د ښځو پر وړاندې تاوتریخوالی تخصصي اصطلاح ده چې ډېری وخت یې لامل سړي بلل کېږي او د ملګروملتونو د تعریف له مخې، هره هغه کړنه چې د جنسیټ پر بنسټ له جسمي، جنسي او رواني اړخه، د ښځې امنیت او سلامت وګواښي، تاوتریخوالی دی؛ خو څنګه چې ښکاري د ښځو پر وړاندې تاوتریخوالی، یوازې د سړیو لهخوا نهدی او بېلابېل اړخونه لري چې د ښځو لهخوا د ښځو پر وړاندې تاوتریخوالی هم یو له دغو ډولونو دی.
پاکستاني ځواکونو د تېرې میاشتې په ۲۳مه نېټه د تورخم دروازه د باروړونکو موټرو پر مخ وتړله ځکه وتړله چې د افغان باروړونکو موټرو چلوونکو پاسپورټونه او د دغه هېواد ویزې نه لرلې. د ا.ا سرپرست حکومت هم ورته پرېکړه وکړه او د پاکستان د باروړونکو موټرو پر چلوونکو يې د پاسپورټ او ویزې شرط کېښود.
د ایران د قضایه قوې د نړیوالو چارو مرستیال کاظم غریبابادي په مشري د دغه هېواد د قضاییه قوې یوه پلاوي د شنبې په ورځ کابل ته سفر کړی او دلته یې د ا.ا له چارواکو سره د دواړو هېوادونو ترمنځ په حقوقي او قضايي همکاریو، د افغان کډوالو او له ایران څخه د افغان بندیانو پر لېږد خبرې اترې کړې دي.
د غزني والي محمدامین جان عمري دغه ولایت کې د رسنیو له مسوولانو سره د همغږۍ په غونډه کې ویلي چې رسنۍ د دروغو او د ا.ا د اصولو خلاف خبرونو له خپرولو ډډه وکړي.
دغه ناسته چې نن «یکشنبه، مرغومې ۳۱مه» د غزني ولایت مقام کې جوړه شوې وه، د یاد ولایت والي او د محلي رسنیو مسوولانو ګډون کړی وو.
د اسراییلو او حماس ترمنځ جګړې سره هممهاله په سور سمندر کې د یمن حوثیانو لهخوا پر سوداګریزو کښتیو توغندیز بریدونو او د دغې ډلې پر وړاندې د امریکا او لوېدیځ پوځي غبرګونونو، په سیمه کې وضعیت نور هم کړکېچن کړی دی.
دې وروستیو کې د افغانستان دوو ګاونډیو هېوادونو پاکستان او ایران هم د یوه بل پر خاوره پوځي عملیات کړي دي.
په کابل کې د ترکیې سفیر جِنک اونال ویلي چې هېواد یې هېچا ته اجازه نه ورکوي چې په ترکیه کې یې د ا.ا پر وړاندې سیاسي او نظامي خوځښتونه وکړي.
نوموړي دا خبرې د پنجشنبې په ورځ د ریاستالوزرا له سیاسي مرستیال محمد عبدالکبیر سره په لیدنه کې کړې دي.
کابل کې د پاسپورټ یوشمېر غوښتونکي د یاد ریاست مخکې ته د بېنظمۍ او د ګڼېګوڼې له امله د شکایت ترڅنګ وايي، ساعتونه خپل نوبت ته په تمه پاتې کېږي.
ایران د تېرو دوو ورځو پرمهال پر پاکستان، عراق او سوریې توغندیز بریدونه کړي چې د یاد هېواد دغه پوځي اقدامات له ګڼو نړیوالو غبرګونونو سره مخ شوي دي.
د غبرګونونو په لړ کې پاکستان د یاد برید د پایلو په اړه خبرداری ورکړی او عراق هم د ملګروملتونو امنیت شورا ته له ایرانه شکایت کړی دی.
د کندهار سپینبولدک ولسوالي کې هغه هټۍ او منډوي تړل شوي چې پر کلدارو یې راکړه ورکړه کوله.
د سپینبولدک د اطلاعاتو او فرهنګ مدیر عليمحمد حقمل سلاموطندار ته وايي، یوازې د هغو کسانو هټۍ تړل کېږي چې وار-وار خبر ورکول شوی، خو بیا هم د افغانیو پر ځای یې پر بهرنیو اسعارو راکړه ورکړه کوي.
که څه هم ۲۰۲۳ کال کې د افغان مېرمنو د ژوند بېلابېلو اړخونو کې له پرمختګ او پر وړاندې یې د ولاړو ستونزو څخه سترګې نهشي پټېدی، خو د روان ۲۰۲۴ کال له پیل سره هممهاله د پرمختګونو پراخېدو او ستونزو هواري ته هیلې ژوندۍ دي. په دې راپور کې هغو څېړنیزو راپورونو ته ځغلنده نظر کوو چې سلاموطندار «سلام افغانستان رسنیزې موسسې» د تېر یوه کال پر مهال د افغان مېرمنو وضعیت او برخلیک په اړه چمتو او خپاره کړي دي.
سلاموطندار د وړکتونونو له څوارلسو ښځینه ښوونکو سره چې دولسو یې په دولتي وړکتونونو کې کار کاوه او په وروستي یوه کال کې له دندو ګوښه شوې دي. د سلاموطندار موندنې ښيي چې د وړکتونونو هغه ښځینه ښوونکې چې په دغه راپور کې ورسره مرکې شوي، اوس له سخت اقتصادي ستونزو سره لاس او ګرېوان دي.
د افغانستان لپاره د برېټانیا شارژدافیر د ریاستالوزرا سیاسي مرستیال مولوي عبدالکبیر او د بهرنیو چارو وزارت سیاسي مرستیال شېرمحمد عباس ستانکزي سره تر لیدنې وروسته ویلي، دغو لیدنو کې یې د افغانستان لپاره د ملګروملتونو د امنیت شورا د وروستي پرېکړهلیک د پليکېدو لپاره پر وروستيو ګامونو خبرې کړي.
د ننګرهار د اطلاعاتو او فرهنګ ریاست د اطلاعاتو امر قریشي بدلون سلاموطندار ته وايي چې د تورخم دروازه له «شنبې شپې» راهیسې د پاکستان لهخوا د ټرانزیټ پر مخ تړل شوې.
نوموړي زیاته کړه چې پاکستان د تورخم دروازه د باروړونکو موټرو د پاسپورټ او ویزې غوښتنې په دلیل تړلې.
د ملګروملتونو پراختیايي پروګرام افغانستان کې د بېوزلۍ پراخېدو په اړه اندېښنه ښودلې او ویلي یې دي چې د مالي تمویلوونکو د مرستو کمښت ترڅنګ دغه هېواد کې د خلکو ورځنی عاید هم کم شوی دی.
د ملګروملتونو پراختیايي پروګرام له لوري په خپره شوې خبرپاڼه کې راغلي چې افغانستان کې ۸۵سلنه خلک د ورځې له یوه ډالر کم عاید لري.
کابل ته د پاکستان جمعیت علمای اسلام ګوند مشر فضلالرحمن سفر سره هممهاله د یاد هېواد د بهرنیو چارو وزارت وايي چې پاکستان د نوموړي له سفر ملاتړ نهکوي.
د یاد وزارت ویاندې ممتاز زهرا بلوڅ پرون پنجشنبه«جنورۍ ۱۱مه» اسلاماباد کې یوې غونډې ته ویلي چې فضلالرحمن په شخصي توګه کابل ته سفر کړی او د پاکستان لنډمهاله حکومت یې ملاتړ نهکوي.
په کابل کې د ایران سفارت یوه خبرپاڼه کې لیکلي چې د افغانستان لپاره د دغه هېواد ځانګړي استازي او سفیر حسن کاظمي قُمي د بهرنیو چارو وزارت له سرپرست امیرخان متقي سره په لیدنه کې یو ځل بیا د افغانستان په اړه د سیمې د تماس ډلې پر جوړېدو خبرې اترې کړې دي. د خبرپاڼې له مخې، امیرخان متقي هم د دې ډلې د جوړېدو هرکلی کړی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
