د افغانستان د بشري حقونو خپلواک کمېسیون نن په ۲۰۲۰ میلادي کال کې ملکیانو ته د اوښتې مرګژوبلې په اړه خپل راپور خپور کړ.
د دغه راپور له مخې، په ۲۰۲۰ میلادي کال کې ټولټال ۸ زره او ۵۰۰ ملکیانو ته په ټول هېواد کې مرګژوبله اوښتې چې له ډلې یې ۲ زره او ۹۵۸ هغه وژل شوي او پنځه زره او ۵۴۲ نور ټپیان شوي دي.
دوه اوونۍ وړاندې د ولسي جرګې د داخلي امنیت کمیسیون مشر خاناغا رضايي د جرګې عمومي غونډه کې وویل، ولسمشرۍ ماڼۍ او د چارو اداره ۱۸ ډوله غوښه خوري چې یوازې د ولسمشرۍ ماڼۍ د ترکارۍ کلنۍ لګښت ۳۰ میلونه ډالره دی.
تېره ورځ خاناغا رضايي د یادې موضوع په اړه د تدارکاتو اسناد او قرارداد هم خپور کړ چې له زیاتو غبرګونونو سره مخ شو.
د هرات محلي مسوولان وايي، د کندهار ـ هرات لويه لار کې په يوه ټرافيکي پېښه کې ۹ کسان مړه شوي او ۲ نور ټپيان شوي دي.
د هرات د ادرسکن ولسوال عبدالعلي فقیریار سلاموطندار ته وايي، دغه پېښه نن وروسته له غرمې څلور بجې هغه مهال شوې چې کله «۴۰۴» ډوله مسافر وړونکي موټر له يوه سراچه ډوله موټر سره ټکر وکړ.
د ولسي جرګې یو شمېر غړي وايي، حکومت د ۱۴۰۰مالي کال بودیجه یرغمل نیولې او ولسي جرګه له دې کبله چې د بودیجې سند یې رد کړی، د حکومت تر برید لاندې راغلې ده.
د يادې جرګې په نننۍ عمومي غونډه کې د دغې جرګې یو شمېر وکیلانو د ۱۴۰۰مالي کال د بودیجې په تصویب کې ځنډ او د یادې جرګې له لوري د بوديجې سند د ردېدو په تړاو د شخصي لاملونو له کبله د یادې جرګې د تورنېدو ترڅنګ وایي، حکومت د عامه افکارو په تحریفولو سره پر بوديجې ولکه خپله کړې.
د ملي پخلاينې عالي شورا رييس عبدالله عبدالله وايي، قطر کې د حکومت مرکهچي پلاوی به د مقابل لوري پر وړاندې د سولې مذاکراتو کې د مېرمنو حقونو څخه دفاع وکړي او وايي، د سولې خبرو کې د ښځو د حقونو مسله افغان حکومت ته ارزښت لري او هېڅ ډول معامله به پرې ونهشي.
د عامې روغتیا وزارت وايي، کورونا په تېره يوه شپه او ورځ کې په هېواد کې ۸ کسان مړه کړي او ۳۷ نور پرې اخته شوي دي.
دغه وزارت نن په خپل ورځني راپور کې ویلي، دومره موده کې يې د ۱۷۲۹ شکمنو کسانو نمونې کتلي.
د ولسي جرګې غړي وايي، د باختر د سرو زرو خزانه چې د افغانیو پشتوانه ده، له ګواښ سره مخامخ ده.
د ولسي جرګې رییس او یوشمېر غړیو نن د دې جرګې په عمومي غونډه کې د اندېښنې تر څنګ وویل، د باختر د سرو زرو خزانه چې د افغانیو پشتوانه ده، له ګواښ سره مخامخ ده او هېڅ تضمین نشته چې د حامد کرزي هوايي ډګر له لارې دې بهر ته قاچاق نه شي.
د ملي روغې جوړې شورا سلاکار عبدالبصیر سالنګي په سالنګ کې د عام وژنې ۳۲م تلین په مناسبت جوړه شوې غونډه کې ویلي چې د دویم مقاومت پر جوړېدو کار روان دی او که د سولې خبرې ناکامې شي، دغه مقاومت به جوړ شي.
د نوموړي په وینا، د ۵ زره طالب بندیانو له خوشې کولو سره سره دا ډله لا هم پر جګړې ټینګار کوي او په تېرو ۸ میاشتو کې د سولې په برخه کې هېڅ پرمختګ نه دی شوی.
د طالب ډلې یو پلاوی په قطر کې د افغان دولت او طالبانو د مرکچیانو ترمنځ د سولې دویم پړاو خبرو له پيلېدو څه باندې دوه اوونۍ وروسته ایران ته تللی دی.
په دوحه کې د طالبانو د سیاسی دفتر ویاند محمدنعیم ویلي چې یاد پلاوی د ملاعبدالغني برادر په مشري او د ایران په رسمي بلنه یاد هېواد ته تللی دی.
په افغانستان کې د اروپايي اتحادیې استازولۍ اعلان کړی چې دغې اتحادیې د کورونا پر وړاندې مبارزې په برخه کې د افغانانو د ملاتړ په موخه ۳۵ میلیونه یورو مرسته کړې ده.
دغې استازولۍ نن په یوه خبرپاڼه کې لیکلي چې یادې پیسې به د کورونا ویروس د مخنیوي او په افغانستان کې یې د ټولنیزو او اقتصادي اغېزو کموالي په برخه کې ولګول شي.
د عامې روغتیا وزارت وايي چې د روغتیا نړیوال سازمان او د ملګرو ملتونو د ماشومانو صندوق یا یونیسف اداره چې ماشومانو ته د پولیو واکسین د پروګرام مسوولیت لري، په سم ډول یې خپل کار نه دی کړی او دغه وزارت ته یې په راپور ورکونه کې لازمه روڼتیا نشته.
د عامې روغتیا وزارت وايي چې په تېرو ۲۴ ساعتونو کې ۱۰۴ کسان پر کورونا ویروس اخته شوي دي. د دغه وزارت په وینا، په تېره یوه شپه او ورځ کې د کورونا له کبله هېڅوک نه دي مړه شوي.
په لوګر ولایت کې د ۲۰۳ تندر قولاردو د څلورمې پلې لېوا قوماندان محمدیاسین سداد وايي چې افغان کومانډو ځواکونو د دغه ولایت په څرخ ولسوالي کې د طالبانو یو زندان مات کړی او ۲۲ بندیان چې ملکیان او نظامیان پهکې دي، را خوشې کړي دي.
نوموړي سلام وطندار ته وویل، یاد عملیات بېګاه د څرخ ولسوالي په ابجوش سیمه کې د طالبانو پر یوه مهم مرکز شوي دي.
د «جلالاباد خواړه» د هغې مېلې او نندارتون نوم دی چې په لومړي ځل پهکې د ننګرهار مشهور خواړه نندارې ته اېښودل شوي دي.
د خوړو دغه مېله او نندارتون چې بېلابېل کرنیز توکي، لاسي صنایع او نور کورني تولیدات او محصولات پهکې نندارې ته اېښودل شوي، پرون د جلالاباد ښاروالي او کرنې ریاست په همغږۍ جوړ شو چې نه به هم دوام ولري.
په قطر کې د سولې دویم پړاو خبرې اترې څه باندې دوه اوونۍ وړاندې پیل شوې، خو تر اوسه د دواړو لوریو د مرکچیانو له لوري په دې برخه کې د پام وړ پرمختګ په اړه څه نه دي ویل شوي.
د دولت د سولې مرکچي پلاوي نن پر ټویټر لیکلي چې ځینې کسان د سولې خبرو د ځنډولو لپاره پلمې لټوي.
د مالیې وزارت ګوښه شوي وزیر عبدالهادي ارغندیوال نن په کابل کې د یوې خبري غونډې پر مهال په ارګ کې پر یوې ځانګړې کړۍ د نیوکې تر څنګ وویل، هر وخت چې د دې کړۍ ګټې زیانمنې شي، د ساتلو لپاره یې هر ډول توطیې ته لاس اچوي.
