هرات کې یوشمېر ښځینه ښوونکو نن په دغه ولایت کې د سږني کانکور ازموینه کې د بریالي شویو زدهکوونکو په ستاینغونډه کې ټینګار وکړ چې د نجونو پر مخ باید ښوونځي پرانېستل شي. دا غونډه د هرات د پوهنې ریاست له لوري جوړې شوې وه.
د افغاني سرې میاشتې ټولنې مسوولانو نن سهشنبه د لړم ۱۷مه کابل کې د یوې خبري ناستې پر مهال ویلي، یوشمېر افغان ناروغان د درملنې لپاره المان ته لېږدوي.
د احصایې او معلوماتو ملي اداره وايي چې د بدخشان د واخان ولسوالي د پامیرونو سیمو اوسېدونکو ته یې د تابیعت پېژندپاڼې وېشلې دي.
د ریاستالوزرا اقتصادي معاونیت وايي چې افغانستان د روان ۱۴۰۱ کال په لومړیو اوو میاشتو کې د یو میلیارډ او ۸۵میلیونه ډالرو په ارزښت بهرنیو هېوادونو ته بېلابېل توکي صادر کړي دي.
پاکستان کې د افغانستان د سفارت چارواکو ویلي چې د دغه هېواد د کراچۍ ښار له یوه زندان ۳۰ هغه افغان کډوال چې د قانوني اسنادو د نه لرله له کبله پولیسو بندیان کړي وو، د دوی په هڅو بېرته خوشې شوې دي. باختر خبري اژانس نن سهشنبه د لړم ۱۷مه پر خپله ټوېټرپاڼه لیکلي چې دغه افغان کډوال د کراچۍ له یوه زندانه خوشې شوي او بېرته خپل هېواد ته ستانه کړل شوي دي.
د بغلان محلي مسوولان وايي چې د دغه ولایت په مرکز پلخمري ښار کې د ۴۲۷ اړمنو ښځو او ۷۳ ځوانانو لپاره د فني او حرفوي زدهکړو زمینه برابره شوه.
کابل کې ښار کې سلګونه سوداګرو د یوه خصوصي بانک له لوري د دوی د پیسو د نه ورکړې له امله اعتراض کړی دی.
د پکتیا محلي مسوولان وايي چې نن دوشنبه د (لړم ۱۶مه) په مرکز ګردېز کې د روغتیایي علومو له انستیټیوټ څخه د فزیوتراپي له څانګې ۱۶ نجونې فارغې شوې.
ازانګه افغان د سږنی کال کانکور ازموینې د زرګونه کډونوالو له ډلې هغه ښځينه زده کوونکې ده چې د ننګرهار پوهنتون د کمپیوټر ساینس پوهنځي ته یې لاره پیدا کړې ده. د فېسبوک ګڼشمېر کارونکو په دې تړاو تبصرې کړي او زده کړو ته د هڅونې او ملاتړ په موخه یې د عزت افغان هڅه ستایلې ده.
د کار او ټولنیزو چارو وزارت مسوولانو نن کابل د یوې خبري ناستې پر مهال د خپلو وروستیو ولایتي سفرونو په اړه خبریالانو ته معلومات ورکړل.
د برښنا او اوبو وزارت مسوولانو سلاموطندار ته ویلي، داسې یوه طرحه يې ریاستالوزرا ته لېږلې چې له مخې به يې کابل ښار کې د خپلسرو څاګانو د کیندنې مخه ونیول شي. د یاد وزارت د طرحې پر بنسټ هغه کورونه او ودانۍ چې له اندازې زیاتې اوبه مصرفوي، حکومت به پرې مالیه لګوي.
د سرپُل محلي مسوولان وايي چې د دغه ولایت په مرکز کې ناپېژنده کسانو یوه ښځه وژلې ده. د سرپُل د امنیې قومنداني ویاند دینمحمد نظري سلاموطندار ته ویلي، دغه ښځه نن یکشنبه د لړم ۱۵مه د مرکز د ناحیهدشت اړوند خرابه کلي کې رامنځته شوې ده. نظري زیاته کړې، د یادې ۴۰کلنې مېرمنې جسد د جنايي جرمونو پر وړاندې د مبارزې مدیریت د پرسونل له لوري روغتون ته لېږدول شوی دی.
د تېرې پنجشنبې په ورځ داسې راپورونه خپاره شول چې د اسلامي امارت ځواکونو په کابل کې یوه معترضه ظریفه یعقوبي له څلور نورو هلکانو سره هغه مهال نیولې چې غوښتل یې په یوه خبري غونډه کې ګډون وکړي. سره له دې چې د هغوی له نیول کېدو درې ورځې تېرېږي، خو لا یې هم د وضعیت په اړه معلومات نشته.
د سره صلیب نړیوالې کمېټې افغانستان کې د بشري وضیعت په اړه د اندېښنې په څرګندولو سره ویلي، هغه کسان چې اوس افغانستان کې دندي لري، د ورځې له ۱۰۰ افغانیو څخه ډېر عاید نه شي پیدا کولای. په همدې حال کابل کې ځینې بېوزله کسان وايي چې کافي خوړو ته لاسرسی نهلري او ډېری وختونه د خوړو د نشتون له امله ورځې او شپې په لوږه تېروي.
افغانستان کې نابینایان «ړانده کسان» د نورو ستونزو ترڅنګ د عامه خدمتونو او د زدهکړو او کاري زمینې نه برابرېدو له کبله شکایت کوي.
د فاریاب امنیتي مسوولان وايي چې د دغه ولایت په دولتاباد ولسوالي کې ناپېژنده کسانو د «مالګې» د یوه کان درې کارکوونکي په مرموز ډول وژلي دي.
