د خوړو نړیوال پروګرام پرون پر ټویټر لیکلي، که افغانان د اړتیا وړ مرستې ترلاسه نه کړي، په راتلونکو ورځو کې به نهه میلیونه کسان د لوږې له ګواښ سره مخامخ شي. د خوړو نړیوال پروګرام رییس ډېوېډ بسلي ویلي، نړۍ نهشي کولای په دې بېمخینې ناورین کې افغانان هېر کړي.
د فاریاب په مرکز میمنې ښار کې یوې نجلۍ چې په سترګو څه نه ویني، ۳۵ نورو بېسرپرسته او معلولو نجونو او ښځو ته د کار اسانتیاوې برابرې کړې دي. فاریاب کې د ړندو د وړتیا لوړونې موسسې بنسټاېښودونکې او مسوولې خالبيبي همنوا سلاموطندار ته ویلي، کله چې ا.ا د نجونو او ښځو پر زدهکړو او کار محدودیتونه ولګول، دې پرېکړه وکړه چې ۳۵ بېسرپسته، معلولو او یتیمو نجونو او ښځو ته د کار اسانتیاوې برابرې کړي.
د سوداګرۍ او صنایعو وزارت مسوولانو نن (د وري اتمه، سهشنبه) د حکومت د رسنیو مرکز کې د یوې خبري غونډې پر مهال د ۱۴۰۱ کال کاري راپور له رسنیو سره شریک کړ. د دغه وزارت د معلوماتو پر بنسټ، افغانستان اوس لږترلږه د ۵۰ صنعتي توکو په تولید کې پر ځان بسیا شوی دی.
د افغانستان بانک وايي چې د «افغانۍ» پولي ارزښت د ساتلو او ثبات په موخه به سبا د وري نهمه، د چهارشنبې ورځ څوارلس میلیونه امریکايي ډالر د یوې داوطلبۍ له لارې لیلام کړي.
د کابل ښاروالي مسوولانو نن (د وري میاشتې اوومه، د دوشنبې ورځ) په یوه خبري غونډه کې چې د دې ادارې د ۱۴۰۱ کال د لاستهراوړنو شریکولو په موخه جوړه شوې وه، وویل چې د ښاري زېربناوو جوړېدو، خلکو ته د ښاري خدمتونو وړاندې کولو، پلانجوړونې او ښاري پراختیا، کلتوري او ټولنیزو برخو او د عوایدو راټولولو برخه کې ښې لاستهراوړنې لري.
د کابل یوشمېر اوسېدونکي وايي، د روژې میاشتې له پیله د پلازمېنې بازارونو کې د «سبزي» په ځانګړې توګه د پیازو بیې لوړې شوې چې خلک یې د پېرلو توان نهلري.
دوی سلاموطندار ته وايي، دا مهال د کابل بازارونو کې د یوه من پیازو بیه تر ۶۰۰ افغانیو ده چې په وینا یې، شته وزګارتیا او بېوزلۍ ته په کتو، پېر یې د بېوزلو له توان وتلې ده.
پېښو ته د رسېدو په چارو کې د دولت وزارت مسوولان وايي چې د دوو پرلهپسې ورځو پر مهال د شویو ورښتونو له کبله د هېواد په بېلابېلو سیمو کې لس کسان مړه او ټپیان شوي او څه باندې ۷۵۶ کورونه نړیدلې دي.
په بغلان کې یوې ښځینه سوداګرې د خیاطۍ کارخونې په جوړولو سره ۶۰ نورو ښځو ته د کار زمینه برابره کړې ده.
په دې کارخونه کې ښځې په دوو جلا جلا وختونو کې د څرمنې، ګلدوزۍ، مریو او خامک ګنډلو په څېر د خیاطۍ بېلابېلو برخو کې پر کار بوختې دي.
د افغانستان بانک وايي چې سبا یکشنبه د وري میاشتې په شپږمه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (شنبه د ۱۴۰۲ د وري پنځمه) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا چهارشنبه «۱۵» میلیونه امریکايي ډالر لیلام کړي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.
کندوز کې یوشمېر ګلپلورونکي وايي چې د پخوا په پرتله یې له تېر یوه کال راهیسې د ګلانو د پلور بازار سوړ شوی او کاروبار نهلري.
د کندوز د ګلفروشي سرای ګلپلورونکي سلاموطندار ته وايي، هېواد کې د بېوزلۍ لوړه کچه لامل شوې چې خلک د پخوا په څېر د تازه ګلانو اخیستو ته زړه ښه نهکړي. د کندوز د ګلفروشي سرای ګلپلورونکي اغامحمد احمدي وویل: «ژمي کې چې هوا سړه وه، ګلان یخ وهلي او له خرڅلاو پاتې دي.
اروپايي ټولنې په تازهګۍ سره ویلي، افغانستان کې د بشريحقونو نقض له امله به د ا.ا پر چارواکو نور بندیزونه هم ولګوي.
اروپايي ټولنې د یادو بندیزونو په اړه وضاحت نه دی ورکړی او دا یې هم نه دي ویلي چې دغه بندیزونه به په کومو برخو کې وي، خو ټينګار یې کړی چې بندیزونه به یوازې د ا.ا پر چارواکي ولګول شي او د افغانانو اقتصاد به اغېزمن نه کړي.
په داسې حال کې چې د میلیونونو افغانانو د ژوند دوام د نړیوالې ټولنې بشردوستانه مرستو پورې تړاو لري، د ملګروملتونو د خوړو نړیوال سازمان یوې خبرپاڼه کې ویلي، د بودیجې کمښت له امله به راتلونکې اپرېل میاشت کې افغانستان کې اړمنو ته د مرستو رسول محدود کړي.
د افغانستان بانک وايي چې سبا چهارشنبه د وري میاشتې دویمه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (سهشنبه د ۱۴۰۲ د وري لومړۍ) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا چهارشنبه «۱۵» میلیونه امریکايي ډالر لیلام کړي.
د ا.ا چارواکي د افغانستان او ایران ترمنځ د سوداګریزې راکړې ورکړې د زیاتوالي ترڅنګ وايي، هڅې روانې دي چې د دواړو لوریو ترمنځ د سوداګرۍ کچه له دوه میلیارډ ډالرو لس میلیارډ ډالرو ته لوړه کړي. د اقتصادي چارو کارپوهان د ایران او افغانستان ترمنځ د سوداګریزو اړیکو پراختیا او دې برخه کې د متخصصو کسانو ګومارل د هېواد په ګټه بولي.
د افغانستان بانک وايي چې سبا دوشنبه د کب میاشتې په ۲۹مه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن یکشنبه د کب ۲۸مه پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به راتلونکې شنبه «۱۵» میلیونه امریکايي ډالر لیلام کړي.
د خوړو نړیوال پروګرام بېګاه په یوه خبرپاڼه کې لیکلي، که بشري ملاتړ تلپاتې نه وي، سلګونه زره افغانان به د ژوندي پاتې کېدو لپاره مرستې ته اړتیا ولري او سخته لوږه به په ټول افغانستان کې خپره شي.
