ننګرهار کې د چاودنې له امله ۸ ماشومان وژل شوي

د ننګرهار ولایت اړوند په لعل‌پورې ولسوالي کې د ناچاودې مرمۍ د چاودنې له امله اته ماشومان وژل شوي او ۳ نور ټپیان دي. د سیمې اوسېدونکي وایي چې دغه پېښه نن سهار شاوخوا لس بجې د دې ولسوالي په دیګانانو سیمه کې د نا چاوده مرمۍ د چاودنې له امله رامنځ ته شوې ده.

ننګرهار کې د ١٥میلیونو ډالرو په لګښت د چرګانو خوراک دانې فابریکه پرانیستل شوه

په ختیځ ولایت ننګرهار کې د چرګانو د خوراک دانې د تولید په موخه د ۱۵میلیونو ډالرو په ارزښت یوې فابریکې تازه په فعالیت پیل وکړ. د ننګرهار په صنعتي ښارګوټي شيخ مصري کې د تل پسرلي په نامه د يوه خصوصي شرکت له لوري ياده فابریکه پرانستل شوې ده. د دې شرکت مسوولان وايي، په دې فابریکه کې پنځه سوه کسانو ته د کار زمينه هم برابره شوې ده.

د ننګرهار هوايي ډګر د نړیوالو او کورنیو الوتنو لپاره بېرته چمتو شوی

د ننګرهار هوایي ډګر چې د جلال‌اباد سوېل ختیځ ته د ښار په لنډ واټن کې پروت دی، په ۲۰۰۱ کال کې د اسلامي امارت د واکمنۍ تر نسکورېدو وروسته په کې امریکايي ځواکونه میشت شول چې د نظامي هډې په توګه یې ترې کار اخیسته. که څه هم د جمهوري نظام چارواکو ژمنه کړې وه چې ډېر ژر به ترې ملکي الوتنې وشې، خو ژمنه یې عملي نه شوه.

سږ کال ننګرهار کې د ګنیو په حاصلاتو کې زیاتوالی راغلی

د ننگرهار ولایت په شپږو ولسوالیو کې ګني ګښت کېږي چې ډېره برخه یې په کامې، بټي کوټ او کوز کونړ ولسوالیو کې دي چې د دغه ولایت د کرنې ریاست د مسوولانو په وینا، د تېرو کلونو په پرتله سږکال یې هم په حاصلاتو کې ډېروالی راغلی دی.

ننګرهار کې د شوکاڼي کانونو د کیندنو پیل؛ ۴۰ زره کسان به پر کار بوخت شي

ننګرهار کې د شوکاڼي کوچني قراردادونه چې لسګونه زره کسانو ته به د کار اسانتیاوې برابرې کړي، بیا پیل شول. د ننګرهار په شپږو ولسوالیو کې د شوکاڼي کانونه شته چې په تېر کې یې هم د کیندنو قراردادونه شوي وو، خو تېر حکومت یې کارونه د فساد او قاچاق له کبله ځنډولي وو. تازه اسلامي امارت یو ځل بیا د دغو کانونو د کیندنو چارې پیل کړي.

ننګرهار کې د کبانو د فارمونو عواید لوړ شوي

په ننګرهار کې د وادې پراختیا کرنیز شرکت په ثمرخېلو سیمه کې پر نږدې ۴۴ جرېبه ځمکه د ماهیانو روزنې او ساتنې حوضونه جوړ کړي چې ۲۱ یې د ساتنې، ۱۷ د نرسرۍ او څلور نور حوضونه د قرنطین لپاره دي.

ننګرهار کې د ځنګلونو ساتنه؛ مسوولان یې په قومي تړون د ساتلو هڅه کوي

د ننګرهار په یوولسو ولسوالیو کې پر نږدې ۶۵ زره هېکټاره ځمکې طبیعي ځنګلونه چې میوهلرونکي او نامیوه لرونکي بوټي لري، اباد دي. د ننګرهار د کرنې، اوبو لګونې او مالدارۍ ریاست د ځنګلونو د ساتنې په برخه کې قومي تړې مهمې بولي او وايي، هڅه کوي چې د حکومت ترڅنګ، ولسونه هم خپله ونډه واخلي.

ننګرهار کې د جلغوزیو حاصلات ۲۵ سلنه ډېر شوي

د ننګرهار په اتو ولسوالیو حصارک، شېرزاد، خوګیاڼو، پچيراګام، هسکه‌مېنه، کوټ، اچین او سپین‌غر ولسوالیو کې پر شاوخوا ۱۱۶۹۰هکټاره ځمکه د جلغوزیو طبعي ځنګلونه اباد دي چې سږ کال یې په حاصالاتو کې ۲۵ سلنه زیاتوالی راغلی دی.

ننګرهار کې د وسله‌والو برید؛ د یوه خبریال په ګډون درې کسان وژل شوي

بېګاه ماښام د ننګرهار ولایت مرکز جلال‌اباد ښار اړوند په پنځمه حوزه کې ناپېژنده وسله‌والو د سید معروف سادات په نوم د یوه خبریال په ګډون درې کسان وژلي دي. د افغان خبریالانو د خوندیتوب کمېټې ویلي چې په دغه پېښه کې دوه طالبان وژل شوي او د خبریال سیدمعروف سادات د زوی په ګډون دوه ملکیان ټپیان دي.

ننګرهار کې د درملو او طبي امکاناتو نشتوالي خلک له ستونزو سره مخ کړي

که څه هم د روغتیایي خدمتونو په برخه کې له پخوا راهیسې ستونزې شته، خو تازه د ننګرهار د یو‌شمېر ولسوالیو اوسېدونکي شکایت کوي، هغه کلینیکونه چې د دوی په سیمو کې فعال دي، اوس په کافي اندازه درمل او نورو طبي امکانات نه لري. هغه وویل، د روغتیا برخې ملاتړي بنسټونه دې خپلې همکارۍ زیاتې کړي.

داعش ډلې ننګرهار کې پر طالبانو د وروستیو چاودنو مسوولیت منلی

د اسلامي دولت نومي ډلې یا داعش دوه ورځې وړاندې د ننګرهار په مرکز جلال اباد کې د طالبانو پر وړاندې د شویو چاودنو مسوولیت پر غاړه اخیستی دی. طالبانو تراوسه په رسمي توګه په دې اړه څه نه دي ویلي. د راپورونو له مخې، جلال اباد ښار کې په تېرو دوو ورځو کې پنځه چاودنې شوې دي.

کابل او ننګرهار کې د طالبانو هوايي ډزې؛ ۱۷ کسانو ته مرګ‌ژوبله اوښتې

بېګاه شاوخوا نهه بجې کابل او ځینې نور ولایتونه د طالبانو د سختو هوايي ډزو شاهدان وو.
د طالبانو د مسوولانو په وینا، په یادو هوايي ډزو کې ۱۷ کسانو ته مرګ‌ژوبله اوښتې ده. که څه هم طالبانو نه ده روښانه چې په دغو کسانو کې څو کسان وژل شوي او څو یې ټپیان دي، خو د راپورونو له مخې، یوازې په کابل کې دوه کسان وژل شوي او درې نور ټپیان دي.