طلوعنیوز خصوصي ټلوېزیون ویلي چې اسلامي امارت په یوه تازه حکم کې د موبيګروپ له ټولو تصویري شبکو غوښتنه کړې چې له دې وروسته، د یادې شبکې ټولې ښځینه ویاندویانې د ټلوېزیوني خپرونو د مخته وړلو پرمهال باید خپل مخونه پټ کړي. د اسلامي امارت تازه امر پر ټولنیزو رسنیو له پراخو غبرګونونو سره مخ شوی دی.
د کورنیو چارو وزارت سرپرست سراجالدین حقاني له «سيانان» خبري شبکې سره په یوې تازه مرکه کې ویلي، اسلامي امارت د نجونو د زدهکړو مخالف نه دی او پر داسې یوې تګلارې کار کوي چې له مخې یې، د نجونې خوندیتوب تامین او ښوونځي یې بېرته پرانستل کېږي.
د امر بالمعروف او نهې عنالمنکر وزارت په کابل کې د یوناما له کارکوونکو څخه غوښتي چې حجاب مراعت کړي. د بشري حقونو څار سازمان د ښځو د برخې استازې هیدر بار پر خپله ټویټرپاڼه، د دغه سازمان یوه خبرپاڼه خپره کړې چې پهکې د یاد سازمان کارکوونکو ته د اسلامي امارت امر په اړه لیکل شوي دي.
دغه ١٦ کلنه نجلۍ چې اوس هلک شوی، سلاموطندار ته وايي، کله چې نجلۍ وه، نوم یې شهناز و او د نجونو په ښوونځي کې یې تر دولسم ټولګي پورې زدهکړې کړې دي.
نن یکشنبه د غويي میاشتې ۲۵مه د قابلې له نړیوالې ورځې سره برابره ده. د عامې روغتیا وزارت د دغې ورځې په مناسبت کابل کې یوه خبري ناسته جوړه کړې وه.
د بامیان ولایت محلي مسوولان وايي، پرون د شکیلا په نوم یوې پېغلې د دغه ولایت د ورس ولسوالي د «خاک بابه» په کلي کې د خپل کور په اشپزخانه کې ځان ځندۍ کړی دی. په ورته مهال د دایکندي محلي رسنیو راپور ورکړی چې دوه ورځې وړاندې د دغه ولایت د سنګتخت او بندر ولسوالي د «دهن غارک» کلي کې یوه ۲۰کلنه نجلۍ وژل شوې ده.
د نړۍ د اوو سترو اقتصادي هېوادونو د بهرنیو چارو وزیرانو د یوې اعلامیې په خپرولو سره د افغان ښځو او نجونو پر حقونو او ازادیو باندې د اسلامي امارت له زیاتیدونکي محدودیت سره په کلکه مخالفت کړی دی.
د ملګرو ملتونو امنیت شورا پرون شپه د افغانستان د بشري وضعیت او په تېره بیا د افغان ښځو پر وړاندې د اسلامي امارت د محدودیتونو د زیاتېدو په هکله غونډه جوړه کړه. په دې غونډه کې د بشري حقونو وضعیت، د افغان ښځو او نجونو د ازادۍ او پر هغوی د نوي سرپرست حکومت لهخوا د تازه لګول شویو محدودیتونو په اړه بحثونه شوي دي.
افغانستان لپاره د ملګرو ملتونو د سرمنشي ځانګړې استازې ډیبورا لاینز د اسلامي امارت له یوشمېر چارواکو سره په خپله کتنه کې په افغانستان کې د ښځو او نجونو د اساسي حقونو د تضمین غوښتنه کړې.
د پکتیا ولایت په ډنډه پټان ولسوالي کې د یوې سترې ولسي غونډې پرمهال قومي مشرانو او علماوو د نجونو ولور څلور سوه زره افغانۍ وټاکه.
د میدان وردګو ولایت د عامې روغتیا مسوولان وایي چې د تېرو کلونو په پرتله، د دغه ولایت په مرکز او ولسوالیو کې د زېږون پرمهال د مور او ماشوم د مړینې کچه راټېټه شوې ده.
په افغانستان کې د یونسیف یا ماشومانو د ملاتړې ادارې رییس محمد ایویا پکتیا ولایت ته د سفر پرمهال خبریالانو ته ویلي چې یونېسف له نړیوالې ټولنې سره په ګډه هڅه کوي چې په افغانستان کې له شپږم ټولګي پورته د نجونو تړلي ښوونځي بېرته پرانیزي.
ټاکل شوې د ملګرو ملتونو امنیت شورا سبا پنجشنبه د افغانستان په اړه غونډه جوړه کړي. په ملګروملتونو کې د ناروې دایمي استازي پر خپله ټویټرپاڼه لیکلي، دغه غونډه په افغانستان کې پر بشري حقونو او د ښځو او نجونو پر ازادۍ د بندیزونو د زیاتوالي په اړه جوړېږي.
باختر خبري اژانس په ټویټر کې د امربالمعروف او نهې عنالمنکر وزارت د سرپرست محمد خالد حنفي له قوله لیکلي، د نړۍ هېوادونه «زمونږ د خوېندو» د حجاب په اړه د پرېکړې واک نه لري.
«د افغانستان د مقندره ښځو اصلي غورځنګ» نن د حجاب د جبري کېدو په غبرګون کې لاريون وکړ. لاریونوالو د شعارونو په ورکولو سره د اسلامي امارت وروستي فرمان پر وړاندې خپل مخالفت څرګند کړ.
د امریکا د بهرنیو چارو وزارت ویاند نېډ پرایس، پرون یوې خبري غونډې ته ویلي، که اسلامي امارت د ښځو او نجونو د حجاب په اړه په خپله وروستۍ پرېکړه بیاکتنه ونه کړي، د دوی له لوري به له سختو فشارونو سره مخ شي.
