خوست کې ناپېژنده وسلهوالو یو صراف وژلی
ناپېژنده وسلهوالو نن چهارشنبه د وري ۲۳مه د خوست د صرافانو مارکېټ کې د احمدشاه مندوزي په نوم یو صراف وژلی دی.
ناپېژنده وسلهوالو نن چهارشنبه د وري ۲۳مه د خوست د صرافانو مارکېټ کې د احمدشاه مندوزي په نوم یو صراف وژلی دی.
پکتیا کې بڼوالو او د دغه ریاست مسوولانو د ګڼو ونولرونکو باغونو د جوړولو هڅې پیل کړي چې په دودولو سره یې بڼوال کولای شي، له کمې ځمکې ډېر عاید ترلاسه کړي.
د سټنډرډ ملي ادارې مسوولانو نن کابل کې د یوې خبري ناستې پرمهال وویل چې تېر ۱۴۰۱ کال کې یې هېواد ته د بېلابېلو بېکیفیته توکو د واردولو مخه نیولې ده.
د یادې ادارې سرپرست فیضالله تمیم یادې خبري ناستې ته وویل چې د ستنډرډ ملي ادارې د تېر کال پرمهال د بېکیفیته نفتي موادو ۱۰۰۰ ټانکرونه بېرته مصدرد کړي دي.
د تېر جمهوري نظام د یوه عسکر بوره مور په ژړغوني غږ وايي چې ناپېژنده وسلهوالو یې څه موده مخکې زوی په ډزو وژلی دی.
د دغې مور په خبره، تر اوسه هېچا دا ورته روښانه نه کړه چې زوی یې چا او ولې وواژه؟ خو زیاتوي چې د اسلامي امارت ځواکونه یې څو ځله د هغه د وسلې او موټرسایکل ترلاسه کولو په موخه کور ته ورغلي دي.
د افغانستان بانک وايي چې سبا چهارشنبه د وري ۲۳مه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (سهشنبه د ۱۴۰۲ د وري ۲۲مه) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا «۱۵» میلیونه امریکايي ډالر لیلام کړي.
د اختر په را نږدېکېدو سره کابل ښار کې د افغاني جامو یوشمېر خیاطان وايي چې له تېرې یوې میاشتې راهیسې یې پېردونکي ۸۰سلنه ډېر شوي دي.
د کابل ښار دغه خیاطان همداراز زیاتوي چې د تېرو کلونو په پرتله سږ کال له افغاني جامو سره د خلکو د لېوالتیا ډېره شوې چې د دوی کار ورسره ښه شوی دی.
د غزني امنیتي مسوولان وايي چې دغه ولایت کې د لاسي بم چاودنې له کبله دوه ماشومان وژل شوي دي.
د غزني د امنیې قومنداني ویاند خالد سرحدي سلاموطندار ته وايي چې پېښه د دغه ولایت د ناور ولسوالي په «ګلزار برجګي» کلي کې رامنځته شوې چې پرمهال یې یوه هلک او یوې نجلۍ خپل ژوند له لاسه ورکړی دی.
بدخشان کې محلي سرچینې سلاموطندار ته وايي چې د روانې اوونۍ د یکشنبې پر شپه د وري ۲۰مه د دغه ولایت د ارګو ولسوالي د «شتک» روغتون امر احمدتمیم د ناپېژنده وسلهوال په برید کې وژل شوی دی. بلخوا د بدخشان د اطلاعاتو او فرهنګ رییس معزالدین احمدي هم د یاد ډاکټر وژنه تاییدوي، خو په دې اړه یې نور جزیات نه دي ورکړي.
د افغانستان د اوسپنې پټلۍ ادارې مسوولان وايي چې د تېر کال پرمهال یې د هېواد د رېل پټلۍ له درېوو لارو څلور میلیارډ، ۶۷۳ میلیونه او ۹۲۹ مټریک ټنه توکي بهر ته لېږدولي چې د ۱۴۰۰ کال په پرتله ۳۶سلنه زیاتوالی ښيي.
کابل کې د یوشمېر مېلمستونونو مالکان وايي چې د پخوا په پرتله یې کاروبار خراب شوی دی. دوی زیاتوي چې د بېوزلي له امله د دوی هوټلونو او مېلمستونونو ته د مسافرو ورتک په نشست حساب دی. په ورته وخت کې یوشمېر مسافر کابل ښار کې د هوټلونو او مېلمستونونو احتمالي فعالیت ځنډېدو څخه اندېښنه ښيي.
د هرات محلي مسوولان وايي چې د ۱۴۰۰ کال په پرتله ۱۴۰۱ کال کې د دغه ولایت د ګمرک عواید د فساد مخنیوي له امله څو برابره زیات شوي دي.
د کاپیسا امنیتي مسوولان وايي چې دغه ولایت کې د «قران ختم» ترسره کېدو پر سر د لفظي شخړې له امله نښته رامنځته شوې چې په پایله کې یې دوه کسان مړه او څلور نور ټپیان شوي دي. نوموړی ټینګار کوي چې د پېښې په تړاو درې تورن کسان نیول شوي او دا مهال ترې پوښتنې ګروېګنې روانې دي.
د پکتیا د امنیې قومنداني ویاند منیب ځدراڼ وایي چې پرون یکشنبه د وري ۲۱مه دې ولايت د شواک ولسوالي په اړوند سټوکنډو سیمه کې یو عراده کرولاټو موټر له سرک څخه وتلی او چپه شوی چې له امله یې دوه کسان مړه او دری نور ټپیان شوي.
د خوست مسوولان وایي چې پرون یکشنبه د وري ۲۰مه د یاد ولایت د ځاځي میدان ولسوالي اړوند د «رځک سیمه» کې د کرومایټ ډبرو د یوه کان د استخراج چارې پیل کړي دي.
د ننګرهار سپین غر ولسوالي کې محلي سرچينې سلاموطندار ته وايي چې د دې ولسوالي په شډل سیمه کې د امنیتي ځواکونو او عامو خلکو ترمنځ نښته رامنځته شوې ده.
د سرچینې په وینا، دغه نښته نن له غرمې مخکې هغه مهال رامنځته شوه چې امنیتي ځواکونو په شډل سیمه کې د خلکو کرل شوي کوکنار لهمنځه وړل.
د بغلان امنیتي مسوولان وايي چې د دغه ولایت په اړوند سیمه کې د یوې ټرافیکي پېښې پرمهال دوه کسان مړه شوي او څلور نور ټپیان دي.