د ملګرو ملتونو د خوړو او کرنې سازمان د افغانستان په لرو پرتو سیمو کې د کروندګرو د ژوند ښه کولو په موخه د ۱۵۰ میلیونه ډالرو د مرستې اعلان کړی دی.
دغه سازمان ویلي چې دغه پروژه به په کليوالي سیمو کې د خوراکي توکو د تولید زیاتوالي او د کروندګرو د ژوند ښهوالي په موخه پلي شي.
د کرنې، اوبو لګولو او مالدارۍ وزارت مسوولانو ویلي چې د خوست ولایت د جلغوزیو په ځنګلونو کې د تازه اورلګېدنې له امله ۳۰ جریبه ځنګل سوځېدلی دی. د یاد وزارت ویاند مصباحالدین مستعین سلاموطندار ته ویلي چې د خوست د موسیخېلو او قلندر ولسوالیو ځنګلونو کې اورلګېدنه د ځایي خلکو په مرسته تر یوه بریده کابو شوې ده.
د سیداحمد سېلاب خیریه بنسټ نن په کابل کې د ۷۰ بېوزله جوړو ډلیز واده ترسره کړ. د دغه بنسټ مسوول سیداحمد سېلاب وايي، دغه جوړې له بېلابېلو ولایتونو څخه وې چې د خپل ودونو د لګښت توان یې نه درلود.
د خوست د موسیخېلو او قلندر ولسوالیو اوسېدونکو سلاموطندار ته ویلي چې د یاد ولایت د جلغوزیو په ځنګلونو کې لګېدلی اور د ولسونو په مرسته مهار شوی دی.
نن د جون ۱۲ د ماشومانو د کار پر وړاندې د مبارزې نړیوالې ورځې سره برابره ده؛ خو د بېوزلۍ په زیاتېدو سره په افغانستان کې کارګرو ماشومانو شمېر هم ډېر شوی دی.
د معلوماتو له مخې په افغانستان کې له وروستي سیاسي بدلون راپدېخوا چې د خلکو اقتصادي وضعیت مخ په خرابېدو ښودل شوی او ګڼشمېر کسانو د خپل ژوند او راتلونکې په اړه ناهیلې شوي، د لاسي صنایعو یوه شرکت کابل کې څه باندې سلو نجونو او هلکانو ته د کار او زدهکړو زمینه برابره کړې ده.
د کندوز يو شمېر کروندګر په دغه ولايت کې د هندواڼو له ټيټې بيې څخه شکايت کوي او وايي چې د بهرنيو هېوادونو د هندواڼو د واردولو له امله دغه مېوه په ټيټه بيه پلوري. دوی له حکومت څخه غواړي چې په دغه ولایت کې د هندواڼو بیې کنټرول کړي.
د رویسې جمهوررییس ولادیمیر پوتین پرون له خپل ترکمنستاني سیال سردار بردي محمداُف سره په کتنه کې ویلي چې مسکو او شریکان یې لکه چین، هند، امریکا، ایران او پاکستان د افغانستان د زیربناوو بیارغونې ته چمتو دي.
د پکتیا د مستوفیت مسوولان وایي چې د تېر کال په پرتله د دغه ولایت د مستوفیت عواید ۳۰ سلنه لوړ شوي چې یوازې په تېرو درېیو میاشتو کې یې شاوخوا ۳۰ میلیونه افغانۍ عواید راټول کړي دي.
د هېواد د لوېديځې حوزې د ښځو د سوداګرۍ او صنايعو خونې مسوولان نن د هرات ښار په «٥٠-٥٠» تفريحي پارک کې د «جمعه بازار» په نوم د ښځو د لاسي صنايعو نندارتون پرانستنه وکړه.
د سور صیلب کمېټې اعلان کړی چې په وروستیو میاشتو کې د افغانستان په بازارونو کې د اوړو بیه ۴۷ سلنه لوړه شوې ده.
د پخواني حکومت یوشمېر پوځیان سلاموطندار ته وایي چې په افغانستان کې د وروستیو بدلونونو وروسته بېبرخلیک پاتې دي. هغوی شکایت کوي چې د اسلامي امارت په راتګ سره دوی له بد اقتصادي وضعیت سر مخ شوي دي.
د کورونا ویروس خپرېدو او ورپسې د اوکرایین جګړې د افغانستان په ګډون نړۍ کې د خوراکي او نفتي توکو نرخونه لوړ کړي دي.
په دې تړاو نړیوال بانک د نړۍ د اقتصادي ودې په اړه کلني راپور کې خبرداری ورکړی چې د خوراکي توکو او تېلو بیو لوړېدو له امله به د ۱۹۷۰ کال څخه وروسته په لومړی ځل نړۍ له لوړ انفلاسیون سره مخ شي.
د ننګرهار د کانونو او پټرولیم وزارت چارواکي وایي چې دغه مارکېټ د افغان او چینایي سوداګرو د پانګونې په مرسته جوړ شوی دی.
نن د جون ۷مه د خوړو د خوندیتوب له نړیوالې ورځې سره برابره ده. دغه ورځ په ټوله نړۍ کې د (خوندي خواړه او خوندي ژوند) په شعار سره لمانځل کېږي، خو افغانستان داسې مهال دغه ورځ لمانځي چې شاوخوا ۲۰ میلیونه افغانان کافي خواړه نه لري.
د اسلامي امارت لوړپوړي غړي انس حقاني نن د یوې خبري ناستې پرمهال چې هېواد کې د پوهنې، لوړو زدهکړو او بېوزلۍ د وضعیت څېړنې په موخه جوړه شوې وه، وویل چې د نورو لاملونو ترڅنګ بېسوادي افغانستان کې د بېوزلۍ له اصلي لاملونو څخه شمېر کېږي.
