برچسب: شکایت

د «افغانۍ» پر وړاندې د ډالر ټیټوالی؛ کابل ښاریان: د خوراکي توکو بیې نه‌دي کمې شوي

د کابل ښار د شهزاده سرای د مسوولانو د معلوماتو پر بنسټ، نن (د وږي پنځمه، د یکشنبې ورځ) تر غرمې پورې یو امریکايي ډالر په ۸۰ افغانۍ او ۴۰ پوله پلورل کېده؛ په داسې حال کې چې تېره اوونۍ د یوه امریکايي ډالر بیه تر ۸۸ افغانیو پورې رسېدله.

کابل کې د ناروغانو پایوازان په درملتونونو کې د یوشان درملو د بیو له نابرابرۍ سر ټکوي

کابل ښار کې د ناروغانو یوشمېر پایوازان شکایت کوي چې یو ډول درمل په بېلابېلو درملتونونو کې بېلابېلې بیې لري او په وینا یې، درمل پلورونکي د هر ډول درملو لپاره په خپل سر بیې ټاکي. دوی له سرپرست حکومت، په تېره د خوړو او درملو ادارې څخه غواړي چې بازار کې د درملو بیې کنټرول کړي.

بامیان ته تلونکي سیلانیان: لومړنۍ اسانتیاوې نشته، د چکر په خوند نه پوهېږو

بامیان د افغانستان د ګرځندویۍ او چکر ولایتونو له ډلې یو دی او وخت‌ناوخت ورته کورني او بهرني سیلانیان ورځي، خو اوس دغه ولایت ته ورتلونکي سيلانيان شکایت کوي چې هلته لومړنۍ اسانتیاوې نشته او دوی له چکر څخه خوند نه‌شي اخیستلی.

کابل ښاریان د تاریخ‌تېرو خوراکي توکو له پېر او پلور څخه شکایت کوي

د کابل ښار اوسېدونکي شکایت کوي چې لا هم د ښار په لویو او کوچنیو پلورنځیو کې تاریخ‌تېر خوراکي توکي خرڅېږي او په وینا یې، اړوندې ادارې یې باید مخه ونیسي.
د کابل ښار د تایمني سیمې اوسېدونکی قیوم وايي، کوچنی زوی یې څه موده وړاندې د یوه تاریخ‌تېر جوس د څښلو له امله ناروغ شوی و. هغه وايي، د دغو توکو خرڅلاو د خلکو له ژوند سره د لوبو کولو په مانا دی.

د خوست اوسېدونکي: حکومت دې زموږ سیمې د ناچاوده توکو له شتون پاکې کړي

د خوست یوشمېر اوسېدونکي شکایت کوي چې دغه ولایت کې له تېرو جګړو څخه پاتې ناچاوده توکو او ماینونو د خلکو ژوند له ګواښ سره مخ کړی دی. دوی سلام‌وطندار ته وايي چې د یاد ولایت مرکز او یوشمېر ولسوالیو کې ناچاوده توکي او ماینونه خلک د مرګ‌ له ګواښ سره مخ کړي او پر […]

د کابل ښار د دیارلسمې ناحیې اوسېدونکي د اوبو له کمښت څخه سر ټکوي

د کابل ښار د دیارلسمې ناحیې اړوند د دشت‌برچي اسیابینې سیمې يوشمېر اوسېدونکي د اوبو له کمښت څخه شکايت کوي او وايي، له شاوخوا دوو کلونو راهيسې د اوبو له کموالي سره مخامخ دي. د دوی په خبره، ډېری کورنۍ د اوبو د کمښت له امله له دې سیمې کډه شوې دي.

سرپل کې د خولۍ‌ګنډلو صنعت په ورکېدو دی

په سرپل کې د خولیو ګنډونکي وايي چې د خولۍ ګنډلو صنعت د دغه ولایت مهم لاسي صنایع دي، خو اوس دغه لرغونی صنعت له ورکېدو سره مخامخ دی.
د دوی په وینا، پخوا د دغه صنعت بازار ښه و، خو د بهرنیو خولیو له واردېدو سره ۷۰ سلنه ښځو خپل کاروبار له لاسه ورکړی دی.

کابل ښار کې د نجارانو بازار ۸۰ سلنه کمرنګه شوی

د کابل ښار یوشمېر نجاران شکایت کوي چې په دې وروستیو کې د ودانیزو چارو کمېدو او د خلکو اقتصادي وضعیت کمزورتیا لامل شوي چې د دوی بازار پیکه کړي.
د کابل ښار په قلعه فتح‌الله کې یو نجار زړګی وايي، له ۴۵ کلونو راهیسې نجاري کوي او دغه کسب ورته پلار او نیکه ورته پاتې دی. نوموړی وايي چې اوس یې کارونه د پخوا په پرتله ۸۰ سلنه کم شوي دي.

حکومتي ادارو د دوو میاشتو پرمهال د رسنیو مرکز کې یوازې درې خبري ناستې جوړې کړي

د سلا‌وطندار د څېړنو پر بنسټ، د وروستیو میاشتو پر مهال د حکومتي ادارو له لوري رسنیو ته د اطلاعاتو د ورکړې کچه خورا محدوده شوې ده.

د څېړنو له مخې، د حکومت د رسنیو او اطلاعاتو مرکز چې د حکومتي ادارو د خبري ناستو اصلي مرکز دی، د تېرو دوو میاشتو پر مهال دغه مرکز کې یوازې درې خبري غونډې جوړې شوې دي.

هرات کې د تور زیړي ناروغي ډېره شوې

د هرات یوشمېر اوسیدونکي وايي چې دغه ولایت کې د «هپټایټس بي‌» یا تور زیړي ناروغي ډېره شوې او دې برخه کې له حکومت د مرستې غوښتنه کوي.

دوی سلام‌وطندار ته وايي، که د روغتیا اړوند ادارې او مسوولان د یادې ناروغي مخنیوي لپاره اړین اقدامات ونه‌کړي، راتلونکې کې به د یاد ولایت اوسېدونکي د تور زېړي ناروغي له جدي ګواښ سره مخ شي.

هلمندي کروندګر: د غنمو ټیټې بیې مو کړي لګښتونه نه پوره کوي

هلمند کې یوشمېر کروندګر وايي چې سږکال دغه ولایت کې ګڼ‌شمېر کروندګرو پر خپلو ځمکو غنم کري او د وچکالي له امله یې پر خپلو کرل شویو غنمو لوړ لګښتونه کړي، خو اوس یې د پلور ټيټو بیو اندېښمن کړي دي. دوی زیاتوي چې پر خپلو کښتونو یې لوړ لګښتونه کړي دي.