نن په کابل کې د ریاستالوزرا د لومړي مرستیال ملا عبدالغني برادر په ګډون د یوشمېر حکومتي چارواکو له لوري د ۲۵۰ میلیونه ډالرو په ارزښت د افغان انوېسټ «افغان پانګونې» په نوم د یوه ستر شرکت د جوړېدو پرانسته وشوه. په ورته مهال د سوداګرۍوزیر له افغان پانګوالو غوښتنه وکړه چې هېواد کې دننه پانګونه وکړي.
د کندهار هوايي ډګر ۳۵ کارکوونکو د خپلو معاشونو د نه ورکړې له امله له دندو استعفاوې کړې دي. دغو کارکوونکو له تېرو اتو میاشتو راهیسې معاشونه نه دي ترلاسه کړي.
د هند د بهرنیو چارو وزارت ویلي چې افغانستان کې څه باندې ۱۰۰ هندوانو او سیکانو ته بېړنۍ برښنايي ویزې ورکوي.
د بهرنیو چارو وزارت سیاسي مرستیال شېرمحمد عباس ستانکزي نن په کابل کې د یوې غونډې پرمهال له ګاونډیو هېوادونو په ځانګړې توګه پاکستان او ایران څخه غوښتنه وکړه چې د افغان کډوالو پرمخ سرحدونه خلاص کړي. نوموړي پر پاکستان او ایران غږ وکړ چې د افغان کډوالو له ځورونې لاس واخلي.
نن سهار شاوخوا ۶:۳۰ ناپېژاندو وسلهوالو د کابل ښار په کارته پروان سیمه کې د اهل هنودو پر عبادت ځای برید وکړ. له دې برید وروسته، د کورنیو چارو وزارت ویاند عبدالنافع ټکور په یوه خبرپانه کې وویل چې وسلهوالو عبادت ځای ته له ننوتو مخکې پرساتونکو لاسي بم غورځولی چې په ترڅ کې یې اور لګېدلی او دوه ساتونکي ټپیان شوي دي.
د کډوالو په چارو کې د ملګرو ملتونو عالي کمشنرۍ ویلي، دغه بنسټ توانېدلی چې په ۲۰۲۲ کال کې افغان کډوالو، بېځایه شویو او بېرته راستنېدونکو ته د خدماتو وړاندې کولو لپاره ۳۴۰ میلیونه ډالر راټول کړي.
د روزګان ولایت یوشمېر ځوانان شکایت کوي او وایي چې په تېرو شلو کلونو کې په دغه ولایت کې هيڅ دولتي او خصوصي پوهنتون نه دیجوړ شوی.
مارکوس پوتزل افغانستان لپاره د ملګرو ملتونو د سرمنشي ځانګړي استازي مرستیال په توګه وټاکل شو. ملګروملتونو پرون د یوې اعلامیې په خپرولو سره د سرمنشي د نوي ځانګړي استازي مرستیال په توګه د هغه د ټاکلو خبرورکړ.
د باختر خبري اژانس د خبر له مخې، د اهل هنودو پر عبادت ځای د وسلهوالو بریدګرو او د اسلامي امارت د ځواکونو ترمنځ نښته پای ته ورسېد.
کورنیو چارو وزارت د اهل هنودو پر عبادت ځای چاودنه تایید کړه. دغه وزارت ویلي چې نن سهار شاوخوا ۶:۳۰ ناپېژاندو وسلهوالو د کابلښار په کارته پروان سیمه کې د اهل هنودو پر عبادت ځای برید کړی.
د ملګرو ملتونو ځانګړي رپورټر ریچارډ بنټ افغانستان کې د بشريحقونو وضعیت په اړه اندېښنه څرګنده کړې ده.
د سره صلیب او سرې میاشتې ټولنو نړیوال فدراسیون وايي، ۷۰ سلنه افغان کورنۍ نهشي کولای خواړه او خپلې نورې لومړنۍ اړتیاووې برابرې کړي.
دغه فدراسیون نن جمعه په یوې خبرپاڼه کې ویلي، د وچکالۍ په دوام سره افغانستان کې بېوزلي او لوږه زیاته شوې او اړتیا ده چې د مهارولو لپاره یې نړیوال خپل ملاتړ پراخ کړي.
د جمهوري نظام له پرځېدو وروسته د لومړي ځل لپاره پرون د غبرګولي په ۲۶مه د بامیانو او دایکندي ولایتونو د مدني ټولنې شاوخوا ۱۲۰ فعالانو د «مرکزي زون د مدني ټولنو مشورتي ناستې» تر عنوان لاندې غونډه وکړه. دغه ناسته د «افغانستان د خلکو غږ» بنسټ له لوري د یوې ورځې لپاره د بامیانو ښار کې جوړه شوې وه.
د پاسپورټ یوشمېر غوښتونکو سلاموطندار ته ویلي چې د پاسپورټ اخیستلو لپاره تحویل کړې پیسې یې د بانک د مسوولانو شخصي جېبونو ته تللې دي.
د اسلامي امارت مخکیني چارواکي او د خلاصون لارې عالي شورا بنسټ رییس سید اکبراغا سلاموطندار ته ویلي چې له شپږم ټولکي پورته د نجونو ښوونځیو بیا پرانیستلو په اړه د جوړې شوې اته کسیزې کمېټې کار بشپړ شوی او د اسلامي امارت مشر ملا هبتالله اخندزاده ته یې خپل وړاندیزونه استولي دي.
په جېنوا کې د افغانستان استازي نصیراحمد اندېشه د ملګرو ملتونو د بشريحقونو شورا ناسته کې ویلي چې تېرو لسو میاشتو کې نړیوالې ټولنې له هرې ممکنه لارې اسلامي امارت سره د تعامل هڅه وکړه، خو داسې ښکاري چې دغه هڅې له بنبست سره مخ او د ژمنو پر ماتولو او ناهیلیو تبدیلې شوې دي.
