د افغانستان لپاره د ملګرو ملتونو ځانګړې استازې وايي، د دغه سازمان د امنیت شورا په ناسته کې یې ویلي چې په اوسنیو سختو شرایطو کې باید افغانان یوازې پرې نه ږدي.
هغه وايي، په افغانستان کې د ژمي موسم را روان دی او خلک یې نه یوازې له یخنۍ، بلکې د خوراکي توکو له کمښت سره هم مخامخ دي. لاینز زیاتوي، د افغانستان اقتصادي وضعیت په سقوط کېدو دی او نړیوال باید له افغانانو سره د پام وړ مرستې وکړي.
د افغانستان په اړه د ترویکا غونډه نن د سیمې او نړۍ د ځانګړو استازو په ګډون په اسلاماباد کې جوړه شوه. د پاکستان د بهرنیو چارو وزیر شاهمحمود قریشي په دې ناسته کې له نړیوالې ټولنې غوښتي چې د طالبانو له سرپرست حکومت سره جوړجاړی وکړي.
نوموړي ویلي: «له افغانستان سره جوړجاړی باید نه یوازې دوام وکړي، بلکې د بېلابېلو دلایلو له کبله زیات شي.»
وروسته له هغې چې کندوز او کندهار ولایتونو کې د اسلامي دولت نومې ډلې یا داعش مرګونو بریدونو ګڼو ملکیانو ته درنه مرګژوبله واړوله، د دغې ډلې فعالیت په اړه د سیمې هېوادونو په ځانګړې توګه د روسیې اندېښنې زیاتې شوې دي. د چارو یوشمېر افغان کارپوهان هم داعش ډله افغانستان او سیمې ته ګواښ بولي او په دې باور دي چې دغه ډله قوي بهرنی ملاتړ لري.
د طالبانو د بهرنیو چارو سرپرست وزیر امیرخان متقي د سوداګرۍ او صنایعو وزارت د سرپرست نورالدین عزیزي د معرفي کېدو غونډې ته وویل چې اوس د ۲۰۰۰م کال دوره نه ده او اسلامي امارت نړۍ سره ښې او ژورې اړیکې لري.
د ټایمز مجلې د طالبانو د رییس الوزرا لومړی مرستیال ملا عبدالغني برادر د ۲۰۲۱ کال د نړۍ د سلو اغېز لرونکو څېرو په نوملړ کې اعلان کړی دی. په هغه مطلب کې چې د ملا عبدالغني برادر د پېژندنې په اړه خپور شوی، پکې لیکل شوي چې: «ملا عبدالغني برادر د طالبانو په ډله کې په ۱۹۹۴ کال کې د دغه تحریک له بنسټ اېښودونکو څخه شمېرل کېږي. یو اغېزمن پوځي مشر او د احترام وړ شخصیت دی.»
د نړۍ په بېلابېلو هېوادونو کې زرګونه افغانانو د طالبانو له لوري د افغانستان د نیولو په اعتراض کې د آزادۍ په شعار سړکونو ته راوتلي دي. دغو اعتراض کوونکو په افغانستان کې د پاکستان ښکاره لاسوهنه وغندله او له نړیوالې ټولنې یې غوښتنه وکړه چې افغانستان کې دي د جنایت پر وړاندې خپله چوپتیا ماته کړي.
د عامې روغتیا وزارت وايي چې کورونا په تېرو څلېرویشت ساعتونو کې ۸۰ کسان مړه کړي او ۱۵۳۱ نور پر دغه ویروس اخته شوي دي. تازه پېښې د څلور زره او ۹۹۴ شکمنو نمونو د کتلو له پایلې ترلاسه شوې دي. دغه راز، په تېره یوه شپه او ورځ کې ۸۰۵ کسان چې پر کورونا اخته وو، بېرته ښه شوي دي. د روغتیا وزارت د شمېرو له مخې، د د مړینې او اخته کېدو د تازه پېښو په ثبت سره په هېواد کې پر کورونا د اخته کسانو شمېر ۱۱۵ زره او ۶۱۵ ته او د مړو شویو هغو هم څلور زره او ۷۳۰ ته رسېږي.
د عامې روغتیا وزارت وايي چې په تېرو څلېرویشت ساعتونو کې ۷۳ کسان د کورونا له کبله مړه شوي او دوه زره او ۲۰۲ نور تازه پرې اخته شوي دي. تازه پېښې د پنځه زره او ۴۹۹ شکمنو نمونو له کتلو ترلاسه شوې دي. په تېره یوه شپه او ورځ کې ۴۹۴ نور کسان چې پر کورونا اخته وو، بېرته ښه شوي دي.
د عامې روغتیا وزارت وايي چې په تېره یوه شپه او ورځ کې ۸۵ کسان د کورونا له کبله مړه شوي او ۱۵۹۷ نور پرې اخته شوي دي. تازه پېښې د څلور زره او ۵۸۷ شکمنو نمونو د کتنې له لارې ترلاسه شوې دي.
د رسمي شمېرو له مخې، د مړو شویو کسانو شمېر هېواد کې د کورونا ویروس له خپرېدو راهیسې تر ټولو لوړ هغه دی.
د عامې روغتیا وزارت وايي چې په تېرو څلېرویشت ساعتونو کې یې د ۳ زره او ۱۸۸ شکمنو کسانو نمونې کتلي چې له ډلې یې د ۶۲۳ هغو پایلې مثبتې ختلې دي. د دغه وزارت په وینا، په یاده موده کې ۱۴ نور کسان چې پر کورونا اخته وو، مړه شوي دي.
د عامې روغتیا وزارت وايي چې په تېره یوه شپه او ورځ کې یې د ۲ زره او ۶۳۲ کسانو نمونې چې د کورونا شک پرې کېده، کتلې دي. د دغه وزارت د معلوماتو له مخې، په دې موده کې ۱۰ کسان د کورونا له کبله مړه شوي او ۵۴۷ نور پرې اخته شوي دي. تازه شمېرې چې په ۱۹ ولایتونو کې ثبت شوي، په وروستیو میاشتو کې تر ټولو لوړې هغه دي.
د عامې روغتیا وزارت د خبر له مخې په تېره یوه شپه او ورځ کې پر کورونا ویرووس د شکمنو کسانو ۱زرو او ۸۰۹ پېښې یې کتلي دي چې ۳۰۳ هغه یې مثبتې ختلي او په موده کې بیا له دې ناروغۍ څخه ۱۱ کسان مړه شوي دي.
پر کورونا ویرووس د اخته کسانو تازه شمېرې په ۲۲ ولایتونو کې ثبت شوي چې ورسره په یوه شپه او ورځ کې له دې وبا څخه ۱۰۸ناروغان بېرته رغېدلي دي.
د عامې روغتیا وزارت وايي چې په تېرو څلېرویشت ساعتونو کې یې د ۱۴۰۲ کسانو نمونې چې د کورونا شک پرې کېده، کتلې دي. د دغه وزارت په وینا، په یاده موده کې ۳ کسان چې پر کورونا اخته وو، مړه شوي او ۱۱۴ نور پرې اخته شوي دي.
د عامې روغتیا وزارت وايي چې په تېره یوه شپه او ورځ کې یې د کورونا ۵۶۶ شکمنې نمونې کتلي چې د ۷۰ هغو پایلې مثبتې ختلې دي. د دغه وزارت په وینا، په یاده موده کې ۶ کسان چې پر کورونا اخته وو، مړه شوي دي.
د روغتیا وزارت د شمېرو له مخې، هېواد کې د کورونا ویروس له پیل راهیسې ۴۲۸ زره او ۹۵۶ کسانو ټېسټونه کړي چې له ډلې یې ۶۳ زره او ۴۱۹ هغه پر دغه ویروس اخته شوي او ۲ زره او ۷۳۶ نور یې بیا بېرته ښه شوي دي.
د عامې روغتیا وزارت وايي چې په تېره یوه شپه او ورځ کې یې د ۸۷۷ کسانو نمونې چې د کورونا شک پرې کېده، کتلي دي. د دغه وزارت د معلوماتو له مخې، په یاده موده کې ۷ کسان د کورونا له کبله مړه شوي او ۲۰۶ نور پرې اخته شوي دي.
د قطر العدید هوايي ډګر ته څېرمه د یوشمېر امریکايي بي۵۲ جنګي الوتکو د ځای پر ځای کېدو خبرونو د خپرېدو په درشل کې دلته په افغانستان کې له دغه هېواد څخه د امریکايي ځواکونو له وتلو وروسته امنیتي وضعیت په اړه اندېښنې زیاتې شوي، خو د حکومت لوړپوړو امنیتي چارواکو نن په کابل کې د یوې خبري غونډې پر مهال که څه هم ترهګري لا هم یو جدي ګواښ یاد کړ، خو په وینا یې، افغان امنیتي او دفاعي ځواکونه د خپلې خاورې او خلکو د دفاع وړتیا لري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
