلونکې او یوې مړۍ ډوډۍ پیدا کولو لپاره ګاونډیو او نورو هېوادونو ته کډوالي وکړي.
د ملګروملتونو عالي کمېشنرۍ ویاندې شبیا منتو په یوې خبري ناسته کې ویلي چې افغانستان کې روان ناورین ته په کتو افغان کډوال لاسنيوي ته اړتیا لري.
پاکستاني رسنیو خبر ورکړی چې د دغه هېواد د بهرنیو چارو وزیر بلاول بوټو زرداري د ملګرو ملتونو سازمان له سرمنشي انټونیو ګوټرېش سره د افغانستان د وضعیت په اړه خبرې کړې دي.
کابل پرېس کلب په بلخ کې پر خبریالانو د ننني برید په اړه یوه خبرپاڼه کې لیکلي چې ملګري ملتونه دې دغه برید په هراړخیز ډول وڅېړي.
کابل پرېس کلب له اسلامي امارت څخه هم غوښتي چې نه یوازې د خبریالانو ساتنه وکړي، بلکې خپل ځواکونه د هغوی په حقونو وپوهوي، څو په ازاد ډول خپل رسنیز کار وکړي.
د افغانستان لپاره د امریکا سفارت چې په قطر کې فعالیت کوي، نن «علم او ټکنالوجۍ کې د ښځو نړیوالې ورځې» په مناسبت ویلي چې د دې ورځې په ویاړ به د روباټیک جوړوونکو افغان نجونو پر بېساري کار او فعالیت تمرکز وکړي.
د افغانستان لپاره د امریکا سفارت پر ټویټر لیکلي چې افغان نجونې په ټولو برخو کې د زدهکړو حق او وړتیا لري.
په پاکستان کې سلګونو مېشتو افغان خبریالانو پرون ماښام دوی ته د نړیوالې ټولنې او د خبریالانو د ملاتړو بنسټونو د نه پاملرنې په غبرګون کې اعتراض وکړ.
دغو خبریالانو نیوکه وکړه چې نړیوالې ټولنې له دوی سره پر کړیو ژمنو عمل نهدی کړی او له څه باندې یو کال راهیسې یې لا هم بېبرخلیکه پريښي دي.
نن د سلواغې څلورمه او د جنوري ۲۴مه، د زدهکړو له نړیوالې ورځې سره برابره ده. یونسکو سږ کال داسې مهال دا ورځ افغان نجونو ته ځانګړې کړې چې اسلامي امارت د افغان نجونو پر مخ د ښوونځي او پوهنتون دروازې تړلې دي. افغان نجونې وايي، واک ته د ا.ا له رسېدو سره سم له زدهکړو بېبرخې شوي او اوس یې بېخي هیلې له لاسه ورکړې دي.
افغانستان ته د ملګرو ملتونو راغلی پلاوی پرون کندهار ته تللی او هلته یې د دغه ولایت له مسوولانو سره په خبرو کې ویلي چې غواړي له نړیوالې ټولنې سره د اسلامي امارت اړیکې پیاوړې کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
