اسلامي امارت افغانستان کې د ملګرو ملتونو د ځانګړې استازولۍ یا یوناما د ماموریت غځېدو سره هممهاله له یوناما غوښتي چې له ا.ا سره دې د نړیوالې ټولنې د تعامل برخه کې اغېزناک او ګټور ګامونه اوچت کړي.
د اسلامي امارت د ویاند مرستیال بلال کریمي له سلاموطندار سره مرکه کې د یوناما ماموریت د غځېدو هرکلي تر څنګ، غوښتنه کړې چې یوناما دې د اسلامي امارت او نړیوالې ټولنې ترمنځ د شته واټن لرې کولو لپاره اغېزناک ګامونه واخلي.
هغه وايي، اسلامي امارت د حکومتولۍ، امنیت ټینګښت او د فساد مخنیوي برخه کې لاستهراوړنې لري، خو نړیوالې ټولنې ورسره د پام وړ همکاري نهده کړې.
دا په داسې حال کې ده چې د ملګرو ملتونو امنیت شورا تازه د افغانستان د څارنې لپاره یوه ډله هم جوړه کړې ده. خو بلال کریمي وايي چې د یادې ډلې په اړه جزیات نه لري.
د سلاموطندار پښتو فېسبوکپاڼه وڅارئ
د یادونې ده چې ملګري ملتونه او نړیواله ټولنه د اسلامي امارت له واکمنۍ څخه د نږدې دوو کلونو له تېرېدو سره سره لا هم په رسمیت نهدی پېژندلی او نه یې هم په یاد سازمان کې د افغانستان څوکۍ ورته سپارلې ده.
