د اسټرالیا کرېکټ بورډ نن سهشنبه، مارچ ۱۹مه اعلان کړی چې افغانستان کې د «ښځو او نجونو بشري حقونو وضعیت خرابوالي» له امله یې د دغه هېواد کرېکټ ملي لوبډلې سره د شل اووره سیالیو لوبلړۍ ځنډولې وه. د یاد هېواد کرېکټ بورډ ویلي چې له حکومت سره تر مشورې وروسته یې دغه پرېکړه کړې.
د لوګر محلي چارواکي وایي چې د نوي ۱۴۰۳ کال په ترڅ کې به د دغه ولایت د ټولو ولسوالیو محاکمو ته ودانۍ جوړې شي.
د دغه ولایت والي مولوي ضیاالرحمن مدني پلعلم کې د مرکز پل علم او ولسوالیو د محاکمو له مسوولانو سره په یوه ناسته کې وویل، د ا.ا د مشرتابه د ځانګړي حکم له مخې، د محمداغې، خوښۍ، بره کي برک، ازرې، څرخ او خروار ولسوالیو محاکمو ته اداري ودانۍ جوړېږي.
ارګ پر خپله اېکسپاڼه لیکلي، د ا.ا د کابینې غونډه چې دوشنبه، کب ۲۸مه د محمدحسن اخند په مشري جوړه شوې وه، پهکې پر لویو لارو د ټرافیکي پېښو مخنیوي او د موټرو سرعت کنټرولو په موخه ټرافیک پولیسو ته د اړینو وسایلو چمتو کولو په اړه د یوې طرحې پر جوړېدو خبرې شوې دي.
د میدانوردګ د کرنې، اوبولګولو او مالدارۍ ریاست چارواکي وایي، د دغه ولایت د کرنې ریاست په همغږۍ په جلرېز، حصهاول بهسود او مرکزي بهسود ولسوالیو کې پر ۳۳۰۰ بېوزله او اړمنو کورنیو ۲۰میلیونه افغانۍ ووېشل شوې.
د ریاستالوزرا سیاسي مرستیال مولوي محمد عبدالکبیر کابل کې د چین سفیر جاوشینګ سره لیدنه کې ویلي، سرپرست حکومت غواړي چې د شانګهای همکاریو سازمان راتلونکې غونډه کې د ناظر په توګه د ګډون بلنه ورکړل شي.
د سرپرست حکومت د دفاع وزارت وايي چې د پاکستان د هوايي بریدونو په غبرګون کې یې، ډیورنډ کرښه ته څرمه د پاکستان د پوځ پر مرکزونو د درنو وسلو بریدونه کړي دي.
د دفاع وزارت نن دوشنبه، کب ۲۹مه پر اېکسپاڼه لیکلي چې دغه بریدونه یې پر پکتیکا او خوست د پاکستان د هوايي بریدونو په غبرګون کې کړې دي.
د پکتیا په ډنډپټان ولسوالي کې یوې حکومتي سرچینې سلاموطندار ته ویلي چې په دغه ولسوالي کې ډیورنډ کرښې سره د افغان او پاکستاني ځواکونو ترمنځ نښته روانه ده.
نښته نن دوشنبه، کب ۲۹مه سهار مهال پیل شوې چې تر دې دمه روانه ده. د جګړې پیل سره هممهاله له پاکستان سره د خرلاڅي دروازه هم تړل شوې.
پر خوست او پکتیکا د پاکستان د هوايي بریدونو په غبرګون کې د افغانستان سرپرست حکومت وايي چې دغه ډول ناسنجیده کړنې به بدې پایلې ولري.
د سرپرست حکومت په یوې خبرپاڼه کې دې هوايي بریدونو ته په غبرګون کې ویلي چې داسې پېښې به خورا بدې پایلې ولري او کابو کول به یې د پاکستان اختیار کې نهوي.
عطا نوید چې په هېواد کې یې پنځه کاله له بېلابېلو رسنیو سره کار کړی وايي، اوس وزګار دی او د کار موندلو لپاره چې هرې ادارې ته ورغلی، ناهیلی ترې راوتلی دی. نوموړی له حکومت څخه غواړي، څو د هغو خبریالانو لپاره چې کارونه یې له لاسه ورکړي، د کار اسانتیاوې برابرې کړي.
خوست کې يوه ډله ځوانان کلي په کلي ګرځي او کورنۍ هڅوي چې خپل هغه ماشومان چې عمر يې ښوونځیو کې د شاملېدو لپاره برابر وي، ښوونځيو کې شامل کړي.
د دغه کمپاین په ترڅ کې هغو ماشومانو ته په وړيا ډول انځورونه هم چاپېږي چې په ښوونځي کې د شامېليدو پرمهال ورته اړتيا وي.
د افغانستان بانک مسوولان وايي چې «دوشنبه، کب ۲۸مه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (یکشنبه، د کب ۲۷مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا دوشنبه «۱۵» میلیونه امریکايي ډالر لیلام کړي.
افغانستان کې د وروستیو سیاسي تحولاتو راپدېخوا او له زدهکړو او کار څخه د نجونو او مېرمنو راګرځولو سره هممهاله ګڼشمېر ښځو د لاسي صنایعو او خیاطي زدهکړې ته مخه کړې.
په دې راپور کې له ۳۰ مېرمنو سره مرکې شوې چې د سرپرست حکومت په واکمنېدو سره یې د خیاطي زدهکړې ته مخه کړې ده.
د کندهار امنیتي مسوولان وايي چې دغه ولایت کې د تېر یوه کال پرمهال د اورلګېدنې ۱۰۶ پېښې رامنځته شوي چې له امله یې نږدې ۴.۵ میلیونه افغانۍ زیان اړولی دی. جمشېد زیاته کړه چې د اورلګېدنې ډېری پېښې د تېلو پلورنځیو، د صنعتي پارک کارخانو، د ګازو لویو ټانکرونو، شرکتونو، سوداګریزو مرکزونو او کورونو کې رامنځته شوي دي.
د لوګر اطلاعاتو او فرهنګ ریاست چارواکي وایي د دغه ولایت رسنیو او خبریالانو ته د معلوماتو شریکولو لپاره ملکي او نظامي ادارو ته ویاندویان
د اقتصاد وزارت له ټولو کورنیو او بهرنیو غیردولتي موسسو غوښتنه کړې چې د خپلو تدارکاتي پړاوونو مخته وړو پرمهال د دغه وزارت استازي ته بلنه ورکړي.
د اقتصاد وزارت ویاند عبدالرحمان حبیب سلاموطندار ته وايي، د موسسو ټولو تدارکاتي پړاوونو کې د دغه وزارت د استازي شتون، د هغوی فعالیتونو کې رڼښت راولي او د مالیې ورکولو بحث روښانوي.
د ملګروملتونو امنیت شورا «جمعه، کب ۲۵مه» په افغانستان کې د خپلې سیاسي استازولي ماموریت د یوه بل کال لپاره وغځاوه.
د تصویب شوي پرېکړهلیک له مخې به یوناما د راتلونکي ۲۰۲۵ کال د مارچ تر ۱۷مې افغانستان کې خپل ماموریت ته دوام ورکړي. سرپرست حکومت هم د یوناما ماموریت له غځېدو هرکلی کړی او هغه یې د افغانستان په ګټه بللی دی.
