د پکتیا د امنیې قومنداني ویاند منیب ځدراڼ وایي چې پرون یکشنبه د وري ۲۱مه دې ولايت د شواک ولسوالي په اړوند سټوکنډو سیمه کې یو عراده کرولاټو موټر له سرک څخه وتلی او چپه شوی چې له امله یې دوه کسان مړه او دری نور ټپیان شوي.
د منیب ځدراڼ په خبره چې د پېښې ځای ته د ولسوالي پولیس پر وخت رسېدلي او ټپیان یې روغتون ته انتقال کړي.
سلاموطندار پر ټویټر هم وڅارئ
دغه ټرافیکي پېښه داسې مهال رامنځته کېږي چې له دې وړاندې هم دغه ولایت او د هېواد په یوشمېر نورو سیمو کې هم ورته پېښې رامنځته شوي چې مسوولان یې، لامل تر ډېره د موټر چلوونکو بېاحتیاطي او د سرکونو خرابوالی یادوي.