د خبریالانو د خوندیتوب کمېټه: ا.ا دې غلام رباني هدفمند ژر تر ژره خوشې کړي
د افغان خبریالانو د خوندېتوب کمېټې له اسلامي امارت څخه غوښتنه کړې چې په غور کې د یادې کمېټې ولایتي همکار غلام رباني هدفمند ژر تر ژره خوشې کړي.
د افغان خبریالانو د خوندېتوب کمېټې له اسلامي امارت څخه غوښتنه کړې چې په غور کې د یادې کمېټې ولایتي همکار غلام رباني هدفمند ژر تر ژره خوشې کړي.
د افغانستان لپاره د ملګرو ملتونو د ځانګړې استازې ډیبورا لاینز مرستیالې مته نودسن ویلي چې واک ته د اسلامي امارت تر رسېدو وروسته، لا هم د افغانستان د حکومت وضعیت په یوه ګونګ حال کې دی.
نوموړې پرون د نړیوالو او اروپا چارو انسټیټیوټ کې د وینا پرمهال ټينګار وکړ چې د اسلامي امارت مهمې پرېکړې کابینه کې نه؛ بلکې په یوه بل ځای کې نیول کېږي.
د خبریالانو نړیوال فدراسیون د افغانستان له یوه رسنیز بنسټ سره په همکارۍ په تازه نظرپوښتنه کې ویلي، د اسلامي امارت له لوري په هېواد کې د نړیوالو رسنیو پر نشراتو د بندیز پرېکړه لامل شوې چې دغه هېواد کې عمومي اطلاعاتو ته لاسرسی او د بیان ازادۍ ته ستر زیان ورسېږي.
د کډوالو په چارو کې د ملګرو ملتونو عالي کمېشنرۍ (UNHCR) په افغانستان کې د ښځو او ماشومانو د وضعیت په اړه اندېښنه څرګنده کړې او ویلي چې هغوی په هېواد کې د انساني ناورین ښکار شوي دي.
ورووسته له هغې چې د پاکستان پارلمان د دغه هېواد د لومړي وزیر عمرانخان پر وړاندې د اپوزېسیون له لوري وړاندې شوې د نه باور رایې طرحه رد کړه، د یاد هېواد ولسمشر د لومړي وزیر عمرانخان په غوښتنه پارلمان منحل کړ او د ټاکنو د ترسره کېدو پرېکړه یې وکړه.
کندهار کې د ښاروالي چارواکي وايي چې په دغه ولايت کې د ملګرو ملتونو د هبېټاټ موسسې، په مالي لګښت ۸۴۰ وزګاره کسانو ته د دې ادارې ترمدیریت لاندې د کار زمينه برابره کړې ده.
ملګرو ملتونو خبرداری ورکړی چې د افغانستان د خلکو د ژوند احیا لپاره د پیاوړي پروګرام پرته، ستر بشري ناورین ته رسېدنه ستونزمنه ده.
د افغانستان لپاره د امریکا ځانکړی استازی وایي چې له پخواني ولسمشر حامد کرزي سره یې د نجونو ښوونځیو پر بیاپرانستلو او د افغانستان د راتلونکې د ټاکلو لپاره د یوه مشورتي پروګرام د جوړولو اړتیا په اړه خبرې کړې دي. د نوموړي په وینا، له میلیونونو کورنیو سره یوځای کېږي چې د اسلامي امارت له پرېکړې څخه خپله ژوره ناهیلي څرګنده کړي.
د پاکستان لوی درستیز جنرال قمر جاوید باجوه اسلاماباد کې د امنیتي مذاکراتو په نوم غونډې ته ویلي، که افغانستان سره مرسته ونه شي، نه یوازې د کډوالۍ بحران به زیات شي، بلکې ترهګرو ته به هم فرصت برابر شي چې غښتلي او ان د سپتمبر د ۱۱مې پېښې په څېر به بله پېښه رامنځته شي.
د ګډوالو په چارو کې د ملګروملتونو عالي کمېشنر فیلیپو ګراندي په افغانستان او د دغه هېواد په ګاونډيو هېوادونو کې د ملګرو ملتونو له لوري له افغانانو څخه د ملاتړ د دوام غوښتنه کړې ده.
د ملګرو ملتونو د بشرحقونو شورا ریچارډ بنیټ افغانستان کې د بشري وضعیت د اروزنې لپاره د ځانګړي رپوټر په توګه ګومارلی دی.
د ملګروملتونو سرمنشي انټونیو ګوټرېش له شپږم ټولګي پورته د نجونو ښوونځیو د تړل کېدو په اړه اندېښنه ښودلې او ویلي یې دي، دغه اقدام د بشر حقونو نقض دی چې ټول هېواد ترې زیان ویني.
د ملګرو ملتونو سرمنشي نن پر خپل ټویټرپاڼه لیکلي چې د افغان نجونو او ښځو له حقونو ملاتړ، ماشومانو له لوږې او ټولنه له بېوزلۍ ژغورلی شي.
د امریکا د بهرنیو چارو وزارت له اسلامي امارت څخه غوښتي چې له شپږم ټولګي پورته د نجونو زدهکوونکو د ښوونځیو د تړلکېدو پرېکړه بېرته واخلي. دغه وزارت تازه له اسلامي امارت څخه غوښتي چې د منځنۍ او لېسې دورې نجونو زدهکوونکو ته د زده کړو اجازه ورکړي.
چین کې د افغانستان د ګاونډیو هېوادونو د بهرنیو چارو وزیرانو درېیمه ناسته د یوې ګډې خبرپاڼې په خپرولو سره پای ته ورسېده.
دغه ناسته د تېرې چهارشنبې او پنچشنبې پر ورځو د ایران، چین، پاکستان، ازبکستان، ترکمنستان او تاجکستان هېوادونو د بهرنیو چارو وزیرانو او د قطر او اندونیزیا د استازیو په ګډون جوړه شوې وه.
افغانستان ته د مرستو راټولولو په موخه په سویس کې د ملګرو ملتونو، انګلستان، المان او قطر په کوربهتوب په جوړې شوې ناسته کې افغانانو سره د مرستې لپاره ۲.۴ میلیارده ډالر راټول شوي دي. تر دې مخکې د ملګرو ملتونو سرمنشي انتوني ګوترېش له نړیوالې ټولنې د افغانستان لپاره د ۴،۴ میلیارده ډالرو مرستې غوښتنه کړې ده.
د امریکاي ښځو د سولې او ښوونې او روزنې پلاوی چې تېره اوونۍ افغانستان ته راغلی و، د پنجشنبې په ورځ په کابل کې په یوه خبري غونډه کې د خپلو فعالیتونو پایلې له رسنیو سره شریکې کړې. ددغه پلاوي غړو ټینګار وکړ چې ژر تر ژره باید په افغانستان کې د ټولو نجونو پر مخ د ښوونځیو دروازې پرانیستل شي.