په افغانستان کې د ملګرو ملتونو ځانګړې استازولۍ یا یوناما نن پر خپلې فېسبوکپاڼې لیکلي چې ټاکل شوې د ملګرو ملتونو امنیت شورا نن د افغانستان په اړه د تړلیو دروازو شا ته له سلا مشورو وروسته یوه غونډه جوړه کړي.
د افغانستان لپاره د امریکا ځانګړې پلټونکې ادارې یا سیګار په یوه راپور کې ویلي چې ا.ا له سختو امنیتي ګواښونو سره مخ دی.
سیګار په دې راپور کې د مقاومت جبهه، داعش او القاعدې په څېر وسلهوالې ډلې د ا.ا لپاره یو ګواښ بللی او ټينګار یې کړی چې دې چارې د سیمې هېوادونه له خطر سره مخ کړي دي.
د کورنیو چارو وزارت د پاکستان له حکومت او د کډوالو نړیوال سازمان څخه غوښتنه کړې چې دغه هېواد ته د پاکستاني کډوالو د بېرته ستنېدو زمینه برابره کړي.
د کورنیو چارو وزارت ویاند عبدالمتین قانع دغه څرګندونې نن (دوشنبه، غبرګولي ۲۹) کابل کې د یوې خبري ناستې پر مهال کړې دي.
په هېواد کې د یوشمېر خصوصي بانکونو پېرودونکي وايي چې له خپلو بانکي حسابونو په اوونۍ کې یوازې یو یا دوه ځله تر ۱۰۰ ډالرو پورې رااېستلی شي او اړوند بانکونه له دې زیاتې پیسې نه ورکوي. د میوند خصوصي بانک یوه پېرودونکي ممتاز سلاموطندار ته وویل چې اوونۍ کې یو یا دوه ځله له خپل بانکي حساب څخه تر ۱۰۰ ډالره رااېستلی شي.
د سلاموطندار د موندنو پر بنسټ هېواد کې د مخکیني حکومت پر مهال د ښځو لپاره د رامنځته شویو ۲۷ امن کورونو له ډلې یې اوس یوازې یو فعال دی او پاتې نور یې تړل شوي دي.
سلاموطندار دغه موندنې د مخکیني حکومت پر مهال د امن کورونو یا د ښځو ملاتړو مرکزونو د مخکینیو مسولانو سره د مرکو له لارې ترلاسه کړي دي.
د میدانوردګ د مرکز او یوشمېر ولسوالیو اوسېدونکو سلاموطندار ته وايي، له تېرو جګړو څخه پاتې خښ شوي ماینونه او ناچاوده توکي هره ورځ د دغه ولایت له اوسېدونکو په ځانګړې توګه له ماشومانو قرباني اخلي.
د پاکستان د بهرنیو چارو وزیر بلاول بوټو زرداري له الجزیرې ټلوېزیون سره مرکه کې ویلي چې په افغانستان کې د ا.ا د بیاواکمنېدو راهیسې پاکستان کې ترهګریز بریدونه زیات شوي دي.
که څه هم زرداري دغه هېواد کې د ترهګریزو بریدونو له ډېروالي اندېښنه څرګنده کړې، خو پر نړۍ یې غږ کړی چې سرپرست حکومت سره تعامل وکړي.
تېره اوونۍ د پاکستان بهرنیو چارو کې د دولت وزیرې حنا رباني کهر جیونیوز ټلوېزیوني شبکې سره خبرو کې ویلي چې ا.ا ډاډ ورکړی چې د پاکستاني طا لبانو تحریک یا ټيټيپي غړي افغانستان کې ډیورنډ کرښې څخه نورو سیمو ته لېږدوي.
د بریټانیې حکومت د افغانستان لپاره د دغه هېواد سفارت ته نوی شارژدافیر ټاکلی دی.
رابرټ چټېرټون ډېکسن چې له دې وړاندې یې کابل کې د بریټانیا سفارت کې د شارژدافیر او مرستیال سفیر په توګه هم دنده کړې، د افغانستان لپاره د نوي شارژدافیر په توګه ټاکل شوی دی.
په کندوز او بادغېس کې محلي سرچینو او مسوولانو سلاموطندار ته ویلي چې په دغو ولایتونو کې دوو ښځو ځانونه را ځړولي او ژوند ته یې د پای ټکی ايښی دی.
په کندوز کې محلي سرچینې وايي چې یوې ځوانې ښځې د پنجشنبې په شپه د کندوز ښار د درېیمې امنیتي حوزې اړوند په حمیدبای سیمه کې ځان را ځړولی او وژلی دی.
د کورنیو چارو وزارت وايي چې بدخشان کې د وژل شوي مرستیال والي نثاراحمد احمدي د فاتحې مراسمو کې د چاودنې له امله ۱۱کسان وژل شوي او څه باندې ۳۰ نور ټپیان دي.
دغه وزارت نن پنجشنبه د غبرګولي اتلسمه پر خپله ټوېټرپاڼه یاده چاودنه غندلې او هغه یې د اسلام د دښمنانو کار بللی دی.
د بښنې نړیوال سازمان ا.ا د تېرو نږدې دوو کلونو پر مهال پنجشېر کې پر جنګي جرمونو تورن کړی دی.
د بښنې نړیوال سازمان په یوه تازه خپور کړي راپور کې ادعا کړې چې پنجشېر کې د ا.ا ځواکونو د کړنو ۲۹ مورده چې په وینا یې، د جنګي جنایتونو څرګندونه کوي، مستند کړي دي.
بدخشان کې یوې محلي سرچینې سلاموطندار ته ویلي چې د دغه ولایت د ولایت مقام سرپرست او مرستیال والي نثاراحمد احمدي د فاتحې مراسمو کې چاودنه شوې ده.
د سرچینې په وینا، چاودنه نن پنجشنبه د غبرګولي ۱۸مه د بدخشان مرکز فیضاباد ښار د لومړۍ حصې سیمې په «نبوي» نومې جومات کې رامنځته شوې ده.
د سلاموطندار له لوري د ټولو شویو معلوماتو پر بنسټ، افغانستان کې د ۴۹۲ پراختیايي پروژو چارې چې ټولییز ارزښت یې څه باندې ۱۷۶ میلیارډ افغانیو ته رسېږي، په ټپه درېدلې دي. د سلاموطندار د راټولو شویو معلوماتو له مخې، دغو پروژو ته له ځانګړې شویو پیسو څخه یوازې ۵۷ میلیارډ افغانۍ چې ۳۲سلنه کېږي، مصرف شوي دي.
پاکستاني پولیسو له درېوو څو ورځو راهیسې د اسلاماباد او پنډۍ په بېلابېلو برخو کې د افغان کډوالو د نیولو لړۍ پیل کړې ده. پولیسو په دغه کار سره د افغان کډوالو ارام اخیستی او خوبونه یې پرې تښتولي دي.
دوی د پولیسو موټرو له کولې نه د وېرې له کبله خپل کورونه پرېږدي او شپه پر سړکونو او پارکونو کې تېروي، خو ځینې یې بیا د پولیسو لاس ته ورځي.
په بدخشان کې ځايي سرچینې د دغه ولایت د مرکز فیضاباد ښار «د محکمې څلورلارې» سره د یوې درنې چاودنې خبر ورکوي. دا چاودنه نن (د غبرګولي شپاړلسمه، د سهشنبې ورځ) سهار شاوخوا ۸:۱۵ دقیقې شوې ده.
د سرچینو په وینا، دا چاودنه د بدخشان ولایت د سرپرست والي نثاراحمد احمدي پر موټر شوې او موټر یې په بشپړ ډول له منځه تللی دی.
