ملګري ملتونه: افغانستان کې د تریاکو تولید ۹۵سلنه کم شوی

ملګري ملتونه وايي چې افغانستان کې د ا.ا له لوري د نشه‌يي توکو پر کښت د بندیز له امله دغه هېواد کې د تریاکو تولید ۹۵سلنه کم شوی دی.

ملګروملتونو دغه څرګندونې نن یکشنبه د لړم ۱۴مه په یوه راپور کې کړې دي. په خپور شوي راپور کې ویل شوي چې په ۲۰۲۲ کال کې د تریاکو تولید ۶۲۰۰ ټُنه ته رسېده چې روان ۲۰۲۳ کال کې دغه شمېر ۳۳۳ ټُنو ته راښکته شوی دی.

د ملګرو ملتونو ۷۸یمه کلیزه؛ ګوټرېش: نړۍ دې سره یو موټی شي

د ملګرو ملتونو سرمنشي انټونیو ګوټرېش د فلسطین او اسراییلو او همدارنګه د اوکراین او روسیې ترمنځ د سختو جګړو له دوام‌ سره هم‌مهاله د دغه سازمان د جوړېدو ۷۸یمې کلیزې په مناسبت پر خپلې اېکس‌پاڼې لیکلي چې د نړۍ هېوادونه دې سره یو موټی شي.

د فلسطین او اسراییلو د جګړې دوام؛ مصر د حل‌لارې لټولو لپاره د یوې غونډې کوربه‌‌توب وکړ

د فلسطین او اسراییلو ترمنځ روانې جګړې د پنځلسو ورځو په پوره کېدو سره مصر (د تلې په ۲۹مه، د شنبې ورځ) «د قاهرې د سولې غونډې» په نوم د یوې نړیوالې غونډې چې ۳۱ هېوادونو او درېوو نړیوالو سازمانونو په‌کې برخه اخیستې وه، کوربه و.

ایران او پاکستان کې افغان خبریالان: وېرېږو چې بېرته مو افغانستان ته ونه لېږي

په ایران او پاکستان کې یوشمېر مېشت افغان خبریالان وايي، په دغو هېوادونو کې خپلو شته اقتصادي ستونزو، بهرنیو هېوادونو ته یې د کېسونو نه پراسېس او د پولیسو له لوري د دوی نیول کېدو ته په اشارې وايي، وېرېږي چې بېرته یې افغانستان ته ونه لېږي.

د بغلان مرکز پلخمري ښار کې چاودنه شوې

بغلان کې ولسي سرچینې وايي چې د دغه ولایت مرکز پلخمري ښار اړوند سیمه کې په یوه جومات کې دننه درنه چاودنه شوې ده.

ویل کېږي چې چاودنه نن جمعه «تلې ۲۱» هغه مهال شوې چې یاد جومات کې خلک د جمعې پر لمانځه بوخت وو.

ستانکزی: ایران او پاکستان پر ا.ا د سیاسي فشار راوستلو په لټه کې دي

د بهرنیو چارو وزارت سیاسي مرستیال شیرمحمد عباس ستانکزی وايي چې ایران او پاکستان پر اسلامي امارت د سیاسي فشار راوستلو لپاره له دغو هېوادونو د افغان کډوال د ایستلو لړۍ پیل کړې ده.

نوموړي دغه څرګندونې نن چهارشنبه د تلې ۱۹مه بلخ کې د قوش‌تېپې کانال د لومړي فاز د پرانېستلو پر مهال کړې دي.

اسلام‌اباد کې د افغانستان سفارت: پاکستاني پولیسو پر افغان کډوالو ژوند تریخ کړی

په اسلام‌اباد کې د افغانستان سفارت په دغه هېواد کې له افغان کډوالو سره د پاکستاني پولیسو د چلن په اړه اندېښنه ښودلې ده.
دغه سفارت د تلې په دیارلسمه، د پنجشنبې په ورځ پر خپلې اېکس‌پاڼې لیکلي چې د سفارت د کډوالۍ او کونسلۍ چارو یوه ګډ پلاوي د اسلام‌اباد د پولیسو له عمومي قوماندان اکبر نصیرخان سره کتلي دي.

په سپین‌بولدک‌-‌چمن کې نښته؛ د کندهار د والي ویاند: پاکستانیانو پیل کړه

د کندهار د والي ویاند محمود اعزام له سلام‌وطندار سره په خبرو کې ویلي چې د سپین‌بولدک‌ـ‌چمن دروازه کې د تېرې ورځې نښته لومړی د پاکستانیو ځواکونو له لوري پیل شوې ده.
هغه که څه هم په دې نښته کې د اوښتې مرګ‌ژوبلې په اړه کره شمېرې نه ښيي، خو زیاتوي چې دواړو خواوو ته یوشمېر ملکیانو ته مرګ‌ژوبله اوښتې ده.

عباس ستانکزی: پاکستاني سیاستوال دې د خپلې ژبې عفت مراعت کړي

د بهرنیو چارو وزارت سیاسي مرستیال شېرمحمد عباس ستانکزی وايي چې د پاکستان سیاسیون دې د افغانستان په اړه د وینا پر مهال د خپلې ژبې عفت مراعت کړي.

عباس ستانکزي دغه څرګندونې نن پنج‌شنبه کابل کې د پولیسو اکاډمۍ څخه د یو‌شمېر محصلانو د فراغت په اړه جوړې شوې غونډه کې کړې دي.

عبدالسلام حنفي: خلک دې پر اوسني وضعیت شکر وباسي

د ریاست‌الوزرا اداري مرستیال عبدالسلام حنفي وايي چې افغانان دې هېواد کې پر روان وضعیت شکر وباسي.

نوموړي نن پنج‌شنبه د تلې ۱۳مه کابل کې د پولیسو اکاډمۍ څخه د محصلانو د څوارلسمې دورې په فراغت‌غونډه کې د وینا پر مهال وویل چې هېواد کې امنیت ټينګ دی او خلک دې شکر وباسي.

یعقوب مجاهد: نړیوال دې د افغان کډوالو پر وړاندې د پاکستان د ظلم مخه ونیسي

د دفاع وزارت سرپرست محمدیعقوب مجاهد وايي چې نړیوال دې پاکستان کې د افغان کډوالو پر وړاندې د روان ظلم مخه ونیسي.

نوموړي دغه څرګندونې نن پنج‌شنبه د تلې ۱۳مه کابل کې د پولیسو اکاډمۍ څخه د څوارلسمې دورې په فراغت‌غونډه کې وکړې.

محمدنبي عمري جهادي مشرانو ته: په څه مذاکرات درسره وکړو؟

د کورنيو چارو وزارت لومړی مرستیال وايي په بهر کې جهادي مشران او سياسيون دې له اختلافاتو لاس واخلي.

د کورنيو چارو وزارت لومړی مرستیال محمدنبي عمري وايي چې له هېواد بهر د جهادي مشرانو له لوري له ا.ا د مذاکرې غوښتنه حیرانونکې ده.

پاکستان ته د متقي وړاندیز: دوه اړخیز اختلافات دې له ډيپلوماټیکو لارو حل شي

د بهرنیو چارو وزارت سرپرست امیرخان متقي له پاکستان غوښتنه کړې چې له افغانستان سره دې اختلافات د ډيپلوماټیکو خبرو له لارې حل کړي.

امیرخان متقي دغه څرګندونې د مسکوفارمټ ناستې څنډه کې د پاکستان او چین استازیو سره د لیدنې پر مهال کړې دي.