د هلمند اوسېدونکي په دغه ولایت کې د غنمو له لوړې بیې څخه شکایت کوي. دوی وايي چې د هلمند له مرکز لښکرګاه او د یوشمېر ولسوالیو له ځمکو څخه د غنمو حاصلات ترلاسه شوي او باید بیه یې ټیټه وای، خو په وروستیو ورځو کې یې بیه په کمساري توګه لوړه شوې ده.
واک ته د اسلامي امارت تر رسېدو وروسته، ګنشمېر هېوادوالو کډوالۍ ته مخه کړه او د پاکستان، ایران او ترکیې پر لوري وغوځېدل.
دغو هېوادونو ته له تلو وروسته، اوس افغان کډوال له ګڼو ننګونو او ستونزو سره لاس او ګرېوان دي. افغان کډوال په دغو هېوادونو کې د توکو له لوړې بیې او د کار په بدل کې د لږو پیسو د ورکړې سربېره، د پولیسو له ناوړه چلن څخه شکایت کوي.
د پکتیکا ولایت اوسېدونکي د دغه ولایت په مرکز او یوشمېر ولسوالیو کې د روغتیايي خدمتونو له نشتون څخه شکایت کوي او وايي، دې ولایت کې روغتیايي خدمات په نشت حساب دي.
د مرکز ښرنې، وازېخوا، خوشامند، وړممۍ او ګومل ولسوالیو یوشمېر اوسېدونکو سلاموطندار ته وايي، د روغتیا په برخه کې له پراخو ستونزو سره لاس او ګرېوان دي.
یوشمېر افغان کډوال چې په دې وروستیو کې له ایران څخه بېرته هېواد ته راستانه کړل شوي، شکایت کوي چې هېواد ته د راستنېدو پر مهال د ایران د کډوالو په کمپونو کې د دغه هېواد د ځواکونو لهخوا یرغمل نیول شوي او ورڅخه باج اخیستل شوی دی.
د بادغیس یوشمېر اوسېدونکي د دغه ولایت، ولایتي روغتون په ګډون په ټولو روغتیایي مرکزونو کې د درملو له کمښت څخه شکایت کوي او وايي، اړ دي چې د خپلو ناروغانو د اړتیا وړ درمل، د مرکز قلعهنو ښار له درملتونو څخه په لوړه بیه وپېري.
پر اوکراین د روسیې د برید په لړ کې ډنمارک او سوېډن د روسیې له لوري د دغو هېوادونو پر هوايي حریم د تیري په غبرګون کې د روسیې سفیران احضاروي.
پاکستاني رسنیو په ملګرو ملتونو کې د دغه هېواد د استازي منیر اکرم له قوله راپور ورکړی چې د ملګرو ملتونو امنیت شورا د افغانستان پر خاوره د پاکستان د هوايي بریدونو پر وړاندې د افغانستان شکایت رد کړی دی.
په ملګرو ملتونو کې د افغانستان دایمي استازي پر خوست او کونړ ولایتونو د پاکستان د هوايي بریدونو په اړه امنیت شورا ته شکایت کړی دی.
د افغانستان په ځانګړې توګه د شمالي ولایتونو غالۍ نړۍ کې لومړی مقام لري، خو صنعتکاران او پلورونکي یې وايي چې د ننګونو زیاتېدو یې پر کاري بهیر منفي اغېزې کړي دي.
هېواد کې د لومړنیو توکو د بیو په لوړېدو سره، یوشمېر ولایتونو کې د درملو بیې لوړې شوي چې په اړه یې د خلکو شکایتونه زیات شوي دي. د غزني یوشمېر اوسېدونکي وايي، په دې وروستۍ یوه میاشت کې په دغه ولایت کې د ځینو درملو بیې دوه تر درې برابره لوړې شوي دي.
د بادغیس یوشمېر اوسېدونکي سلاموطندار ته وايي، د دغه ولایت د احصاییې او معلوماتو اداره د پېژندپاڼو د تایید لپاره له دوی څخه پیسې اخلي چې ګنشمېر یې روانو حالاتو ته په کتو د ورکولو توان نه لري.
پکتيا کې يوشمېر ښځینه ناروغانې وايي، د دې ولایت په حوزوي روغتون او د ولسواليو روغتیايي مرکزونو کې هغه ډول خدمتونه نه وړاندې کېږي چې يوه ښځينه ناروغه ورته اړتیا لري.
د جنورۍ څلورمه نېټه د ړندو کسانو لپاره د برېل کرښې نړیواله ورځ ده. نن د بلخ په مرکز مزارشريف ښار کې د يوشمېر ړندو کسانو په حضور کې د دې ورځې نمانځنه وشوه. د بلخ يوشمېر نابینایان وايي چې په تېرو څو مياشتو کې د افغانستان وضعيت د دوی لپاره ګڼې ننګونې رامنځته کړي او دوی له زیاتو ستونزو سره مخ دي.
د کابل ښار یوشمېر اوسېدونکي د برښنا کمښت او نامنظمې پرچاوۍ څخه شکایت کوي او وايي، نه پوهېږي چې د ورځې په جریان کې څه وخت برښنا لري او کومو ساعتونو کې یې برښنا پرې کېږي، څو هغه ورځني کارونه چې پر برښنا ترسره کېږي، د برښنا راتلو او تلو پرمهال یې ورسره برابر کړي.
نورستان چې دوه کاله وړاندې د ملي پارک په نوم ونومول شو، مرکز پارون يې د ګوتو په شمېر هټۍ لري او اکثریت خلک یې درو او کلیو کې اوسېږي. له مرکز پارون ۴۰ کیلومتره لرې «کانتياو دره» کې چې د څارویو لپاره پراخ څړځایونه لري، ژوند په بشپړه توګه ساده او د خلکو لګښتونه له خپلې مالدارۍ دي.
ښایي کابل یوازینی پلازمېنه وي چې ترافیکي ګڼه ګوڼه پکې زیاته ده دغه راز، ترافیکي اشارو نهشتون، د کراچۍ او لاسپلورونکو بېنظمي هم د ښار زیاتره برخې یې ګډوډې کړي دي. کابل پر یو بېنظمه او بې قانونه ښار بدل شوی او دا بېنظمي او بېقانوني د پلازمېنې په واټونو کې په ښکاره توګه لېدل کېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
