افغانستان له بدلونونو ډک کال شاته پرېښوده او د یوه سیاسي بدلون پرمهال د حکومت چارې یوې نوې رهبرۍ ترلاسه کړې. اسلامي امارت تېر کال د زمري میاشتې پر ۲۴مه کله چې د جمهوريت چارواکي له کابل څخه ووتل واک ته ورسېده.
په کندوز کې یوشمېر ځوانان او فرهنګیان وايي چې د تېرو کلونو په پرتله دغه ولایت کې د مطالعې فرهنګ د پام وړ پیکه شوی دی.
هرات کې د کرنې برخې مسوولان وايي چې سږکال یې دغه ولایت کې ۱۵۰زره ټُنه د انګورو حاصلات راټول کړي چې د تېرکال په پرتله له ۱۵ تر ۲۰ ټُنه زیاتوالی ښيي.
خو بزګران د انګورو بازار نشتون او له هېواد څخه بهر یې د نه صادراتو له امله شکایت کوي او وايي، اړ دي چې خپل انګور په ټيټه بیه وپلوري.
د جوزجان د فیضاباد ولسوالي د بالامردیان کلي کې د اورلګېدنې دوه اوونۍ وروسته د یاد ولایت محلي ادارې د خپرو شویو اوازو په لړ کې وايي، دوی له څېړنو وروسته موندلې چې پېریان دې سیمه کې د خلکو کورونو ته اور اچوي. مسوولان همداراز وايي، د اور د خپرېدو چټکتیا دومره ډېره ده چې دوی یې په مهارولو کې پاتې راغلې دي.
د لوګر محلي مسوولان وايي چې د دغه ولایت په ځینو ولسوالیو کې د شویو اورښتونو له امله سېلابونه راوتلي چې پرمهال درې ښځې مړې شوي او خلکو ته یې درانه مالي زیانونه اړولي دي. د یاد ولایت د والي ویاند عمر منصور سلاموطندار ته ویلي، د شویو اورښتونو له کبله په مرکز پلعلم، برهکي برک، څرخ او محمداغې ولسوالیو کې سېلابونه راوتلي دي. د عمر منصور په وینا، په څرخ ولسوالي کې د راوتلو سېلابونو له کبله درې ښځې مړې شوې دي.
«بالامردیان» د جوزجان د فیضاباد ولسوالي یوه لرې پرته ولسوالي ده چې پهکې نږدې ۱۲۰۰ کورنۍ مېشتې دي. اوسېدونکي یې د کرنې، مالدارۍ او ازاد شغل له لارې اقتصادي اړتیاووې پوره کوي.
د افغانستان بانک چارواکو ملت ته د دولت د حساب ورکولو پروګرام پرمهال نن یوې خبري ناستې ته ویلي، د تېر یوه کال راهیسې چې اسلامي امارت واک ته رسېدلی، د نړیوالو لهخوا څه باندې یو میلیارد ډالر بشري مرسته کابل ته رسېدلې ده.
د ماشومانو د ژغورنې موسسې (سېف د چېلډرن) د اسلامي امارت د واکمنۍ د یوه کال پورهکېدو په درشل کې په خپل یوه تازه راپور کې ویلي چې د تېر یوه کال پرمهال د افغان نجونو ژوند تریخ شوی دی. راپور کې راغلي چې تېر یوه کال کې له ۸۸ سلنه کم عمره نجونو څخه د والدینو لهخوا د کورنۍ مالي وضعیت ښهوالي په موخه د واده غوښتنه شوې ده.
ملت ته د دولت د حساب ورکولو پروګرام په لړ کې نن د ملي پراختیا شرکت مسوولانو د یوې خبري ناستې پرمهال وویل چې د دغه شرکت اړوند د ۶۴۸ پروژو چارې په ټپه درېدلي دي.
د جوزجان محلي مسوولان وايي چې د دغه ولایت د فیضاباد ولسوالي په «بالامردیان» کلي کې د طبیعي اورلګېدنې پرمهال خلکو ځینې حیرانونکي او عجیب موجودات لیدلي چې اوس ناروغان شوي دي.
د جوزجان امنیتي مسوولان وايي چې د دغه ولایت د فیضاباد ولسوالي په «بالامردیان» ولسوالي کې د طبیعي اورلګېدنې له امله لسګونه کورونه سوځېدلي دي.
نن په کابل او ننګرهار کې ګڼشمېر صرافانو، سوداګرو او عامو خلکو په پلازمېنه کابل کې د امریکا د وروستي بېپېلوټې الوتکې د هوايي برید په غبرګون کې لاریون وکړ.
په دې وروستیو کې د هېواد په یوشمېر ولایتونو کې د «څارویو د پوستکي» یا لمپي سکېن ناروغۍ خپرېدو په اړه راپورونه ورکړل شوي چې ګواکې دغه ناروغۍ ګواښونکې ده او له څارویو انسان ته سرایت کوي.
د کندهار یوشمېر اوسېدونکي اندېښنه ښيي چې په دې وروستیو کې د وچکالۍ له امله دغه ولایت کې د اوبو کچه ورځ تر بلې ټيټېږي چې خلګ یې له ډېرو ستونزو سره مخ کړي دي.
د بهرنيو چارو وزارت سياسي مرستیال شېرمحمد عباس ستانکزي نن د کابل په يوې تکیهخانه کې د عاشور مراسمو ته د وینا پرمهال پر امریکا نیوکه وکړه چې دغه هېواد پر اسلامي امارت فشارونه زیاته کړي دي. ستانکزي دې مراسمو ته همداراز وویل، امریکا د ا.ا پر حکومت بېلابېل سیاسي، اقتصادي او ډیپلوماتیک فشارونه راوستي دي.
ملت ته د دولت د حساب ورکولو په لړ کې نن د کار او ټولنیزو چارو وزارت مسوولانو کابل کې د یوې خبري ناستې پرمهال وویل چې یاد وزارت په تېر یوه کال کې څه باندې ۳۷۰۰۰ د کار جوازونه کورنیو او ۱۲۹۷ جوازونه بهرنیو اتباعو باندې وېشلي دي.
