د بامیان ولایت محلي مسوولان وايي، له بېګاه شپې راهیسې د سختې واورې د ورښت او توپان له امله، د دغه ولایت اړوند د یکاولنګ او پنجاب ولسواليو ترمنځ په «شاتو» کوتل سیمه کې د غور-بامیان او بامیان-دایکندي لویې لارې تړل شوي دي. د مسوولانو په وینا، د ورښتونو له کبله د یاد ولایت د ورس او پنجاب ولسوالۍ لارې هم له مرکز بامیان سره پرې شوي.
د ژمي په پیل او هېواد کې د بېوزلۍ او لوږې پراختیا سره هممهاله، د بامیانو یوشمېر اوسېدونکي په دغه ولایت کې د خیریه موسسو د مرستو پر ناانډول وېش نیوکه کوي او په دغه بهیر کې له شته فساد څخه شکایت لري.
په کابل او یوشمېر ولایتونو کې د اعتراضونو او مدني حرکتونو پر دوام، نن په بامیانو کې یوشمېر ښځو د یوه اعتراضیه لاریون پر مهال ښځو ته په حکومت کې د ونډې ورکولو او په هېواد کې د بېوزلۍ د پراخېدو د مخنیوي او پوهنتونونو او ښوونځيو د پرانیستلو غوښتنه وکړه .
په بامیانو کې د اغا خان د پراختیا بنسټ د روغتیايي خدماتو مسوول حسین مستمندیار وایي چې له افغانستان سره د نړۍوال بانک د مرستو درېدل، په دغه ولایت کې د روغتیایي خدماتو د وړاندې برخه د بودیجې له کمښت سره مخ ده.
په بامیانو کې د لاسي صنایعو کوچنی بازار چې د مېرمنو له لوري مدیریت کېږي، وړاندې له دې چې دغه ښار د طالبانو لاس ته ولوېږي، ښه ګڼه ګوڼه یې درلوده، خو د وروستۍ یوې اوونۍ راهیسې په دغه کوچني بازار کې د کسبکارونو بازار کمرنګه شوی. ګلبخت چې د یوې بامیانۍ مېرمنې مستعار نوم دی په دغه کوچني بازار کې د لاسي صنایعو هټۍ لري او له دې لارې د خپل ژوند اړتیاوې برابروي.
د بامیانو ولایت محلي چارواکو نن په دغه ولایت کې د یوې خبري غونډې پرمهال وویل چې له یوې اوونۍ راهیسې د طالبانو د رواني جګړې په پایله کې د دغه ولایت اړوند د شبیر ولسوالي د «باغک» سیمه کې د جګړې د لومړۍ کرښې سرتیري له ستونزو سره مخ شوي او دغې جګړې د بامیان د اوسېدونکو اندېښنې هم زیاتې کړي دي.
د بامیان والي سیدانور رحمتي نن په یوې خبري غونډه کې وویل چې د دغه ولایت د کهمرد ولسوالي په «اشپشته» کلي کې د وسلهوالو طالبانو له لوري د امنیتي ځواکونو پر پوستو د بریدونو له امله ۵ سرتیري وژل شوي او یو بل ټپي دي.
اوس چې د ۱۴۰۰ ښوونیز کال دوه میاشتې تېرېږي، په بامیان ولایت کې زدهکوونکي هره ورځ د سختیو په ګاللو سره د زدهکړو لپاره د ښوونځي پر لور اوږد مزل کوي.
د بامیان محلي مسوولان تاییدوي چې د دغه ولایت د یکاولنګ ولسوالي په مرکز کې یو ۱۷ کلن ځوان په مرموز ډول وژل شوی دی.
د یکاولنګ ولسوال عظیم فرید وایي، د پېښې په تړاو یې ۴ کسان نیولي دي. د نوموړي په خبره، د بامیان د جنایي جرمونو پر وړاندې پولیسو د یادې پېښې د انګېزې او څرنګوالي په اړه څېړنې پیل کړې دي. هغه زیاتوي، وژل شوی کس د غور ولایت د لعل او سرجنګل ولسوالي اوسېدونکی دی.
د بامیان د ښځو چارو ریاست مسوولانې په بدو کې د یوې کمعمره نجلۍ د ورکړې خبر ورکوي.
د بامیان د ښځو چارو رییسه ذکیه رضايي وايي، د دغه ولایت په شیبر ولسوالي کې یوې کورنۍ خپله پنځه کلنه لور په بدو کې ورکړې ده. د هغې په وینا، د یادې نجلۍ پلار دیني عالم دی او د ګاونډي پر مېرمنې د جنسي تېري د تور په بدل کې یې خپله لور په بدو کې ورکړې ده.
د بامیان ولایت سلګونو فرهنګیانو پرون ماښام په یوه اعتراضي لاریون کې د صلصال او شهمامه سمڅو په مخ کې د الیکین څراغونو په لېږدولو سره د طالبانو له لوري د بودا مجسمې ورانول وغندل او د دې ډلې د محاکمې غوښتنه یې وکړه.
د بامیان والي سیدانور رحمتي وايي، داسې راپورونه شته چې عليپور له طالبانو سره هوکړه کړې ده.
نوموړي دا څرګندونې نن د بودا مجسمې د ورانولو شلمې کلیزې په اړه جوړه شوې غونډه کې کړې دي.
هغه وايي: «داسې راپورونه او شایعات شته چې عليپور له طالبانو سره هوکړه کړې، هیله ده چې رښتیا نه وي.» د رحمتي په وینا، عليپور خپل یوشمېر وسلهوال د حاجيګک کوتل ته نږدې په «آب نقره» سیمه کې ځای پر ځای کړي دي.
سږ کال د سکي لوبې د یوولسمې دورې سیالۍ د «افغان سکي چلېنج» په نوم د مسلکي سکي وهونکو، سکي وهونکو نجونو، د لرګي سکي او د اماتور سکي وهونکو په څلورو برخو کې د لسګونو کورنیو سکي وهونکو او دوو بهرنیو هغو په ګډون وشوې.
د وحشي ژویو د ساتنې بنسټ یا WCS د وحشي ژویو د ساتنې له نړیوالې ورځې سره هممهاله وايي، د هغو شمېرو له مخې چې دغه بنسټ د بامیان ولایت د بېلابېلو سیمو له اوسېدونکو را ټولې کړي، تېر کال په یوه میاشت کې ۳۰۰ غرڅې په دغه ولایت کې ښکار شوې دي.
د بامیان د امنیې قومانداني مسوولان په دغه ولایت کې د بډو اخیستو په تور د یوه څارنوال د نیولو خبر ورکوي.
د بامیان امنیه قوماندان زبردست ساپي سلاموطندار ته ویلي چې پرون یې د دغه ولایت د یکاولنګ۱ ولسوالي یو څارنوال د ۳۰ افغانیو بډو اخیستو پر مهال نیولی دی. ساپی د نیول شوي کس په اړه نور جزیات نه ورکوي.
د بامیان ولایت په سیغان ولسوالي کې یوې ځوانې ښځې د کورني تاوتریخوالي له کبله د تیزابو په څښلو سره د ځانوژنې هڅه کړې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
