دایکندي کې پر خوارځواکۍ د اخته ماشومانو شمېر ۵۳سلنه لوړ شوی
د دایکندي د عامې روغتیا ریاست مسوولان وايي چې دغه ولایت کې د وچکالي او بېوزلي له امله د تېر کال په پرتله سږکال پر خوارځواکۍ د اخته ماشومانو شمېر ۵۳سلنه لوړ شوی دی.
د دایکندي د عامې روغتیا ریاست مسوولان وايي چې دغه ولایت کې د وچکالي او بېوزلي له امله د تېر کال په پرتله سږکال پر خوارځواکۍ د اخته ماشومانو شمېر ۵۳سلنه لوړ شوی دی.
کابل ښار کې د ګلانو او نیالګیو یوشمېر پلورونکي وايي چې د تېرو کلونو په پرتله یې سږکال د پېر کچه لوړه شوې ده.
ولي محمد چې له تېرو ۱۸ کلونو راهیسې د کابل ښار په یوه څنډه کې ګلان پلوري، وايي چې روان کال یې د ګلانو او نیالګیو برخه کې ۳۰۰زره افغانۍ پانګونه کړې ده.
د کابل اوسېدونکې نرکس چې ۲۳کلن زوی یې د «تراماډول» په نوم نشه لرونکو ګولیو د کارونې له امله روږدی شوی، وايي چې د کابل په روغتونونو کې په ازاده توګه د یادو درملو کارونه لامل شوې چې زوی یې روږدی شي.
نرګس له حکومت غواړي چې د نشه لرونکو درملو د ناقانوني پلور مخنیوي په اړه لازم اقدامات وکړي.
د کندهار امنیتي مسوولان وايي چې بېګاه شپه دغه ولایت کې یوه روږدي کس خپله مېرمن په مرموز ډول وژلې او له سیمې تښتېدلی دی.
پېښه بېګاه شپه د کندهار ښار د لومړۍ حوزې اړوند سیمه کې رامنځته شوې ده.
د لغمان محلي مسوولان وايي چې دغه ولایت کې د یوه کور چت پرېوتو له کبله د یوې کورنۍ اووه غړي مړه شوي او یوه کوچنۍ نجلۍ ټپي شوې ده.
کابل کې یوې مېرمنې په خپل شخصي لګښت ۱۵ نورو بېسرپرسته ښځو ته د کار زمینه برابره کړې ده.
د ښځو د کار پر وړاندې له شته محدودیتونو سربېره بیا هم دغه بېسرپرسته نجونې او مېرمنې د «مینه» په نوم د خوږو خوړو دغه کوچنی کارځای ته ورځي او هره ورځ لس ساعته کار کوي.
د افغانستان د وینې ملي بانک مسوولان وايي چې د روانې روژې میاشت کې د تازه وینې له کمښت سره مخ دی.
د دغه بانک مسوول محمدناصر صادق سلاموطندار ته ویلي چې دامهال دغه بانک کې ۴۰۰ پاکټه وینه ذخیره لري، خو تازه وینې ته د ناروغانو اړتیا ډېره ده. د نوموړي په وینا، روژې میاشت کې د هېوادوالو له لوري د وینې ورکولو کچه کمه شوې ده.
افغانستان کې د ملګروملتونو سازمان اړوند دفترونو کې له کار د ښځو ګرځولو ته د غبرګونونو پر دوام، د افغانستان لپاره د یاد سازمان د سرمنشي ځانګړې استازې روزا اوتونبایوا، د یاد سازمان د سرمنشي مرستیاله امنه محمد او د امریکا د بهرنیو چارو وزیر انټوني بلنکېن د اسلامي امارت دغه پرېکړه غندلې او هغه یې د افغانانو لپاره اندېښمنونکې بللې ده.
د افغانستان بانک وايي چې راتلونکې شنبه د وري ۱۹مه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (پنجشنبه د ۱۴۰۲ د وري اوولسمه) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به راتلونکې شنبه «۱۵» میلیونه امریکايي ډالر لیلام کړي.
له هغه وروسته چې اسلامي امارت په ننګرهار کې د ملګرو ملتونو د ښځینه کارکوونکو د کار مخه ونیوله، دغه سازمان یې په غبرګون کې په افغانستان کې خپلو ټولو ښځینه کارکوونکو ته چې شمېر درېنیم زرو ته رسېږي، خبر ورکړی چې تر راتلونکو ۴۸ ساعتونو پورې دندو ته ور نهشي.
د افغانستان بانک مسوولانو نن کابل کې یوې خبري ناستې ته د یاد بانک د کلني راپور د وړاندې کولو پرمهال وویل چې د هېواد د تورم نرخ ۳.۵سلنې ته ټیټ شوی دی.
پر ټولنیزو رسنیو د ا.ا اړوند ځواکونو له لوري د یوه ځوان د وهلو ویډیو له خپرېدو وروسته، د پلازمېنې یوشمېر اوسېدونکي له خلکو سره د ا.ا د ځواکونو له ناسم چلن څخه شکایت کوي. د امربالمعروف و نهېعن المنکر وزارت ویاند عاکف مهاجر سلام وطندار ته وویل، دغه محتسب ټکسي چلوونکي ته د سپکاوي په تور د اسلامي امارت لهخوا نیول شوی دی.
د درملو او روغتیايي محصولاتو ټولنې مسوولان افغانستان ته په پراخه کچه د بېکیفیته درملو د قاچاق او واردولو څخه د اندېښنې په څرګندولو سره وايي، هر کال هېواد ته د خلکو له اړتیا زیات درمل او روغتیايي محصولات هېواد ته قاچاقېږي.
د ملګروملتونو د بشري مرستو د همغږي ادارې اوچا څه موده وړاندې ویلي و چې روان میلادي کال افغانستان کې اړمنو سره د مرستو لپاره ۴ میلیارډ او ۶۰۰ میلیونه ډالرو ته اړتیا لري.
یاد سازمان تازه د اندېښنې په څرګندولو سره ویلي، افغانستان کې بېوزلو کورنیو سره د مرستې لپاره یې د غوښتل شویو مرستو له ډلې یوازې ۵سلنه ترلاسه کړي دي.
کاپیسا د پلازمېنې کابل په شمالختیځ کې پروت هغه ولایت دی چې د شاتو مچیو د پالنې او پاتنې لپاره مناسبه هوا لري. د یاد ولایت د نجراب ولسوالي بیا د شاتو په تولید کې ځانګړی نوم لري او دا مهال ۱۰۰کسان دغه ولسوالي کې د شاتو مچیو پر ساتنه او پالنه بوخت دي.
د بلخ امنیتي مسوولان وايي چې دغه ولایت کې یې د داعش ډلې شپږ غړي وژلي دي. د بلخ د امنیې قومنداني ویاند محمداصف وزیري وايي، ځانګړو ځواکونو بېګاه شپه د دغه ولایت د نهرشاهي ولسوالي «انجنير مهدي» سيمه کې د داعش وسلهوالو پر یوه پټنځای عملیات کړي چې په پايله کې يې شپږ داعشیان وژل شوي دي.