ایرانی چارواکی: له افغانستانه د نشه‌يي توکو کشف کې ۲۱سلنه ډېروالی راغلی

له افغانستان څخه د نشه‌يي توکو قاچاق په اړه د اندېښنو په لړ کې د ایران یوه چارواکي له افغانستان څخه دغه هېواد ته د قاچاقېدونکو نشه‌يي توکو د کشف له ډېروالي اندېښنه ښودلې ده. د ایران د نشه‌يي توکو پر وړاندې د مبارزې پولیسو مشر زیاته کړې چې له افغانستان څخه د نشه‌يي توکو کشف کې ۲۱سلنه ډېروالی راغلی دی.

هلمند کې زرګونه کیلوګرامه نشه‌يي توکي وسوځول شول

د هلمند د امنیې قومانداني ویاند عزت‌الله حقا.ني سلام‌وطندار ته ویلي چې د امنیې قومانداني د نشه‌يي توکو پر وړاندې د مبارزې مدیریت امنیتي ځواکونو د دغه ولایت په مرکز او بېلابېلو ولسوالیو کې څه باندې ۶۲۶ زره کیلوګرامه نشه‌يي توکي نیولي وو او نن یې سوځولي دي.

اسلامي امارت د نشه‌يي توکو د قاچاق زیاتېدو په اړه د تاجکستان د ولسمشر څرګندونې رد کړې

د تاجکستان ولسمشر امام‌علي رحمان د چهارشنبې په ورځ د ملګرو ملتونو کلنۍ غونډې ته د وینا پر مهال ویلي، له افغانستانه د نشه‌یي توکو قاچاق په بې‌سارې توګه زیات شوی دی.
د نوموړي په وینا، د تاجکستان سرحدي ځواکونو په تېرو دوو کلونو کې له افغانستان سره پر پولې له لسو ټنو ډېر نشه‌یي توکي نیولي دي.

اسلامي امارت په افغانستان کې د امریکايي وسلو د پېر او پلور راپور ناسم وباله

د افغانستان پر سولې د څار ادارې په دې وروستیو کې د یوه راپور په خپرولو سره ادعا کړې چې په هلمند، ننګرهار او کندهار ولایتونو کې د امریکايي وسلو بازار تود شوی دی. خو اسلامي امارت دغه راپور ردوي او وايي، سرپرست حکومت د وسلو په ساتلو کې جدي دی او هېچا ته اجازه نه ورکوي چې د وسلو پېر او پلور وکړي.

د خوړو او درملو ملي اداره: د خوړو او درملو د قاچاق ۷۰ سلنه مخه مو نیولې

د خوړو او درملو ملي ادارې مسوولان وايي چې په ۱۴۰۱ کال کې یې د ګمرکونو په بشپړ کنټرول سره د خوړو او درملو د قاچاق ۷۰ سلنه مخه نیولی شي او د پاتې ۳۰ سلنه فساد سره د مبارزې لپاره د لوړپوړو چارواکو د مرستې غوښتنه کوي.

د هرات د غوریان مالګې د شرکت مسوول: افغانستان ته دې د مالګې راتلو مخه ونیول شي

د هرات د غوريان مالګې د شرکت مسوولان د سوداګرو له‌خوا له ګاونډيو هېوادونو څخه افغانستان ته د ورته ايوډين لرونکې مالګې د واردېدو په اړه شکایت کوي. د دغه شرکت مسوول ناصر امید سلام‌وطندار ته ویلي چې اوس هر کال د غوریانو د مالګې له کان څخه شاوخوا ۵۰ زره ټنه مالګه را وباسي.

د کورنیو چارو وزارت: روان کال د ۱۱۸۹۰ پېښو په تړاو نږدې ۱۷۰۰۰ کسان نیول شوي

د کورنیو چارو وزارت مسوولانو نن دوشنبه د کب ۲۹مه کابل کې د یوې خبري ناستې پر مهال وویل چې د ۱۴۰۱ کال له پیل راهیسې تراوسه په ټول هېواد کې ۱۱زره او ۸۹۰ جرمي پېښې رامنځته شوي دي. د یاد وزارت د مسوولانو په وینا، د دغو پېښو په تړاو ۱۶زره او ۶۵۸  کسان هم نیول شوي دي.

د صرافانو ټولنه: له هېواده د ډالرو قاچاق زیات شوی

د شهزاده سرای د صرافانو ټولنې مسوولان وايي چې د تېرو څلورو میاشتو په پرتله، اوس له هېواده بهر د ډالرو قاچاق زیات شوی دی.
د دې ټولنې ویاند عبدالرحمان ځیرک نن سلام‌وطندار ته په دې اړه ویلي: «د تېرو څلور میاشتو په پرتله د ډالرو قاچاق زیات شوی او که مخه یې ونه نیول شي، د هېواد په بازارونو کې به د افغانۍ پر ارزښت او د خوراکي توکو د بیو پر لوړېدو اغېز وکړي.»

هلمند کې په کمسارې توګه د غنمو د بیې لوړېدل؛ یو من یې ۴۵۰ کلدارې پلورل کېږي

د هلمند اوسېدونکي په دغه ولایت کې د غنمو له لوړې بیې څخه شکایت کوي. دوی وايي چې د هلمند له مرکز لښکرګاه او د یوشمېر ولسوالیو له ځمکو څخه د غنمو حاصلات ترلاسه شوي او باید بیه یې ټیټه وای، خو په وروستیو ورځو کې یې بیه په کمساري توګه لوړه شوې ده.

روزګان کې د «اوومان» بوټي قاچاق؛ جوړېدونکي یوه کیلو درمل یې ۳۳۸ ډالره پلورل کېږي

اوومان چې یو ډول غرنی بوټی دی او د اسيا په کچه په افغانستان په ځانګړي توګه د روزګان ولايت په دښتو او غرنو کې په طبعي ډول پیدا کېږي، خلک وايي چې په دې وروستيو کلونو کې یې له هېواده بهر قاچاق ډېر شوی دی. د روزګان د خاص روزګان ولسوالي اوسېدونکي هم ادعا کوي چې له يادې ولسوالي څخه هم اوومان قاچاقېږي.

د اوسپنې قاچاق په اړه د صنعت‌کارانو او کاروباریانو اندېښنې

که څه هم د اسلامي امارت د خپلې واکمنۍ په لومړیو ورځو کې د یوه فرمان په ورکولو سره ویلي وو چې له هېواد بهر ته د زړو اوسپنو  لېږد بندی شوی، خو د دې برخې کاروباریان او صنعت‌کاران لا هم پاکستان ته د اوسپنې د قاچاق په اړه اندېښنه څرګندوي. د اوسپنې یو کاروباري وايي، اوس هم د کندهار سپین بولدک له لارې زړې اوسپنې پاکستان ته قاچاقېږي.

کورنیو چارو وزارت: ګاونډیو هېوادو ته د وسلو قاچاق حقیقت نه لري

وروسته له هغې چې په ټولنیزو رسنیو کې له افغانستان څخه ګاونډیو هېوادونو ته د امریکا د پوځي تجهیزاتو او وسایطو د لېږد په اړه رپوټونه خپاره شول، اوس د اسلامي امارت د کورنیو چارو وزارت ګاونډیو هېوادونو ته د وسلو قاچاق تشې اوازې او درواغ بللي.

 شنونکي: د نشه‌يي توکو قاچاق به ترهګرې ډلې پیاوړې کړي

د هند، روسیې او چین د بهرنیو چارو وزیرانو پرون د یوې انلاین غونډې په ترڅ کې له افغانستان څخه د نشه‌يي توکو د قاچاق زیاتېدو په اړه اندېښنه څرګنده کړه. د چین بهرنیو چارو وزیر وانګ‌يي، د هند بهرنیو چارو وزیر اس‌جي شنکر او د روسیې بهرنیو چارو وزیر سرګي لاوروف دغه چاره د سیمې د هېوادونو د امنیت لپاره جدي ګواښ وباله.