ټاکل شوې وه نن د افغانستان د رسنیو او د خبریالانو بنسټونو فدراسیون لهخوا په هېواد کې د خبریالانو او د رسنیو وضعیت په اړه یوه غونډه جوړه کړي، خو د یاد فدراسیون غړي وايي چې د ناستې د جوړېدو اجازه نه ده ورکړل شوې او د اسلامي امارت مسوولانو دغه غونډه لغوه کړه.
د اسلامي امارت د بهرنیو چارو وزارت چارسمبالي ناروې ته د خپل سفر په ترڅ کې د دغه هېواد د یوشمېر خیریه موسسو له مسوولانو سره لیدلي دي.
په افغانستان کې د ملګرو ملتونو سیاسي استازولۍ یا یوناما ویلي، ټاکل شوې چې د دغه سازمان امنیت شورا نن د افغانستان وضعیت څېړنې په موخه غونډه جوړه کړي.
یوناما ویلي چې تمه ده دغه ناسته نن د افغانستان په وخت ۷:۳۰ دقیقې پیل شي او مشري به یې د ناروې لومړی وزیر یوناس سټوره پر غاړه ولري.
باختر خبري اژانس د کندوز د مرکزي روغتون د رييس محمدنعيم منګل له قوله لیکلي چې ډاکټر هوشنګ روستاقي پرون شپه د اسلامي امارت د امنیتي ځواکونو لهخوا ژغورل شوی دی.
د بښنې نړیوال سازمان په کابل کې د دوو معترضو ښځینه فعالانو تمنا زریاب پریاني او پروانه ابراهیمخیل د ناڅرګند برخلیک په اړه چې ویل کېږي د اسلامي امارت لهخوا نیول شوي، اندېښنه ښودلې او له اسلامي امارت څخه یې غوښتي چې د دغه مېرمنو د نیولو په صورت کې هغوی دې د کوم شرط پرته ژر تر ژره خوشي کړي.
د اسلامي امارت د بهرنیو چارو وزارت ویاند عبدالقهار بلخي ویلي چې د بهرنیو چارو وزارت سرپرست امیرخان متقي د فرانسې د بهرنیو چارو وزارت د اسیا- پاسفیک څانګې له رییس برټر انډ لوتهوري او د سوېلي اسیا څانګې له رییس ډیمین سره د ناروې هېواد په اوسلو کې لیدلي دي.
د روانې اوونۍ د یکشنبې پر ورځ د ناروې په پلازمېنه اوسلو کې د افغانستان په تړاو درې ورځنۍ غونډه جوړه شوې وه چې د اسلامي امارت پلاوي هم پهکې ګډون کړی دی.
په یاده ناسته کې له افغانستان سره پر بشري مرستو، ښوونې او روزنې، بشري حقونو، روغتیا او د امریکا له لوري د افغانستان څه باندې ۹ میلیارده ډالرو په ارزښت د ګنګل شویو شتمنیو پر ازادېدو خبرې اترې شوي دي.
د بادغیس ولایت یوشمېر اوسېدونکي وايي چې د دغه ولایت د کلیوالو سیمو اوسېدونکي له کلونو راهیسې د بېوزلۍ له امله ونې په ځانګړې توګه د ارچې ونې پرېکوي او په ژمي کې د سوند موادو په توګه ورڅخه ګټه اخلي.
د امریکا او قطر د بهرنیو چارو وزیرانو له افغانستان څخه د امریکايي وګړو او د افغان همکارانو د اېستلو بهیر د بیا پیل په اړه خبرې کړي دي.
د امریکا د بهرنیو چارو وزارت ویلي، د انتوني بلنکېن او د قطر د لومړي وزیر مرستیال او د بهرنیو چارو وزیر محمد بن عبدالرحمان الثاني دغه خبرې پرون په خپله لیدنه کې کړې دي.
د ناروې په اوسلو غونډه کې د افغان ښځو په استازیتوب یوې افغان مېرمنې هدا خموش وینا وکړه او افغانستان کې یې د ښځو پر کار، زدهکړو او سیاسي ګډون ټينګار وکړ. فاطمي زیاتوي، د افغان معترضو مېرمنو د استازې وینا باید له شرط پرته د کار او زدهکړو حقونو ورکړه او په سیاسي برخه کې د ښځو پر ګډون راڅرخېدای.
بښنې نړیوال سازمان ویلي چې افغانستان کې نجونې له څو میاشتو راهیسې ښوونځي ته د تلو اجازه نه لري او د زدهکړو له بنسټیز حق څخه محرومې شوې دي. د بښنې نړیوال سازمان ټينګار کړی، سربېره پر دې چې په ملي او نړیواله کچه فشارونه راوړل کېږي، خو تراوسه د اسلامي امارت له لوري نجونو ته د زدهکړو اجازه نه ده ورکړل شوې.
رویټرز خبري اژانس رپوټ ورکړی چې د اسلامي دولت نومي ډلې یا داعش هرات کې د تېرې شنبې ورځې د مرګوني چاودنې مسوولیت پر غاړه اخیستی دی.
د ناروې په پلازمېنه اسلو کې د بهرنیو چارو سرپرست وزیر امیرخان متقي په مشرۍ د اسلامي امارت پلاوي، افغان سیاستوالو، مدني فعالانو او د امریکا او اروپا استازو ترمنځ ناسته ترسره شوه. د اسلامي امارت ویاند ذبیحالله مجاهد په خپل ټویټر پاڼه کې لیکلي چې د دې غونډې ګډونوالو د هېواد د اوسني وضعیت په اړه بحث او خبرې کړي.
تخار کې یوې امنیتي سرچینې چې نه یې غوښتل نوم یې واخیستل شي سلاموطندار ته وویل، د اسلامي امارت یو تن سرتېری ګلبدین چې په صداقت مشهور و، د دغه ولایت د مرکز تالقانو ښار په زرګري سیمه کې د ناپېژانده وسلهوالو له خوا په ډزو وژل شوی دی.
د هرات جبریل ښارګوټي کې په خاتمالانبیا جامع جومات کې د تېر ماښام د چاودنې د قربانیانو د جنازې مراسم ترسره شول. د دې پېښې د قربانیانو یوشمېر کورنۍ وايي، نور یې هېواد کې د امنیت ټينګښت هیلې له لاسه ورکړي او هره ورځ د خونړیو پېښو او د خپلو خپلوانو له لاسه ورکولو شاهدان دي.
هندي رسنیو رپوټ ورکړی چې دغه هېواد له پاکستان سره هوکړې ته رسېدلی چې د پاکستان له لارې افغانستان ته د هند مرسته شوي غنم ولېږدوي. په رپوټ کې راغلي چې تمه ده د زرګونو باروړنکو موټرو دغه جوپه د روان میلادي کال د فبرورۍ په لومړیو کې افغانستان ته ولېږدول شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
