د ملګرو ملتونو د بشردوستانه مرستو همغږي کوونکې ادارې یا «اوچا» ویلي چې د دغه سازمان د لومړنیو موندنو پربنسټ، د افغانستان په لوېدیځ کې د تېرې اوونۍ زلزلې چې مرکز یې بادغیس ولایت و، شاوخوا ۱۰۰۰ کورنیو ته زیان رسېدلی او یا هم ویجاړ شوي دي.
اوچا همداراز ویلي چې دغې زلزلې د هېواد په لوېدیځ کې د اوبو سرچینو ته هم زیان رسولی دی. د ملګرو ملتونو د بشري دوستانه مرسته د همغږي کوونکې ادارې په وینا، هغه کورنۍ چې له دغو زیانونو څخه اغېزمنې شوي، د ابو له لارې د لېږدونکو ناروغیو څخه د مخنیوي لپاره، ودانیو ته اړتیا لري.
د سلاموطندار پښتو فېسبوکپاڼه وڅارئ
اوچا ټينګار کړی چې بشرپاله بنسټونه زیانمنو کسانو ته د اړینو بېړنیو مرستو پر لېږد لګیا دي.
دا په داسې حال کې ده چې تېره اوونۍ، یوې محلي سرچیني سلاموطندارته تایید کړه چې د هېواد په لوېدیځو ولایتونو کې د شویو دوو زلزلو له کبله د ښځو او ماشومانو په ګډون د وژل شویو کسانو شمېر ۲۲کسانو ته رسېدلی دی.
