میدان وردګ کې غره ښویېدنې درې کسان مړه او دوه ټپیان کړي
د میدان وردګ محلي چارواکي وايي چې د دې ولایت اړوند په دایمیرداد ولسوالي کې پر یوه استوګنیز کور د غره ښويېدنې له امله درې کسان مړه شوي او دوه ټپیان دي.
د میدان وردګ محلي چارواکي وايي چې د دې ولایت اړوند په دایمیرداد ولسوالي کې پر یوه استوګنیز کور د غره ښويېدنې له امله درې کسان مړه شوي او دوه ټپیان دي.
د سولې او ازادۍ لپاره د افغان ښځو موسسې د اسلامي امارت د پوهنې وزارت پر هغې پرېکړې نیوکه کړې چي پر بنسټ یې، له شپږم ټولګي پورته د نجونو زدهکوونکو ښوونځي دې تر بلې خبرتیا پورې تړلې پاتې وي.
د امر بالمعروف او نهی عن المنکر وزارت په کابل ښار او اړوند سیمو کې تفریحي پارکونو ته پر یوه وخت د ښځو او نارینهوو پر ورتګ بندیز اعلان کړ او پارکونو ته د ښځو او نارینوو د ورتګ لپاره یې ځانګړی مهالوېش ټاکلی دی.
د ملګرو ملتونو سرمنشي انټونیو ګوټرېش وايي چې په نړۍ کې له هرو درې ښځو څخه یوه یې په مستقیمه توګه له تاوتریخوالي سره مخ کېږي.
د قطر د بهرنیو چارو وزیر او د لومړي وزیر مرستیال شیخ محمد بن عبدالرحمان الثاني پرون د اندونیزیا د بهرنیو چارو له وزیرې رتنو لستاري پریانساري سره په دوحه کې کتلي دي. د دواړو هېوادونو د بهرنیو چارو وزیرانو ژمنه کړې چې د افغان مېرمنو د نقش په اړه به د نړیوالو ناستو او پروګرامونو د جوړولو په برخه کې اسانتیاوې برابروي.
د سلاموطندار خبریال سرور هاشمي چې نن کابل ښار کې د پوهنې وزارت مخته د ښځو د یوه اعتراض د خبري پوښښ لپاره ورغلي و، د اسلامي امارت د استخباراتو له لوري نیول شوی و چې له شپږ ساعت بند وروسته یې بېرته خوشې کړی دی. سرور هاشمي وايي چې په پوهنې وزارت کې شپږ ساعته تر پوښتنو او ګروېګنو لاندې و.
د ملګرو ملتونو د امنیت شورا لسو غړیو هېوادونو په یوې ګډې ویناپاڼه کې له اسلامي امارت څخه غوښتنه کړې چې له شپږم ټولګي پورته د نجونو زدهکوونکو ښوونځي دې پرانیزي. دوی ټينګار کړی چې دا پرېکړه د هغو ژمنو سره په ټکر کې ده چې اسلامي امارت په وروستیو اوونیو او میاشتو کې له نړیوالې ټولنې سره د تعامل ساتلو لپاره کړې وې.
رویټرز د جمعې په ورځ راپور ورکړی چې متحده ایالاتو د اسلامي امارت د سرپرست حکومت لخوا د نجونو د ښوونځیو د تړلو د پریکړې په غبرګون کې له دې ډلې سره پلان شوې غونډې لغوه کړې.
د البانیا، اندورا، استرالیا، بلجیم، بوسنیي او هرزګوین، کاناډا، استوني، المان، ایسلنډ، کوزوو، مالاوي، مغولستان، نیوزلنډ، سویډن، تونګا او بریټانیا د بهرنیو چارو وزیرانې نن په افغانستان کې له شپږم ټولګي پورته د ښځینه زدهکوونکو د تړلو په غبرګون کې یوه ګډه اعلامیه خپره کړه.
د نجونو د ښوونځیو د تړل پاتېدو په اړه د نړیوالو غبرګونونو په دوام، د ملګرو ملتونو د امنیت شورا د اسلامي امارت د دې پرېکړې په اړه غونډه جوړوي. په ملګرو ملتونو کې د ناروې دایمي استازولي نن سهار په ټویټر کې لیکلي چې د ملګرو ملتونو امنیت شورا به په افغانستان کې له شپږم ټولګي پورته د ښځینه زدهکوونکو د ښوونځیو د تړل پاتېدو په اړه بحث وکړي.
امریکا او لویدیځو متحدینو یې د نجونو لپاره د منځني او عالي ښوونځیو د نه پرانیستلو په اړه د اسلامي امارت پریکړه غندلې ده. د امريکا، کاناډا، فرانسې، ايټاليا، ناروې، بريټانيا او اروپايي ټولنې د بهرنيو چارو وزيرانو په ګډه اعلاميه کې ويلي د اسلامي امارت دغه اقدام د افغانستان خلکو او نړیوالې ټولنې سره د دوی د کړیو ضمانتونو خلاف ګام وو. دوی خبرداری ورکړی چې اسلامِ امارت دي خپله پرېکړه دې ژر تر ژره بدله کړي.
د غزني ولایت په اندړو ولسوالي کې د نازو انا د نجونو د لېسې د ودانۍ چارې بشپړې او پرون د افغانستان لپاره د ناروې د عمومي کمېټې او سیمهییزو چارواکو له خوا پرانیستل شو. د پرانیستې په مراسمو کې د غزني سیمهییز مسوولین او د افغانستان لپاره د ناروې کمیټې چارواکو ګډون کړی و.
د قطر د بهرنیو چارو وزارت د نجونو ښوونځيو د تړل پاتېکېدو په غبرګون کې یوه خبرپاڼه خپره کړې ده. په خبرپاڼه کې دغه هېواد د اسلامي امارت له لوري د نجونو ښوونځیو د پرانستلو نېټې ځنډولو په اړه خپله خواشیني او ناهیلي څرګنده کړې ده.
له شپږم ټولګي پورته د نجونو زدهکوونکو د ښوونځیو تړل پاتې کېدو پرېکړې ته د غبرګونونو پر دوام، د امریکا د بهرنیو چارو وزیر انټوني بلنکېن د یوې خبرپاڼې په خپرولو سره ویلي، که چېرته دغه پرېکړه ژر تر ژر لغوه نهشي، له نړۍ سره به د اسلامي امارت اړیکې زیان وویني. نوموړي ټينګار کړی چې د افغان نجونو او د دوی له کورنیو سره څنګ په څنګ ولاړ دی.
د نجونو لپاره د متوسطه ښوونځیو او لېسو د تړل پاتېدو په اړه د اسلامي امارت د پرېکړې په اړه د منفي غبرګونونو په دوام، د افغانستان لپاره د امريکا ځانګړي استازي توماس وېسټ دغه پرېکړه له افغانانو او نړيوالې ټولنې سره خيانت بللى دى او ویلي چې دا افغانستان او نړېوالې ټولنې سره د شوي ژمنې خلاف وو.
په هېواد کې د نجونو او هلکانو د ښوونځیو بیاپرانستلو لپاره له میاشتو انتظار وروسته نن د پوهنې وزارت اعلان وکړ چې له شپږم ټولګي پورته د نجونو ښوونځیو دروازې به تر بلې خبرتیا پورې تړلې وي.