د کابل ښار د ښوونځیو یو شمېر زدهکوونکي وايي، د درسي نصاب د نه پشپړېدا له کبله د ښوونځيو ازموینې په نمایشي ډول اخيستل کېږي. دغه زدهکوونکي چې درسي نصاب يې نه دی بشپړ شوی، د ازموينو له روان بهيره خوښ نه دي او وايي، پرته له دې چې ښوونيز کال کې څه شی زده کړي، ازموينې ترې اخيستل کېږي.
د ولسي جرګې رییس میر رحمان رحماني وايي، حکومت باید نور د سرپرستۍ فرهنګ ته د پای ټکی کېږدي. نوموړي چې د نن د ملي شورا د اوولسمې تقنیني دورې د درېیم کال په پرانېستغونډه کې خبرې کولې وویل، حکومت باید د مدیریتي تشې ډکولو او د چارو د ښه تنظیم لپاره نوي نوماندوزیران جرګې ته ور وپېژني.
ولسمشر محمداشرف غني د سولې پروسې د چټکۍ په اړه د افغان سولې لپاره د امریکا د بهرنیو چارو وزارت د ځانګړي استازي زلمي خلیلزاد له غوښتنې یوه شپه او ورځ وروسته یو ځل بیا ټینګار وکړ چې د ټاکنو له لارې د واک پر لېږد به معامله نه کېږي. ولسمشر دا څرګندونې نن د ملي شورا د اوولسمې دورې د درېیم کاري کال په پرانېستغونډه کې وکړې. هغه وايي، د یوې تلپاتې او رښتینې سولې لپاره چې د افغانستان خپلواکي او د خلکو له لوري د خپل برخلیک ټاکل پهکې په پام کې ونیول شي، قربانۍ ته تیار دی، خو په وینا یې، له اساسي قانون څخه به تېر نه شي. ولسمشر غني له طالبانو هم وغوښتل چې شعارونه پرېږدي، تاوتریخوالی کم کړي او د سولې مخامخ خبرو ته حاضر شي.
د لاسي صنایعو په برخه کې د افغان مېرمنو فعالیت د کورنیو تولیداتو د ودې لپاره ګټور بلل کېږي. د ياد ولايت د ښځو چارو ريیسې شیما زرګر سلاموطندار ته وویل، د دغه ولایت لسګونه اوزګارو مېرمنو ته یې د خیاطۍ، مُهره دوزۍ او نورو برخو کې روزنه ورکړې او له دې لارې خپلې اقتصادي چارې سمبالوي.
شيما زرګر وویل، اوسمهال مرکز پلعلم او یو شمېر ولسوالیو کې څه باندې سل مېرمنې د لاسي صنایعو په جوړولو بوختې دي او هڅه کوي چې دغو مېرمنو سره د ظرفیت لوړونې او بازار موندنې برخو کې همکاري وکړي.
هلمند کې ځايي سرچینې وايي، د ياد ولايت مرکز لښکرګاه ښار کې د پولیسو امنيې قومندانۍ ته نيږدې موټربم چاودنه شوې چې پهکې ۱۰ کسانو ته مرګژوبله اوښتې ده.
ياد ولايت کې يوه سرچينه چې نه غواړي نوم يې خپور شي وايي، دغې موټربم چاودنه کې د هلمند ولايت د ملي امنیت د څارنوالۍ رییس سید محمود سادات او یو بل کس وژل شوي دي.
سږ کال د سکي لوبې د یوولسمې دورې سیالۍ د «افغان سکي چلېنج» په نوم د مسلکي سکي وهونکو، سکي وهونکو نجونو، د لرګي سکي او د اماتور سکي وهونکو په څلورو برخو کې د لسګونو کورنیو سکي وهونکو او دوو بهرنیو هغو په ګډون وشوې.
د امریکا د بهرنیو چارو وزارت ویلي چې چې د اتلو ښځو افتخاري جایزه ۷ افغان مېرمنو ته ورکوي. دغو ښځو په ۲۰۲۰ میلادي کال کې خلکو ته د کار پر مهال په هدفي وژنو کې خپل ژوند له لاسه ورکړی دی.
د ګلبدین حکمتیار په مشري د حزب اسلامي یوشمېر پلویانو نن په کابل کې لاریون پیل کړ.
ګلبدین حکمتیار پرون په یوه خبري غونډه کې د دغه لاریون خبر ورکړ او زیاته یې کړه چې حکومت ته یې لس ورځې وخت ورکړی، څو غوښتنې یې ومني.
د هغه په خبره، له حکومتي چارواکو یې غوښتي چې استعفاوې وکړي، څو داسې حکومت جوړ شي چې د خلکو د اصلي غوښتنو او سیاسي ګوندونو پر غوښتنه ولاړ وي.
د بدخشان محلي مسوولان وايي چې په دغه ولایت کې د واورې ښویېدنې له کبله ۱۴ کسانو ژوند له لاسه ورکړی دی.
د بدخشان د والي ویاند نېکمحمد نظري وايي، دا پېښه نن ماسپښین د راغستان ولسوالي په زرنداب سیمه کې شوې ده.
د نوموړي په وینا، په یاده پېښه کې د سیمې ۱۴ اوسېدونکي چې د زرو پر مینځلو بوخت وو، مړه شوي او ۴ نور ټپیان دي.
د حزب اسلامي مشر ګلبدین حکمتیار نن په کابل کې یوې خبري غونډه کې وویل، له حکومتي چارواکيو يې غوښتي چې هر څه ژر دې استعفا ورکړي ترڅو داسې حکومت جوړ شي چې د خلکو او سیاسي ګوندونو د غوښتنو پر بنسټ وي.
د حزب اسلامي مشر خبرداری ورکړ چې اوسنی حکومت بې کفایته دی او که حکومتي چارواکي استعفا ورنهکړي، حزب اسلامي به سبا په کابل کې په پراخه کچه لاریون وکړي.
د افغانستان ستره محکمه وایي، د بګرام زندان استیناف محکمې پر کابل پوهنتون د برید طراحان عادل شاه په اعدام محکوم کړی دی او همداراز پر کابل پوهنتون بریدګر به یاد پوهنتون ته ۳میلیونه افغانیو اوښتي زیان تاوان ورکوي.
له يادې محکمې په خپره شوې خبرپاڼه کې راغلي، پر کابل پوهنتون دوه اصلي برید کوونکي، عادل شاه او عبدالله حماد د داعش ډلې غړیتوب، هدفي وژنو، تزویر او انسان تښتونو په تور په اعدام محکوم شوي دي.
د پخواني ولسمشر لومړي مرستیال محمد یونس قانوني نن کابل کې د وحدت اسلامي ګوند د پخواني مشر عبدالعلي مزاري د ۲۶م تلین نمانځغونډه کې وویل، د جهادي مشر عبدالعلي مزاري یو ارمان دا و چې د افغانستان لانجه باید د سولې له لارې هواره شي.
د ننګرهار چارواکي وايي، نامعلومو وسلهوالو بېګاه د دغه ولایت په سره رود ولسوالي کې د ګچو یوې کارخونې اووه کاریګر وژلي دي.
د ننګرهار د پولیسو قوماندان جمعهګل همت نن پنجشنبه رسنیو ته وویل چې یاده پېښه بېګاه د دغه ولایت د سره رود ولسوالي اړوند د فتحاباد په مارغونډۍ سیمه کې شوې ده. هغه وايي، دغه کسان د ګچو په یوه کارخونه کې وژل شوي دي.
هرات کې د امنیتي ځواکونو او د نامسووله وسلهوالو قوماندان حبیبالله غوریاني ترمنځ ترمنځ له ۸ ساعته نښتې وروسته، افغان ځواکونه بېګاه د شپې ۱۱ بجې وتوانېدل چې د هغه کور ته ورننوځي.
باوري ځايي سرچینو د نوم نه ښودلو په شرط سلاموطندار ته ویلي چې حبیبالله غوریاني تښتېدلی، خو ۱۲ وسلهوال یې له سپکو او درنو وسلو سره نیول شوي دي. د سرچینو په وینا، په یاده نښته کې ۲ نامسووله وسلهوال وژل شوي او ۳ نور ټپیان دي.
په کندوز کې یوه باوري امنیتي سرچینه چې نه غواړي نوم یې یاد شي، سلاموطندار ته ویلي چې کومانډو ځواکونو بېګاه ناوخته د کندوز ښار د تلوکې سیمې په «بوز کندهاري» کې عملیات کړي دي.
د سرچینې په وینا، طالبانو د دغه عملیاتو پر مهال ځانګړي ځواکونه په یوه «۸۲ توپ» ويشتي چې له کبله یې ۳ کومانډویان وژل شوي او ۹ نور ټپیان دي.
چارواکي وايي، د ننګرهار ولایت په روداتو ولسوالي کې د یوې کورنۍ ۱۲ غړي مسموم شوي چې له ډلې یې دوه ماشومان مړه او لس نور کسان مسموم شوي دي.
دا پېښه نن چهارشنبه د ننګرهار ولایت د روداتو ولسوالي په اخوند کلي کې شوې ده.
د ننګرهار ولایت د رسنیو له دفتره په خپرې شوې خبرپاڼه کې لیکل شوي چې د روداتو ولسوالي د اوسېدونکي قاري ذبېحالله د کورنۍ غړیو هغه زهرجن چای څښلی چې په یوه چای جوش کې ورسره چرمښکۍ ایشېدلې وه.
