د کندز ګڼ شمېر اوسېدونکي چې له سخت اقتصادي حالت سره مخ دي سلاموطندار ته وايي، د ملي دسترخوان پروګرام له پیله تر اوسه پورې اړمنو کورنیو ته مرستې نه دي رسېدلي. دغه پروګرام څو میاشتې وړاندې د حکومت له لوري د بېوزلو په ځانګړې ډول د کورونا ویروس خپرېدو پرمهال له زیانمنو شويو کورنیو سره د مرستې په موخه پیل شو.
د ننګرهار ولايت د رسنيو دفتر تاييدوي چې جلالاباد ښار کې د سړک غاړې ماين چاودنې يو کس وواژه او دوه نور يې ټپيان کړل.
د ياد ولايت د رسنيو د دفتر د معلوماتو له مخې دغه چاودنه د ښار اولې ناحيې «باغزنانه» سيمې ته نږې هغه مهال شوې ده چې د امنيتي ځواکونو د عامه ساتنې رنجر موټر د سړک غاړې پر ماين برابر شو.
په تخار ولايت کې يو شمېر ښوونکيو د حکومتي چارواکيو له لوري د معاشونو د نوې طرحې د نه پلي کېدو په غبرګون کې اعتراض وکړ. معترضان وايي چې حکومت بايد له ۹۱ کوډ او بېځايه او سليقوي امتيازاتو نه کم او د ښوونکيو معاشونه دې لوړ کړي.
دغو معترضانو نن د پوهنې وزارت له لوري د نوې طرحې نه پلي کېدو په غبرګون کې لاريون وکړ او په يوه پرېکړه ليک کې يې د يادې طرحې د پلي کېدو غوښتنه يې وکړه.
نږدې دوه اوونۍ وړاندې د نړۍ معتبرو رسنیو په بریټانیا کې د کورونا ویروس د نوي ډول د موندلو خبر ورکړ.
د فرانس۲۴ خبري اژانس د راپور له مخې، د کورونا دویم ډول موندل شوی ویروس له لومړي هغه په چټکۍ سره خپرېږي، خو تر اوسه په دې اړه شواهد نه دي موندل شوي چې د کورونا نوی موندل شوی ډول د دغه ویروس له لومړي هغه نه ډېر وژونکی دی، که نه.
چابهار بندر شاوخوا درې کاله وړاندې د ۱۳۹۶ کال د لیندۍ په ۱۲مه د یو میلیارډ ډارو په پانګونې سره د ایران د ولسمشر له لوري پرانېستل شو. دغه بندر د ایران په سیستان او بلوچستان ولایتونو کې پروت دی، افغانستان، هندوستان او ایران یو له بل سره نښلوي. خو د ۳۶ میاشتو په تېرېدو سره لا هم د سوداګرو لپاره پر یوې ښې لارې نه دی بدل شوی.
د ناټو سرمنشي ینس سټولټنبرګ وايي، د سولې پروسې بريا لپاره هېڅ داسې ضمانت نشته چې ګواکې دا پروسه دې بريالۍ شي. نوموړي دغه څرګندونې له الماني (DPA) رسنۍ سره په ځانګړې مرکه کې کړې دي.
سټولټنبرګ له دې وړاندې هم ويلي و چې افغانستان کې د سولې تامينېدو لپاره يو تاريخي فرصت منځته راغلی دی. نوموړي ويلي و چې دغه فرصت ماتېدونکی دی او بايد له دې پوره ګټه واخيستل شي.
ولسي جرګې نن په خپل عمومي غونډه کې د کابل ښاروال داوود سلطانزوی لویې څارنوالي ته ور وپېژنده او تر دې وروسته یې د هغه لاسلیک هم بېباوره یاد کړ.
د ولسمشر لومړی مرستیال امرالله صالح وايي چې د کابل د امنیتي حوزو له ټولو جنايي امرانو به د جرم د کشف او تحقیق په برخه کې ازموینه واخیستل شي.
هغه نن پر خپلې ټویټرپاڼې لیکلي، د دولت ژورې ارزونې ښيي چې د پولیسو او ان د ملي امنیت په لیکو کې د کشف، بررسۍ او محاکمې په اړه لازم پوهاوی نشته چې په وینا یې، لومړنی راپور د داسې معیارونو پر بنسټ نه جوړېږي چې څارنوالي ته د جدي اجراآتو لاره هواره کړي.
مشرانو جرګې نن سې شنبه د کورنیو چارو وزیر مسعود اندرابي او د ملي امنیت رييس احمدضیا سراج د هېواد د امنيتي وضعيت په ځانګړې توګه د زیاتېدونکيو هدفي وژنو او چسپکي ماین چاودنو په اړه د وضاحت لپاره يادې جرګې ته ورغوښتي وو.
د کورنیو چارو وزیر مسعود اندرابي وايي، په هېواد کې د وروستیو هدفي بریدونو او ماین چاودنو تر شا د طالبانو لاس دی.
په دې وروستیو کې د رسنیو پر کارکوونکيو بریدونو اندېښنې ډېرې کړي چې د هغوی د هدفي وژنو په غبرګون او خوندیتوب په موخه خبریالانو او ګڼو ځوانانو پر ټولنیزه رسنۍ ټوېټر « افغان خبریالان وساتئ» کمپاین پيل کړ.
د دې کمپاین پيلوونکي وايي، د خبریالانو وژنه او ګواښل باید پای ته ورسېږي ځکه چې د خبریالانو هدفي وژنو په هېواد کې د خبریالانو په رسنیزو فعالیتونو منفې اغېزه کړې ده.
د دايکندي ولايت له طبيعي پېښو سره د مبارزې رياست مسوولان وايي، د لومړنيو معلوماتو له مخې د کيتي ولسوالۍ « خارزار» سيمه کې د واورو ښویېدو پېښه کې ۴ ماشومان مړه شوي دي.
د ياد ولايت له طبيعي پېښو سره د مبارزې رييس اسدالله سروري سلاموطندار ته وويل، لومړني معلومات ښيي چې يو شمېر ماشومان مدرسې ته پر لاره وو چې له غره پرې واوره ښويېدلې ده.
د عامې روغتیا وزارت وايي، کورونا په تېرو ۲۴ ساعتونو کې ۱۰ کسان مړه کړي دي. دغه وزارت نن په خپل ورځني راپور کې ویلي، د ۱۹۶۱ شکمنو کسانو نمونې يې کتلي چې له ډلې یې د ۱۸۳ کسانو پایلې مثبتې ختلې دي.
د ياد وزارت په راپور کې راغلي چې په یاده موده کې ۱۹۱ کسان چې پر کورونا اخته وو، بېرته ښه هم شوي دي. د راپور پر بنسټ دغه تازه پېښې په ۲۰ولايتونو کې ثبت شوې دي.
لويه څارنوالي تاييدوي چې عامې روغتيا وزارت کې څلور کارکوونکي د دغه وزارت له نور کارکوونکيو د بډو غوښتو په تور نيول شوي دي او اوس مهال په توقیف کې دي.
د لویې څارنوالۍ ویاند جمشېد رسولي رسنيو ته په لېږل شوي یوه ويډیويي پيغام کې د يادو کسانو په اړه جزيات نه دي ورکړي؛ خو وايي، د دغو کسانو دوسيه تر څېړنې لاندې ده.
پروان کې امنيتي سرچينې سلاموطندار ته وايي چې په دې ولايت کې ناپېژاندو وسلهوالو دوه ډاکټران تښتولي دي. د سرچینې په وينا، دغه ډاکټران د دوشنبې په شپه ۹ بجې د درې مخپټو وسلهوالو له لوري تښتول شوي دي.
د بګرام ولسوال عبدالشکور قدوسي د ياد خبر په تاييد سره وايي، دغه ډاکټران د يادې ولسوالۍ د « سرصياد» سيمې اېمرجنسي کلينيک نه هغه مهال تښتول شوي چې پر دندې بوخت وو.
د افغانستان بانک د کارکوونکو پر موټر له چاودنې چې د یاد بانک د عمومي اړیکو سلاکار یما سیاوش له دوو نورو همکارانو سره پهکې ووژل شو، شاوخوا ۵۰ ورځې تېرېږي، خو تراوسه د چاودېدونکو توکو د ځای پر ځای کېدو او د پېښې څرنګوالي او دا چې په پېښه کې د چا لاس دی، لومړني معلومات د وژل شویو کسانو له کورنیو، خلکو او رسنیو سره نه دي شریک شوي.
د بلخ سیمهييز چارواکي په دې ولایت کې د ۹ کلن عبدالرووف د تښتونې په تړاو د ۱۱ کسانو د نیول کېدو خبر ورکوي.
د بلخ والي فرهاد عظيمي نن په یوه خبري ناسته کې وویل، د ۹ کلن عبدالرووف د خوشې کولو په اړه چې دوه مياشتې وړاندې انسان تښتوونکيو تښتولی، له تېرو څو اوونیو راهيسې بېلابېل عملیات شوي چې پايله کې يې ۱۱ کسان نيول شوي دي.
