د افغانستان بانک سبا یکشنبه د مرغومې اتلسمه «۱۵» میلیونه ډالر د لیلام په توګه بازار ته وړاندې کوي. دغه بانک نن شنبه د مرغومې اوولسمه پر خپله ټوېټرپاڼه لیکلي، د افغانیو ارزښت ساتنې په موخه سبا د داوطلبۍ له لارې ۱۵ میلیونه ډالر لیلاموي. یاد بانک د روانې مرغومې میاشتې په دیارلسمه نېټه هم بازار ته ۱۵ میلیونه امریکايي ډالر وړاندې کړي وو.
د بلخ د روضې په شمالي دروازه کې د لاسي توکو ښځینه پلورونکې چې شمېر یې نږدې ۴۰ ته رسېږي، له اسلامي امارت غواړي چې ښځو او نجونو ته د کار او زدهکړو اجازه ورکړي. دوی سلاموطندار سره خبرو کې ویلي، اسلامي امارت باید هغو لوستو ښځو ته بېرته د کار کولو اجازه ورکړي چې له دې وړاندې یې دندې لرلې.
د افغانستان د سوداګرۍ او پانګونې خونې مسوولان وايي چې د پاکستان کراچۍ بندر کې په سوداګریزو توکو بار د افغانستان سلګونه کانټینرونه درول شوي او د دغه هېواد حکومت ورته د تګ اجازه نه ورکوي. .
له زدهکړو د نجونو له راګرځولو وروسته یوشمېر ښوونیزو مرکزونو د انلاین زدهکړې زمینې برابرې کړي او هر هغه زدهکوونکي ترې ګټه اخلي چې انټرنټ ته لاسرسی ولري.
د افغانستان بانک سبا سهشنبه مرغومې دیارلسمه ۱۵ میلیونه امریکايي ډالر د لیلام په توګه بازار ته وړاندې کوي. د افغانستان بانک نن دوشنبه د مرغومې دولسمه پر خپله ټوېټرپاڼه لیکلي چې سبا به د لیلام په توګه ۱۵ میلیونه ډالر بازار ته وړاندې کړي. د افغانستان بانک له دې وړاندې د روانې مرغومې میاشتې په اوومه نېټه د چهارشنبې پر ورځ هم ۱۶ میلیونه امریکايي ډالر د داوطلبۍ له لارې لیلام کړي وو.
د کابل یوشمېر اوسېدونکي وايي چې دې ورووستیو کې د نفتي توکو بیې یو ځل بیا لوړې شوې دي. دوی له سلاموطندار سره خبرو کې د اسلامي امارت له مسوولانو غوښتنه وکړه چې د نفتي توکو د بیو کنټرول برخه جدي اقدامات وکړي. کابل ښار موټر چلوونکي همداراز وايي چې یوازې د یوې ورځې په جریان کې د ډېزل تېل دوه افغانۍ لوړ شوي دي. د دوی په وینا چې د ګازو بیه هم پورته تللې ده.
د ا.ا سرپرست حکومت د ریاستالوزرا د اقتصادي مرستیال دفتر پر ټویټر لیکلي چې د سوالګرو راټولولو کمېټې د روان کال د مرغومي تر شپږمې پورې ۲۲ زره او ۱۲۵ سوالګر را ټول کړي دي.
وروسته له هغې چې اسلامي امارت داخلي او بهرنیو غیردولتي موسسو کې د ښځو پر کار بندیز ولګاوه، یوشمېر دغو بهرنیو موسسو افغانستان کې خپل فعالیتونه ځنډولي دي. دغو بنسټونو چې تر ډېره یې اړمنو ته د مرستو رسولو برخه کې فعالیت کاوه، د بېوزله افغانانو د لاسنیوي برخه کې یې مهم رول درلود.
د سلاموطندار د راټولو شویو شمېرو پر بنسټ، د ناروې د کډوالۍ شورا، د پاملرنې موسسې، د ژغورنې نړیوالې کمېټې او د «امامسياراې» موسسې د فعالیت له ځنډېدو وروسته، هېواد کې د یادو بنسټونو شاوخوا ۱۱۴۴۱ کارکوونکي چې ۴۳۷۳ یې ښځینه دي، وزګاره شوي دي.
له هغه وروسته چې اسلامي امارت په ټولو کورنیو او بهرنیو نادولتي موسسو کې د ښځینه کارکوونکو کار وځنډاوه، په ملي او نړیواله کچه پراخ غبرګونونه را وپارېدل.
په دې لړ کې د ملګرو ملتونو سازمان، اروپايي هېوادونو، د بښنې نړیوال سازمان او یوشمېر نورو نړیوالو بنسټونو او هېوادونو د اسلامي امارت دا پرېکړه په سختو ټکو وغندله.
د بهرنیو چارو وزارت سرپرست امیرخان متقي وايي، افغانان د اسلامي امارت له حکومت څخه امنیت، سوداګري، کار او زدهکړې غواړي.
هغه زیاتوي: «ملت نن خدمت غواړي، ملت له تاسې امنیت، سوداګري، کار او زدهکړې غواړي.»
د ریاستالوزرا اداري او دویم مرستیال عبدالسلام حنفي نن یکشنبه د مرغومې څلورمه کابل کې یوې غونډې ته د وینا پر مهال ویلي چې د سوداګرو او پانګوالو د تېرو کلونو د مالیاتي سرغړونو جریمې د دوی د هڅونې او د هېواد اقتصادي پرمختګ په موخه بښل شوي دي.
د اقتصاد وزارت په یوه مکتوب کې ټولو کورنیو او بهرنیو نادولتي موسسو ته سپارښتنه کړې چې تر بل امر پورې دې د ښځینهوو کارکوونکو دندې وځنډوي.
د اقتصاد وزارت په دغه مکتوب کې چې پر ټولنیزو رسنیو لاس په لاس کېږي، لیکل شوي چې که کومې کورنۍ او بهرنۍ نادولتي موسسې په دې برخه کې ناغېړي وکړه، دغه وزارت به یې جوازونه لغوه کړي.
د افغانستان مرکزي بانک اعلان کړی چې د افغانیو ارزښت ساتلو او ثبات لپاره شنبه د مرغومې درېیمه ۱۵میلیونه امریکايي ډالر د داوطلبۍ په توګه بازار ته وړاندې کوي. دغه بانک له ټولو خصوصي بانکونو او پر شرایطو برابر د پولي خدمتونو او صرافیو شرکتونو څخه غوښتنه کړې چې دې داوطلبۍ کې ګډون وکړي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
د کډوالو او راستنېدونکو چارو وزارت نن کابل کې د کورنیو بېځایه شویو د وضعیت اروزنې په موخه (د مرکزي ولایتونو ترمنځ د ستراتیژیکې همغږۍ) تر عنوان لاندې غونډه وکړه. د دې ترڅنګ، مزار شریف کې یوشمېر بېځایه شوې کورنۍ سلاموطندار ته وايي، د ژمي په رانږدې کېدو سره له سختو ستونزو سره مخ دي.
د کندهار مسوولان وايي چې په دغه ولایت کې د یوې راډیو کارکوونکي نصیراحمد میرزايي ځان وژلی دی.
نصیراحمد میرزايي نن یکشنبه ځان په مرمۍ ویشتی او وژلی دی.
