د ملي روغې جوړې شورا رییس عبدالله عبدالله په ترکیه کې د انتالیا د ډیپلوماسۍ په عمومي غونډه کې ویلي چې طالب ډله له نظامي لارې وړاندې ځي او له افغانستانه د بهرنیو ځواکونو له وتلو وروسته به له افغان حکومت سره سیاسي هوکړې ته لېوالتیا ونه لري. هغه د سولې خبرواترو پر ځای، پر نظامي لارې د طالبانو ټینګار ته په اشارې خبرداری ورکوي چې په دغه کار سره به یې ناسمه محاسبه کړې وي.
په سعودي عربستان کې د افغانستان سفیر احمدجاوېد مجددي نن په مکه کې د افغان سولې په اړه د مفتیانو او دیني عالمانو په ګډه غونډه کې وویل، عربستان او پاکستان په افغانستان کې د سولې راتلو برخه کې مهم رول لري. د نوموړي په وینا، د عربستان او پاکستان دیني عالمان دې په روښانه توګه په افغانستان کې روانه جګړه ناروا اعلان کړي.
د بهرنیو چارو وزارت د پاکستاني چارواکو وروستیو څرګندونو ته غبرګون ښوولی او ویلي یې دي چې د سولې ویجاړوونکي هغه کسان دي چې جګړهیې ګړندۍ او په افغانستان کې یې وینې تویولو ته دوام ورکړی دی. کابل دغه غبرګون په داسې حال کې ښوولی چې پرون ناوخته د افغانستان، چین او پاکستان د بهرنیو چارو وزیرانو درې اړخیزه ناسته درلوده.
د افغانستان، چین او پاکستان د بهرنیو چارو وزیرانو ترمنځ په څلورمه درې اړخېزه غونډه کې د دې ناستې ګډونوالو په افغانستان کې د هراړخیز اوربند، د سولې خبرو بیا ځلې پیل او د تلپاتې سولې د ټینګښت غوښتنه وکړه. دغه ناسته پرون د چین په کوربهتوب په انلاین بڼه جوړه شوې وه.
د ملي روغې جوړې عالي شورا رییس عبدالله عبدالله، نن د ۳۰۳ پامیر پخواني قومندان داوود داوود د وژل کېدو د لسم تلین په مراسمو کې د خبرو پرمهال د هېواد په اوسنیو شرایطو اندېښنه څرګنده کړه او وې ویل، په داسې حال کې چې د سولې خبرې ښې پایلې ته نه دي رسېدلي، له هېواده د بهرنیو ځواکونو وتل به پر امنیتي وضعیت ناوړه اغیزې وکړي.
په داسې حال کې چې ټاکل شوې نن د افغان دولت د مرکچي پلاوي ځينې غړي د مذاکراتو د بیا پیل په موخه دوحې ته سفر وکړي او په نیږدې راتلونکې کې د سولې د خبرو د بیا پیلېدو په اړه تمې ډېرې شوي، خو د طالبانو د مشر د نه شتون په اړه څرګندونې به د سولې پر پروسې څه اغېز ونه لري.
د سولې لپاره دوامداره او پیاوړې هڅې او د ۲۰۲۰میلادي کال د جینوا د ناستې پایلې د افغانستان د سولې په برخه کې مثبت ګامونه بلل کېږي. خو له دې سره سره که چېرې د سولې بهیر بریالیتوب ته هم ورسېږي، افغانستان اقتصادي ثبات ته د رسېدو لپاره اوږده لار پر وړاندې لري. د فساد پر وړاندې مبارزه، د سمون او اصلاحاتو راوستو سربېره د ټولنې او دولت ترمنځ د اړیکو د پیاوړتیا لپاره د دولت د مهمو بنسټونو ظرفیت لوړول او تلپاتې سوله په افغانستان کې ډېره اړینه ګڼل کېږي.
د قطر په پلازمېنه دوحه کې د سولې بین الافغاني خبرې اترې چې څه باندې دوه میاشتې وړاندې په ټپه درېدلې وې، اوس افغان چارواکي وایي چې دغه خبرې به ډېر ژر بیا ځلې پیل شي او یوې پایلې ته به ورسېږي. د ملي مصالحې عالي شورا مشر عبدالله عبدالله نن پرخپله تویتر پاڼه لیکلي چې د حکومت له مرکچي پلاوي سره یې په کابل کې لیدلي دي او په روان وضعیت او سوله یې ورسره خبرې کړي دي.
د ملي امنیت سلاکار حمدالله محب وایي، له پاکستان سره د افغان حکومت اړیکې اوس هم ښې نه دي او له نوموړي سره د پاکستاني چارواکو د اړیکو نه پالل به د دواړو هېوادونو پر اړیکو هېڅ راز اغېز ونه لري. نوموړی وايي، د پاکستاني چارواکو له لوري شوې څرګندونې له ډېپلوماټيکو اصولو سره په ټکر کې دي او که چېرې په دې اړه د پاکستان له لوري افغان حکومت ته رسمي څه وویل شول، اړونده افغان ډېپلوماتیکې ادارې به یې ځواب ورکړي.
د افغان سولې لپاره د امریکا د بهرنیو چارو وزارت ځانګړی استازی زلمی خلیلزاد وایي، هغه ګونګوسې ناسمې دي چې ګواکې له افغانستان څخه د بهرنیو ځواکونو له وتلو وروسته به وسلهوال طالبان په چټګې سره پرمختګ وکړي او کابل به تر خپلې ولکې لاندې راولي.
زلمي خلیلزاد چې د امریکا د کانګرس د بهرنیوچارو کمېتې ته خبرې کولې وویل، دا تېروتنه ده چې افغان ځواکونه تیت او پرک کېږي او لنډ وخت کې به واک طالبان ته ورسېږي.
افغان ولسمشر محمداشرف غني وایي چې له افغانستانه د بهرنیو ځواکونو له وتلو وروسته د طالبانو د تاوتریخوالي پر وړاندې هر راز مقابلې ته چمتو دی. ولسمشرغني دغه څرګندونې د امریکا له پي بي اس ټلویزیون سره په ځانګړې مرکه کې کړي دي.
د ولسمشر پخوانی لومړی مرستیال او د افغانستان د اسلامي جبنش ګوند مشر مارشال عبدالرشید دوستم طالبانو ته خبرداری ورکوي او وایي، اجازه نه ورکوي چې طالبان په افغانستان کې خپل د خوښې اماراتي نظام جوړ کړي او څرګنده یې کړه چې جګړه د افغانستان روان کړکېچ نه شي حلولی.
ولسمشر غني له طالبانو وغوښتل چې د افغان سولې بهیر په اړه د روان فرصت هرکلی وکړي او سولې ته دې غاړه کېږدي. ولسمشر غني نن د کوچني اختر له لمانځه وروسته وویل، د بهرنیو ځواکونو له وتلو سره سم د سولې ټینګښت لپاره ستر فرصت رامنځته شوی او له طالبان باید له دغه تاریخي فرصت څخه ګټه واخلي او سوله وکړي. ولسمشر غني وویل، د طالبانو لپاره د ولس او جمهوریت غېږه خلاصه ده او دا ډله دې هم د ټولنې بېلابېلو پوړونو ته درناوی وکړي.
د امریکا او طالبانو ترمنځ د سیاسي هوکړې دوه کاله تېرېږي او له امریکا سره د سولې خبرواترو پرمخ بېولو لپاره د طالبانو یو شرط دا و چې امریکایي ځواکونه به په بشپړه توګه له افغانستان څخه وځي.
د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد، د طالبانو او افغان حکومت له لوري د اوربند له اعلان څخه هرکلی کړی دی. خلیلزاد بېګاه شپه په خپل ټوېټر پاڼه لیکلي چې په وروستیو اوونیو کې تاوتریخوالی ډېر وو او افغانانو یې بیه پرې کړې ده.نوموړي ټينګار کړی چې افغانان یوې سیاسي او تلپاتي اوربند ته اړتیا لري.
هغه ویلي: « مونږ د بین الافغاني خبرو، سیاسي هوکړې او د بې معنا جګړې د پای ته رسولو ژر تر ژره غوښتونکي یو، دا هغه څه دي چې د افغانستان خلک یې هیله لري.»
سلاموطندار داځل هغو افغان زدهکړیالانو، د رسنیو او مدني ټولنې فعالانو سره د سولې په تړاو خبرې کړي چې د زدهکړو یا هم د مجبورۍ له کبله ترکیې ته کډوال شوي او بېرته هېواد ته د ستنېدو په اړه فکر کوي.
د دغو افغان ځوانانو له ډلې څخه د رسنیو فعاله، انځورګره او شاعره منیره اورګنج ده چې کارادنیز پوهنتون څخه د ژورنالیزم او عامه ادارې په برخو کې دوه د لیسانس سندونه لري او تېرو څو کلونو راهیسې ترکیه کې خپلې زدهکړې کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
