لوګر کې سېلابونو خلکو ته درانه مالي زیانونه اړولي
د لوګر چارواکي وایي چې د پرون ورځې (دوشنبه، غبرګولي اتمه) اوښتونو له امله په مرکز پلعلم کې سېلابونه راوتلي چې خلکو ته یې درانه مالي زیانونه اړولي دي.
د لوګر چارواکي وایي چې د پرون ورځې (دوشنبه، غبرګولي اتمه) اوښتونو له امله په مرکز پلعلم کې سېلابونه راوتلي چې خلکو ته یې درانه مالي زیانونه اړولي دي.
د میدانوردګ د عامې روغتیا ریاست مسوولان وايي چې د بېګاه شپې د سېلابونو راوتو له امله د سیداباد ولسوالي د «درې دواب» کلي روغتیايي مرکز په بشپړه توګه ویجاړ کړی دی. نوموړی زیاتوي چې له ولایتي روغتون څخه یې یادې سیمې ته سیاره روغتیایي ډله رسېدلې او زیانمنو خلک ته روغتیایي خدمتونه وړاندې کوي.
د کندهار او روزګان ولايتونو په یوشمېر ولسوالیو کې د وروستیو اورښتونو له کبله سېلابونه راوتلي چې خلکو ته یې ګڼ مالي او ځاني زیانونه اړولي دي. د دوی په وینا، دغو سېلابونو د خلکو څاروي هم وړي او کورونه او ګڼشمېر هټۍ یې ویجاړې کړې دي. په ورته مهال د کندهار په خانشین ولسوالي کې هم د وروستیو اورښتونو له کبله خلکو ته درانه زیانونه اوښتي دي.
په فاریاب ولایت کې سرچینې وايي چې بېګاه د دغه ولایت د مرکز میمنې ښار په بېلابېلو سیمو کې سېلابونه راوتي وو چې خلکو ته درانه مالي او ځاني زیانونه اړولي دي.
د ملګرو ملتونو د بشردوستانه مرستو همغږي کوونکې ادارې یا «اوچا» ویلي چې د دغه سازمان د لومړنیو موندنو پربنسټ، د افغانستان په لوېدیځ کې د تېرې اوونۍ زلزلې چې مرکز یې بادغیس ولایت و، شاوخوا ۱۰۰۰ کورنیو ته زیان رسېدلی او یا هم ویجاړ شوي دي.
عمرخوړلی عبدالمالک چې څېرې یې له غم او درده ګونځې کړي او جګړې له کندوزه کابل ته را کډه کړی وايي، څه موده وړاندې یې پر کور یو ړوند راکېټ ولګېد چې له کبله یې سترګې ړندې او کور یې هم ویجاړ شو. عبدالمالک اوس له کورنۍ سره د کابل په سرایشمالي کې د سړک پر سر اوسېږي او له درد او بېوسۍ ډکې شپې او ورځې تېروي.
په هېواد کې روانې جګړې سربېره پر دې چې له خلکو ډېری قربانۍ اخیستي، بنسټیزو زېرمو او په ټوله کې یې د هېواد اقتصاد هم پراخ زیانونه اړولي دي.
د اداري سمون او ملکي خدمتونو خپلواک کمېسیون رییس نادر نادري نن کابل کې د یوې خبري غونډې پرمهال د طالبانو تر ولکې لاندې سیمو کې د خدمتونو د وړاندې د څرنګوالي په اړه اندېښنې سره وایي چې د دغې ډلې له لوري د ولسوالیو نیولو سره، په دغو سیمو کې د ملکي خدمتونو چارې په ټپه درېدلي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون