د افغان خبريالانو د خوندیتوب کمېټې مسوولانو که څه هم په کابل کې د مې مياشتې درېيمه یا د مطبوعاتو ازادۍ په نړيواله ورځ په یوه غونډه کې د رسنيو د فعاليت او اطلاعاتو ته د لاسرسي وضعيت د نسبي ښهوالي په اړه خوشبيني څرګنده کړه، خو په وینا یې، د سرپرست حکومت چارواکو لا هم د خبریالانو د ستونزو هواري لپاره جدي او عملي ګامونه نهدي اوچت کړي.
د کندهار د والي ویاند محمود اعزام سلاموطندار ته ویلي چې د دغه ولایت والي ملا محمدشېرین اخوند د یکشنبې په ورځ د کندهار ملکي او نظامي ادارو ته یو مکتوب لېږلی چې پر بنسټ یې باید د «ژوندیو» موجوداتو له تصویر او ویډیو اخیستلو څخه ډډه وکړي. هغه وايي چې یاد حکم عامو وګړو لپاره نهدی.
د افغانستان د ازادو خبریالانو ټولنې مشر حجتالله مجددي وايي چې هلمند کې خبریالانو له ستونزو او محدودیتونو سره مخ دي. مجددي د یادې لیدنې پر مهال ویلي چې هلمندي خبریالان د نورو ولایتونو سره په توپیر ځینو ستونزو او محدودیتونو سره مخ دي چې ځايي مسوولان یې باید ستونزې ورحل کړي.
د ا.ا ویاند ذ.بېحالله م.جاهد نن په کندهار کې د افغان خبریالانو د خوندیتوب کمېټې له مشرتابه سره د لیدني پر مهال ویلي چې د رسنیو پرمختګ د ا.ا د بنسټیزو موخو له ډلې یوه ده او په ګډه به ورته ځان رسوي.
د افغان خبریالانو د خوندیتوب کمېټې پلاوي د ښځینه خبریالانو پر وړاندې محدودیتونه لویه ننګونه بللې او غوښتنه يې کړې چې ا.ا دې په دې برخه کې اسانتیاوې برابرې کړي.
که څه هم په هېواد کې له سیاسي بدلون وروسته سلګونو رسنیو د بېلابېلو لاملونو له کبله خپل فعالیتونه په ټپه ودرول او وتړل شوې، خو د افغانستان د خپلواکو ژورنالېستانو ټولنه وايي چې واک ته د ا.ا له رسېدو وروسته ۲۷ رسنیو خپل فعالیت پیل کړی دی.
د بهرنیو چارو وزارت سیاسي مرستیال شېرمحمد عباس ستانکزي نن سهار (د وږي ۲۸مه، د سهشنبې ورځ) پنجشېر ته د سفر پر مهال د ا.ا پر ټولو سیاسي مخالفانو غږ وکړ چې بېرته دې وطن ته راوګرځي او په ویاړ دې ژوند وکړي.
په کندوز او بدخشان ولایتونو کې د سلاموطندار د خبریال حسیب حساس ورور حکیم حساس وايي، د ا.ا استخباراتو تېره اوونۍ په کندوز کې د هغه ورور نیولی او تر اوسه لادرکه دی.
حکیم حساس وايي، ورور یې له خبریالۍ پرته بل هېڅ کار نه درلود. هغه غوښتنه کوي چې ژرترژره دې حسیب حساس خوشې شي؛ ځکه په خبره یې، د کورنۍ یواځینی سرپرست دی.
سلاموطندار په هېواد کې د ۵۵ تصویري، غږیزو، چاپي او خبري اژانسو له مسوولانو سره د مرکو په ترڅ کې موندلې چې د سرپرست حکومت په واکمنېدو سره ۷۸سلنه دې رسنیو کې د ښځو حضور ۶۶سلنه کم شوی دی.
په افغانستان کې د ا.ا له واکمنېدو وروسته د رسنیو د فعالیتونو درېدو په دوام، دوو خصوصي رسنيو تازه خپل فعالیتونه پريښي دي. دا رسنۍ په هرات کې «ترقي ټلوېزیون» او بلخ کې «نهاد راډیو» دي چې خپل رسنیز فعالیتونه یې پريښي دي. د ترقي ټلوېزیون د دوشنبې په ورځ داسې مهال خپل فعالیت پرېښود چې خپلو کارکوونکو ته یې تنخواوې هم نه وې ورکړې.
د سلاوطندار د څېړنو پر بنسټ، د وروستیو میاشتو پر مهال د حکومتي ادارو له لوري رسنیو ته د اطلاعاتو د ورکړې کچه خورا محدوده شوې ده.
د څېړنو له مخې، د حکومت د رسنیو او اطلاعاتو مرکز چې د حکومتي ادارو د خبري ناستو اصلي مرکز دی، د تېرو دوو میاشتو پر مهال دغه مرکز کې یوازې درې خبري غونډې جوړې شوې دي.
د پاکستان د خېبرپښتونخوا ایالت اړوند د ډېرهاسماعیل خان په چهکان سیمه کې د دغه هېواد د پوځ د موټرو پر کاروان د چاودنې له کبله ۲۳ سرتیري ټپیان شوي دي.
پاکستاني رسنیو نن شنبه د مې ۲۷مه سیمه کې د پولیسو له قوله راپور ورکړی چې چاودنه «نن شنبه د مې میاشتې ۲۷مه» د پوځ د موټرو کاروان سره نږدې شوې او ښايي ځانمرګی برید وي.
نن (د مې دیارلسمه، چهارشنبه) د مطبوعاتو ازادۍ له نړیوالې ورځې سره برابره ده. د اطلاعاتو او کلتور وزارت د حکومت د رسنیو مرکز کې دا ورځ ونمانځله. د دغه وزارت مسوولانو خبریالانو ته ډاډ ورکړ چې د رسنیو پر وړاندې شته ستونزې به حل کړي.
د افغانستان د ازادو رسنیو ملاتړي بنسټ (نی) نن چهارشنبه د غويي ۱۳مه د مطبوعاتو نړیوالې ورځې په مناسبت یوې خبرپاڼه کې ویلي، د رسنیو او خبریالانو ازاد فعالیت باید افغانستان کې د یوه بشريحق په توګه تضمین کړل شي. د یاد بنسټ په خبرپاڼه کې راغلي، له نږدې دوو کلونو راهیسې هېواد کې د رسنیو خپلواک فعالیتونه له ستونزو سره مخ شوي دي.
د اطلاعاتو او کلتور وزارت ویاند عبدالمتین قانع وايي، د رسنیو په چارو کې د بېلابېلو حکومتي ادارو د لاسوهنې مخنیوي لپاره له امنیتي ادارو، د امر بالمعروف او نهې عنالمنکر او بهرنیو چارو وزارتونو سره هوکړهلیکونه لاسلیکوي. د هغه په خبره، ا.ا هېواد کې د رسنیز فعالیت ملاتړ ته ژمن دی او دغه وزارت د رسنیزو چارو د تنظیم یوازینی ادرس دی.
پاکستاني رسنیو راپور ورکړی چې دغه هېواد کې د یوې چاودنې پر مهال د یوه لوړپوړي پولیس چارواکي په ګډون څلور پولیس وژل شوي او شپږ نور ټپیان دي.
رسنیو نن پنجشنبه د مارچ ۳۰مه راپور ورکړی چې چاودنه نن سهار د خېبرپښتونخوا ایالت لکي مروت سیمه کې رامنځته شوې ده.
د افغانستان د ازادو رسنیو ملاتړي بنسټ (نی) یکشنبه د کب ۲۸مه په یوې خبرپاڼه کې ویلي چې روان ۱۴۰۱ کال د افغان خبریالانو لپاره له ناهیلیو او ننګونو ډک کال وو.
د نی په خبرپاڼه کې راغلي چې د افغانستان خبریالان او رسنۍ د تېره یوه کال پر مهال له بېلابېلو ننګونو او اندېښنو سره مخ وې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
