د پاکستان د بهرنیو چارو وزارت ویاندې ممتاز زهرا بلوڅ د چنګاښ په دوهویشتمه، د پنجشنبې ورځ د خپلې اوونیزې خبري غونډې پر مهال ویلي چې له اسلامي امارت څخه یې غوښتي، څو پر خپلې هغې ژمنې ودرېږي چې د ترهګرو له لوري به د افغانستان خاوره د دغه هېواد پر وړاندې نه کارېږي.
د ټرافیکو ریاست د پلان او پالیسي مدیر عبدالودود خیرخوا وايي، دغه ریاست نه یوازې پالیسي او خلکو ته د خوندیتوب کمربندونو د کارونې په اړه څه نه لري، بلکې دوی د موټرچلوونکو د جریمه کولو واک هم نه لري. په همدې حال کې یوشمېر هېوادوال بیا وايي چې خلک د خوندیتوب کمربندونو د کارولو په اړه لازم عامه پوهاوی نه لري.
له هغه وروسته چې د ډیورنډ فرضي کرښې ته څېرمه د ټيټيپي په اړه راپورونه خپاره شول، تازه د افغانستان په چارو کې د پاکستان د ځانګړي استازي اصفعلي دراني ویلي چې ا.ا په دې برخه کې ځینې ګامونه اوچت کړي دي.
یوه ورځ سهار یوه داسې کلي ته روان شوم چې هلته له رسمي زدهکړو پاتې نجونې په محلي ټولګیو کې سره راټولې شوي او په ډېره مینه یې ښوونکي ته غوږ نیولی، څو کوم تازه څه زده کړي. دغه زدهکوونکې چې په یوه خټینه کلا کې ناستې دي، وايي چې غواړي په زدهکړو د روښنايي لوری وڅاري، څو په راتلونکي کې د ځان، کورنۍ او هېواد لپاره ګټورې تمامې شي.
د ملګرو ملتونو سرمنشي انټونیو ګوټرېش ویلي چې په نړۍ کې نږدې ۱۳۰ میلیونه نجونې ښوونځي ته له لاسرسي بېبرخې دي.
ګوټرېش نن (د چنګاښ لسمه، د شنبې ورځ) سهار وختي پر ټویټر لیکلي چې د دغو نجونو ډېری هغه له ناورین څخه په اغېزمن شویو هېوادونو کې اوسېږي.
که څه هم د ا.ا د حکومت نږدې دوه کاله پوره کېږي، خو د نړیوالې ټولنې له هڅو سره سره بیا هم په افغانستان کې سیاسي، اقتصادي او بشري وضعیت کړکېچن دی.
د نړیوالو چارو یوشمېر شنونکي وايي چې ملګري ملتونه د افغانستان د اوسني ناورین حل ته د ځواکمنو هېوادونو د ګټو او سیاستونو له زاویې ګوري او همدا لامل دی چې تر اوسه د افغانستان د ستونزو غوټه نهده خلاصه شوې.
د افغانستان لپاره د ملګرو ملتونو ځانګړی همغږي کوونکی فریدون سینیرلي اوغلو چې له تېرې پنجشبې ورځې راهیسې په افغانستان کې دی، د ا.ا له یوشمېر لوړپوړو چارواکو سره لیدلي او په بېلابېلو موضوعاتو یې ورسره خبرې اترې کړې دي.
د ملګروملتونو د امنیت شورا غړیو هېوادونو پرون چهارشنبه د جون ۲۱مه د افغانستان وضعیت په اړه غونډه وکړه.
دې غونډه کې د افغانستان لپاره د ملګروملتونو د سرمنشي ځانګړې استازې روزا اوتنبايوا افغانستان کې د تېرو درېيو مياشتو پر مهال د يوناما موندنو په اړه راپور وړاندې کړ.
په افغانستان کې د ملګرو ملتونو ځانګړې استازولۍ یا یوناما نن پر خپلې فېسبوکپاڼې لیکلي چې ټاکل شوې د ملګرو ملتونو امنیت شورا نن د افغانستان په اړه د تړلیو دروازو شا ته له سلا مشورو وروسته یوه غونډه جوړه کړي.
کابل کې د هېواد په کچه د تازه مېوو او سبزۍ تر ټولو ستر مارکېټ ته د هېواد له ختیځو، شمالي او مرکزي ولایتونو هره شپه سلګونه ټنه تازه مېوې او سبزۍ راوړل کېږي چې کورني سوداګر او کاروباریان یې بیا له دغه ځایه د هېواد نورو ولایتونو او ان بهرنیو هېوادونو ته لېږدوي.
ټاکل شوې د ملګرو ملتونو د بشري حقونو شورا د روانې اوونۍ د دوشنبې په ورځ د سویس په پلازمېنه جینوا کې په افغانستان کې د بشري حقونو د وضعیت په اړه غونډه جوړه کړي. د ملګرو ملتونو ځانګړی استازی ریچارډ بنېټ به دې غونډې ته په افغانستان کې د بشري حقونو د وضعیت په اړه خپل راپور وړاندې کړي.
د سریلانکا د کرېکټ ملي لوبډلې په خپل کوربهتوب د افغانستان کرېکټ ملي لوبډلې څخه د درېوو یو ورځنیو سیالیو لوبلړۍ ۲-۱ وګټله.
افغانستان د یادې لوبلړۍ په لومړۍ لوبه کې سریلانکا ته ماته ورکړې وه، خو په وروستیو دوو سیالیو کې بیا سریلانکا د ښکلو لوبو پرمټ افغانستان ته ماته ورکړه.
یونېسف روان کال د هېواد په ننګرهار ولایت کې د ماشومانو د ګوزڼ یا پولیو د درېوو مثبتو پېښو له ثبت وروسته د پولیو پېښو زیاتېدو په اړه اندېښنه ښودلې ده.
افغانستان کې امنیتي ګواښونو څخه د اندېښنو په دوام د تاجکستان ولسمشر امامعلي رحمان پرون یکشنبه د غبرګولي اتمه افغانستان سره پولې ته نږدې د ختلان ولایت «توس» سیمه کې دوه امنیتي پوستې جوړې کړي دي. د ټولییز امنیت تړون غړیو هېوادونو د دفاع وزیرانو هم افغانستان کې له ترهګریزو فعالیتونو اندېښنه څرګنده کړې ده.
د ترکمنستان پلازمېنې عشقاباد کې د اروپايي ټولنې او مرکزي اسیا د ځانګړیو استازیو له ناستې وروسته په یوې خپره شوې خبرپاڼه کې د افغانانو پر ملاتړ او د افغانستان د اقتصادي زېربناوو پر بیارغونه ټينګار شوی دی. د خبرپاڼې په یوې برخه کې افغانستان کې د ټولګډونه حکومت پر جوړېدو او د ښځو او نجونو د کار او زدهکړو محدودیت پر لرېکېدو ټينګار شوی.
د رییسالوزرا مرستیال عبدالسلام حنفي د افغانستان د یواوونیز نړیوال نندارتون په وروستۍ ورځ د نړۍ له هېوادونو څخه وغوښتل چې د صنعت او سوداګرۍ برخو تر څنګ، د کوکنارو د بدیل کښت برخه کې له افغانستان سره همکاري وکړي. په ورته وخت کې یوشمېر صنعتکاران او د سوداګرۍ او صنعت برخو مسوولان له اسلامي امارت څخه غواړي چې د دوی پر وړاندې شته ننګونې، په ځانګړې توګه د اوبو د کمښت ستونزه حل کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
