د شپږیزې کرېکټ لیګ سیالیو په لړ کې نن په درېیمه لوبه کې امو نهنګانو لوبډلې د هندوکش ستورو ته د درېوو منډو په توپیر ماته ورکړه.
په دغه لوبه کې لومړی د امو نهنګانو لوبډلې توپ وهنه وکړه او په ټاکل شویو شلو اورونو کې یې د ۷ لوبغاړو په سوځېدو سره خپلې سیالې لوبډلې د ۱۴۸ منډو هدف وټاکه.
د سلاموطندار پښتو فېسبوکپاڼه وڅارئ
په ځواب کې د هندوکش لوبډلې ښه لوبه وکړه، خو ورکړل شوی هدف یې ترلاسه نهکړ او د ۹ لوبغاړو په سوځېدو سره یې یوازې ۱۴۴ منډې جوړې کړې او د ۳ منډو په توپیر یې له امو نهنګانو ماته وخوړ.
په دغه سیالي کې د امو نهنګانو لوبډلې لپاره یوسف ځاځي ښه توپ اچوونه وکړه او په څلورو اورونو کې یې د ۱۸ منډو په بدل کې د سیالې لوبډلې پنځه لوبغاړي وسوځول.
سلاموطندار پر ټویټر هم وڅارئ
د شپږېزې روان کرېکټ لیګ په نننۍ دویمه سیالي کې د بُست ساتونکي لوبډله د پامیر زلمي پر وړاندې پر لوبې لګیا ده.
