د اسیا کرېکټ جام د څلور غوره پړاو کې نن د سریلانکا کرېکټ ملي لوبډله د هند له کرېکټ ملي لوبډلې سره لوبه کوي.
ټاکل شوې چې دغه سیالي نن ماښام د افغانستان په وخت ۶:۳۰ بجې پیل شي.
د سریلانکا کرېکټ ملي لوبډلې د اسیا جام د روان څلور پړاو سیالیو په لړ کې خپله لومړۍ لوبه له افغانستان وګټله، خو هند بیا د پاکستان له لوري مات شو.
دواړو لوبډلې چې له دې وړاندې په وروستیو پنځو شل اووره سیالیو کې سره مخامخ شوي، درې یې د هند کرېکټ ملي لوبډلې ګټلي او پاتې دوه یې د سریلانکا په ګټه پای ته رسېدلې دي.
د اسیا کرېکټ جام روان سوپر فوور یا څلور غوره پړاو جدول کې سریلانکا لومړی، پاکستان دویم، هند درېیم او افغانستان څلورم ځای لري.
د سلاموطندار پښتو برخه دلته وڅارئ
څلور واړو لوبډلو دې پړاو کې تراوسه یوه یوه لوبه کړې چې هره لوبډله به ټولې درې سیالي کوي.
