« ما ته د هندوې خطاب کوي. حتی خپل همکاران مې چې زما په اړه پوره پوهاوی لري وايي چې د هند په تړاو له هنریارې څخه وپوښتئ ځکه نوموړې په هند کې زیاته بلده ده.»
دا د یوې سک او په مشرانو جرګه کې د یوې استازې انار کلي هنریار خبرې دي چې تېره اوونۍ یې په کابل کې د ابن سینا سولې نړیوالې جایزې ترلاسه کولو په مراسمو کې کړي چې…
یو افغان او ځوان انځورګر عرفان هزاره په ترکیه کې کډوال دی. عرفان په ډېره کمه موده کې د ترکي چارواکو پام ځان ته اړولی او په دغه هېواد کې یې ځانګړی ځای خپل کړی دی. نوموړي د خپلې انځورګرۍ په برخه کې نویو نوښتونو سره د ترکیې د لوړپوړو چارواکو پام ځان ته اړولی او له دې لارې یې خپل نوښتونه د ترکیې خلکو ته نندارې ته وړاندې کړي دي.
د بامیان د ښځو چارو ریاست مسوولانې په بدو کې د یوې کمعمره نجلۍ د ورکړې خبر ورکوي.
د بامیان د ښځو چارو رییسه ذکیه رضايي وايي، د دغه ولایت په شیبر ولسوالي کې یوې کورنۍ خپله پنځه کلنه لور په بدو کې ورکړې ده. د هغې په وینا، د یادې نجلۍ پلار دیني عالم دی او د ګاونډي پر مېرمنې د جنسي تېري د تور په بدل کې یې خپله لور په بدو کې ورکړې ده.
بلخ کې سږ کال د جنډې پورته کولو مراسم د زرګونو کورنیو او بهرنیو مېلمنو په ګډون سره په امن کې تېر شول. که څه هم هر کال به په دغو مراسمو کې د حکومت مرکزي ادارې لوړپوړو چارواکو ګډون کاوه، خو سږ کال د ناڅرګندو لاملونو له کبله نه وو ورغلي.
د نوي کال نمانځلو لپاره یوازې د ګوتو په شمېر ورځې پاتې دي او دغه جشن د هېواد په بېلابېلو ولایتونو او بهر کې هم نمانځل کېږي.
هر کال د نوي کال په را رسېدو سره په بلخ کې د خلکو ګڼه ګوڼه زیاتېږي او سږ کال د تېر هغه په پرتله ډېره شوې ده. ټول خلک هڅه کوي چې خپل نابشپړ کارونه سر ته ورسوي، د پېر او پلور بازار تود دی او ښاریان د نوي کال نمانځلو او مېلمنو ته د ښه راغلاست لپاره پر چمتووالي بوخت دي.
پکتیا کې مېرمنې که څه هم شکايت کوي چې لا هم د اسلام او قانون له لوري ورکړل شوي حقونه په بشپړه توګه نه دي ورکړل شوي او په ترلاسه کولو کې یې له ستونزو سره مخامخ دي، خو زیاتوي چې په ځينو برخو کې مثبت بدلونونه هم راغلي دي.
دغو مېرمنو دا خبرې په ګردېز کې د بشري حقونو په يوه جوړه شوې غونډه کې کړې دي.
د افغانستان وتلې سندرغاړې پیکر سلطان چې په افسانه نوابي پېژندل کېده، په المان کې مړه شوې ده.
د اطلاعاتو او فرهنګ سرپرست وزیر محمدطاهر زهیر نن په یوه پیغام کې د هغې مړینه یوه ضایعه بللې ده.
د بامیان ولایت سلګونو فرهنګیانو پرون ماښام په یوه اعتراضي لاریون کې د صلصال او شهمامه سمڅو په مخ کې د الیکین څراغونو په لېږدولو سره د طالبانو له لوري د بودا مجسمې ورانول وغندل او د دې ډلې د محاکمې غوښتنه یې وکړه.
په مزارشریف کې ۴۰ نجونو او هلکانو خپل ودونه په ډلهييزه توګه وکړل. دا ډلهييز واده چې شاوخوا يو ميليون افغانۍ لګښت پرې راغلی د څو خصوصي بنسټونو په مالي مرسته وشو. دغه جوړې وايي، له دې کاره يې موخه ډلهييزو ودونو ته د خلکو هڅول دي او په دې کار سره غواړي چې د ودونو ناوړه دودونه له منځه يوسي.
د بدخشان ولایت د اشکاشم ولسوالۍ فرهنګپال شاهمیري شاهپور وایي، اشکاشمي ژبه چې یوه وخت د اشکاشم ولسوالۍ خپلواکه ژبه وه، دا مهال یوازې څو ولسوالیو ته محدوده شوې او په یو شمېر کلیو او بانډو کې پرې ځوانان هم خبرې نهشي کولای.
دوه کال وړاندې د کابل ښار برهکي څلور لاره کې تاج کانټيننټل هوټل جوړ شو. دا هوټل د شکل له پلوه له هغه هوټلونو سره توپير لري کوم چې کابل کې له دې وړاندې فعاليت کاوه. له تاج هوټل نه وروسته نورو هوټلونو هم لکه د تاج هوټل په شان اعلانونه جوړ کړل او د ټلويزونونو پردې ونيولې. حتا ځینو د خپلو هوټلونو زړې ودانۍ ویجاړې کړې او لګيا دي لکه تاج نوې بڼه ورکوي.
لسګونو شاعرانو نن د پکتيا په مرکز ګردېز کې د يوې جوړې شوې مشاعرې پر مهال په یوه غږ د سولې غوښتنه وکړه.
دا مشاعره چې د سمون ټولنې له لوري جوړه شوې وه، د شاعرانو تر څنګ، یوشمېر لیکوالانو، د ادب مینهوالو او ګڼشمېر ځوانانو برخه اخیستې وه.
د کندوز یوشمېر ځوانانو چې د «تيراژ» په نوم یې یوه فرهنګي ډله جوړه کړې، په هېواد کې د روانې جګړې د غندلو او د سولې ملاتړ په موخه پر دېوالونو د انځورګرۍ کمپاین پیل کړی دی.
دوی په دغه کمپاین کې پر دېوالونو انځورونه کاږي او د بېلابېلو شعارونو په لیکلو سره غواړي چې په سوله او جګړه کې د انځورګرۍ رول ته د ټولنې پام ور واړوي.
د «جلالاباد خواړه» د هغې مېلې او نندارتون نوم دی چې په لومړي ځل پهکې د ننګرهار مشهور خواړه نندارې ته اېښودل شوي دي.
د خوړو دغه مېله او نندارتون چې بېلابېل کرنیز توکي، لاسي صنایع او نور کورني تولیدات او محصولات پهکې نندارې ته اېښودل شوي، پرون د جلالاباد ښاروالي او کرنې ریاست په همغږۍ جوړ شو چې نه به هم دوام ولري.
د مرغومې ۱۴مه د اوزبکي او ترکمني ژبو د ملي ورځې په توګه په کابل کې د یو شمېر لوړپوړيو حکومتي چارواکيو په حضور کې ونمانځل شوه.
په دې اړه جوړه شوې غونډه کې د لوړو زدهکړو وزیر عباس بصیر وویل، افغانستان د هغو هېوادونو له ډلې دی چې د بېلابېلو قومونو او ژبو موجوديت پهکې ځانګړې ښکلا ورپه برخه کړې.
اطلاعاتو او فرهنگ وزارت کې مسوولان وايي، ياد وزارت د تاريخي اثارو له ۷۰ نه تر ۸۰ سلنه سیمو ته لاسرسی نهلري. د ياد وزارت د لرغونپېژندنې برخې رييس نوراغا نوري نن په يوه خبري ناسته کې وويل، د تاريخي اثارو ډېری سيمې د حکومت له لاسرسي وتلې دي.
نوري وايي، د ياد وزارت په لرغونپېژندنې رياست کې ټول هېواد کې شاوخوا ۴ زره لرغونې سيمې چې په بېلابېلو ولايتونو او په تېرو دورو پورې اړوندې دي يعنې تر ټولو پخوانی اثر شاوخوا د ۱۲۰زرو پخوا کلونو لرغونتيا لري، ثبت شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
