د هرات د کرنې، اوبو لګولو او مالدارۍ ریاست مسوولان وايي، د روان لمریز کال په لومړنیو درېوو میاشتو کې د غویانو ۴۰۰ ټنه پوستکي له دغه ولایت څخه ترکیې ته صادر شوي دي. د هرات د کرنې، اوبو لګولو او مالدارۍ ریاست د مالدارۍ امر محمدعمر قاصد سلاموطندار ته ویلي چې هره ورځ د دغه ولایت په مرکز کې ۵۰ غویان حلالېږي او ۵۰ پوستکي یوازې په مرکز کې ترې لاس ته راځي.
د سرپرست حکومت د مالیې وزارت د یکشنبې په ورځ په یوه خبرپاڼه کې لیکلي چې افغانستان د روان کال له وري میاشتې تر جدې پورې د ۱۲۲ میلیارډه افغانیو سبزي، مېوې او پخته پاکستان، هند او متحده عربي اماراتو ته صادر کړي دي.
د ا.ا د سوداګرۍ او صنایعو وزارت په یوه خبرپاڼه کې لیکلي چې افغانستان په تېرو یوولسو میاشتو کې د یو میلیارډ او ۷۱۷ میلیونه ډالرو په ارزښت سوداګریز توکي بهر ته صادر کړي دي.
کندهار کې د کرنې، اوبو لګولو او مالدارۍ ریاست مسوولان وايي چې سږکال دغه ولایت کې د انګورو حاصلات د پام وړ زیات شوي دي.
د یاد ولایت د کرنې، اوبولګونې او مالدارۍ ریاست د کرنيزو چارو امر شمسالرحمان موسی وايي، د دغه ولایت شاوخوا ۲۰زره او ۵سوه هکټاره ځمکه د انګورو باغونو پوښلې او سږکال يې حاصلات هم زیات شوي دي.
د افغانستان د سوداګرۍ او پانګونې خونې او خصوصي سکټور مسوولان د ا.ا د هغې طرحې هرکلی کوي چې له مخې به یې له خصوصي سکټور څخه کمه مالیه اخیستل کېږي.
د افغانستان د سوداګرې او پانګونې خونې رییس یونس مومند وايي، افغان سوداګر پر خصوصي سکټور د مالیې له کمېدو سره سره له ګڼو ستونزو سره مخامخ دي.
د هوايي دهلېز له لارې د سوداګریزو توکو د لېږد رالېږد اسانتیا په موخه د مفید لوجستیکي ګروپ یوې هوايي کارګو خپل فعالیت پیل کړ.
د دغه شرکت یو مسوول عبدالکریم عارفي وايي، له دې وروسته به له افغانستان څخه سوداګریز توکي په عمده او پرچون ډول په بېلابېلو بیو صادر شي.
د سوداګرۍ او صنایعو وزارت وايي چې افغانستان په ۱۴۰۱ کال کې نږدې ۳۰ زره ټنه زیره چې ۳۹ میلیونه ډالره کېږي، صادره کړې ده.
د سوداګرۍ او صنایعو وزارت مسوولانو نن (د وري اتمه، سهشنبه) د حکومت د رسنیو مرکز کې د یوې خبري غونډې پر مهال د ۱۴۰۱ کال کاري راپور له رسنیو سره شریک کړ. د دغه وزارت د معلوماتو پر بنسټ، افغانستان اوس لږترلږه د ۵۰ صنعتي توکو په تولید کې پر ځان بسیا شوی دی.
نړیوال بانک د افغانستان اقتصادي وضعیت په اړه تازه رپوټ کې ویلي، ۲۰۲۱ ته په پرتله تېر ۲۰۲۲ کال کې د افغانستان صادرات زیات شوي او افغانیو هم د بهرنیو اسعارو پر وړاندې خپل نسبي ثبات ساتلی دی.
د افغان کارټ دولتي شرکت له ۳۰ کلن ځنډ وروسته یو ځل بیا له کندهار نه روسيې ته د انارو صادرات پیل کړل. د دغه شرکت رییس سيدمحمد قسيم کندهار کې په دې اړه جوړې شوې غونډه کې وویل، په لومړي پړاو کې به ۲۰ ټنه انار روسیې ته ولېږدوي او هڅه کوي چې دا لړۍ روانه وساتي. هغه وايي، دېرش کاله وروسته د افغانستان انار روسیې ته لېږدوي.
هرات کې د زعفرانو صادروونکو شرکتونو او کاروباریانو او محلي مسوولانو زعفرانو ته د بازارموندنې په موخه نن دغه ولایت کې د «زعفران ګل» اوومه ملي جشنواره جوړه کړه.
د زعفرانو کاروباریان وايي، که څه هم سږ کال دغه ولایت کې د زعفرانو تولید زیات شوی، خو په وینا یې، پهکار ده چې له هېواده بهر لېږلو لپاره یې هم اسانتیاوې برابرې شي.
دا چې ژمی په رارسېدو دی او خلک غواړي چې د اړتیا وړ سونتوکي وپېري، خو سږ کال د تېرو کلونو په پرتله د ډبرو سکرو بیه ډېره لوړه شوې ده.
کابل ښاریان وايي، له یوې خوا وزګاره او بېوسه دي او بلهخوا د ژمي په را رسېدو سره ښار کې د ډبرو سکرو بیې لوړې شوې دي.
د هرات ګمرک مسوولان وايي چې په تېر یوه کال کې یې ۲۰ میلیارډه افغانۍ عواید ټول کړي او په وینا یې، دغه ریاست کې د فساد مخنیوي سره یې عواید هم لوړ شوي دي.
د افغانستان د سوداګرۍ او پانګونې خونې مسوولانو نن «د ملي صادراتو ناستې په نوم جوړې شوې غونډه کې پر ګاونډیو هېوادونو غږ وکړ چې پر افغاني محصولاتو او توکو دې تعرفې کمې کړي. دا غونډه د هغو ۶۰ کورنیو سوداګریزو شرکتونو د ستاینې لپاره جوړه شوې وه چې تر نورو ډېر یې کورني تولیدات او محصولات بهر ته لېږلي دي.
هرات کې د کرنې برخې مسوولان وايي چې سږکال یې دغه ولایت کې ۱۵۰زره ټُنه د انګورو حاصلات راټول کړي چې د تېرکال په پرتله له ۱۵ تر ۲۰ ټُنه زیاتوالی ښيي.
خو بزګران د انګورو بازار نشتون او له هېواد څخه بهر یې د نه صادراتو له امله شکایت کوي او وايي، اړ دي چې خپل انګور په ټيټه بیه وپلوري.
کندوز یو له هغو ولایتونو څخه دی چې تر نورو زیاتې غالۍ تولیدوي او د غالیو ډېر اوبدونکي او تولیدونکي هم چهاردرې، قلعهزال او امامصاحب ولسوالیو څخه د ترکمن قوم وګړي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
