د فراه او زابل محلي مسوولان وايي چې یادو ولایتونو کې د ټرافیکي پېښو له امله څلور کسان مړه او ۱۴ نور ټپیان شوې دي.
د فراه د امنیې قومنداني ویاند محمدنسیم بدري سلاموطندار ته وايي چې د دغه ولایت په فراهرود ولسوالي کې د یوې ټرافیکي پېښې له امله درې کسان مړه او شپږ نور ټپیان شوي دي.
د سلاموطندار پښتو فېسبوکپاڼه وڅارئ
یاده پېښه «چهارشنبه، وري اتمه» د یوې سراچې او باروړونکي موټرو ترمنځ د ټکر له کبله رامنځته شوې. بلخوا د زابل په شاجوی کې بیا د شوې ټرافیکي پېښې له کبله یو کس خپل ژوند له لاسه ورکړی او اته نور ټپیان شوي دي.
پېښه د شاجوی ولسوالي اړوند د «تازې رباط» سیمه کې د یوه ټېلر او مسافروړونکي بس موټرو د ټکر له کبله رامنځته شوې.
د زابل د امنیې قومنداني ویاند ذبېحالله جوهر سلاموطندار ته وايي، د پېښې ځای ته امنیتي ځواکونه رسېدلي او ټپیان یې روغیتايي مرکز ته لېږدولې دي.
له دې وړاندې د کابل-کندهار پر عمومي سړک د نورک سیمه کې د یوې مازدا او کرولا ډوله موټرو د ټکر پرمهال یو کس مړ او یو بل ټپي شوی و.
یادې ټرافیکي پېښې داسې مهال شوي چې دې وروستیو کې د هېواد په بېلابېلو سیمو کې د ټرافیکي پېښو له امله د اوښتو مرګژوبلو شمېرې لوړې شوې دي.
چارواکي په هېواد کې د ټرافیکي پېښو د زیاتېدو اصلي لامل د موټرچلوونکو بېاحتیاطي، د سړکونو خرابوالی او له ټرافیکي قوانینو سره د موټرچلوونکو نه بلدتیا په ګوته کوي.
